امریکا کی ’ایریزونا اسٹیٹ یونیورسٹی‘ نے پاکستان میں اعلیٰ تعلیم کیلیے خدمات کا آغاز کردیا
اشاعت کی تاریخ: 19th, May 2025 GMT
لاہور:
امریکا کی صف اول کی ’ایریزونا اسٹیٹ یونیورسٹی‘ نے پاکستان میں پہلی بار اعلیٰ تعلیم کے شعبے میں خدمات کا آغاز کردیا۔
ایکسپریس نیوز کے مطابق امریکی یونیورسٹی پاکستان میں نیشنل انسٹی ٹیوٹ آف ٹیکنالوجی (این آئی ٹی) لاہور کے ساتھ شراکت داری سے عالمی معیار کے ڈگری پروگرامز، دہری ڈگری کے مواقع، بین الاقوامی تبادلے اور صنعت سے ہم آہنگ سرٹیفیکیشنز فراہم کرے گی۔
پاکستانی طالب علموں کو ملک کے اندر ہی امریکی یونیورسٹی کی معیاری تعلیم ، تربیت اور ڈگری کی فراہمی ممکن ہوگئی ہے۔ 16 اپریل 2025ء کو ایریزونا اسٹیٹ یونیورسٹی کے ٹیمپے کیمپس میں، دونوں تعلیمی اداروں کے درمیان معاہدے پر دستخط ہوئے۔
یہ چھ براعظموں پر پھیلی 30 سے زائد یونیورسٹیز کا نیٹ ورک ہے جس سے پاکستان کی نوجوان نسل کے لیے، عالمی معیار کی تعلیم، بین الاقوامی تبادلے اور جدت پر مبنی کیریئرز کے دروازے کھل جائیں گے۔
لندن یونیورسٹی سے فارغ التحصیل وکیل شاہ زیب اعوان اور ہارورڈ سے ایم بی اے کرنے والے جہانزیب برانا، این آئی ٹی لاہور میں پہلا کیمپس قائم کریں گے جس میں اسکول آف بزنس اسٹڈیز اور اسکول آف ڈیجیٹل ٹیکنالوجیز کے شعبے شامل ہوں گے۔
جہانزیب برانا کے مطابق ڈی ایچ اے فیز سات کے قریب واقع یہ کیمپس عالمی معیار کی صلاحیتوں کو پروان چڑھانے کا پلیٹ فارم بنے گا۔
ممتاز ماہر تعلیم اور پاکستانی و بین الاقوامی تعلیمی حلقوں میں انتہائی معتبر نام ڈاکٹر فیصل باری، وائس چانسلر کے طور پر خدمات انجام دیں گے۔ ڈاکٹر باری نے کہاکہ یہ درس گاہ بدلتی ہوئی عالمی معیشت میں کامیاب ہونے کے لیے ضروری علم اور مہارتیں فراہم کرے گی۔
.
ذریعہ
ذریعہ: Express News
پڑھیں:
جماعت اسلامی کے سیکریٹری جنرل امیرالعظیم انتقال کرگئے
لاہور(ڈیلی پاکستان آن لائن)جماعت اسلامی پاکستان کے سیکریٹری جنرل امیرالعظیم لاہور میں انتقال کرگئے۔جماعت اسلامی پاکستان کی جانب سے سماجی رابطے کی ویب سائٹ پر جاری بیان میں بتایا گیا کہ امیرالعظیم صاحب اللہ کے حضور پیش ہوگئے۔
سیکریٹری جنرل جماعت اسلامی امیر العظیم طویل عرصے سے علیل اور کینسر کے مرض سے نبرد آزما تھے۔امیرالعظیم کی نماز جنازہ کا اعلان بعد میں کیا جائے گا۔امیرالعظیم جماعت اسلامی کے سیکریٹری جنرل کے علاوہ زمانۂ طالب علمی میں اسلامی جمعیت طلبہ پاکستان کے ناظم اعلیٰ بھی رہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
لاہور میں 1958 میں پیدا ہونے والے امیرالعظیم نے پنجاب یونیورسٹی سے ایم بی اے کی ڈگری حاصل کی اور اسلامی جمعیت طلبہ کے ناظم اعلی رہے۔جماعت اسلامی پاکستان کے سابق امیر سراج الحق نے انہیں 2019 اور 2024 میں موجودہ امیر جماعت اسلامی حافظ نعیم الرحمان نے مرکزی مجلس شوریٰ کے مشورے سے انہیں مرکزی سیکریٹری جنرل مقرر کیا۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار