غزہ میں غاصب صیہونی رژيم کے ہاتھوں بچوں کے وسیع قتل عام سے متعلق اسرائیلی سیاستدان کا برملاء اعتراف
اشاعت کی تاریخ: 20th, May 2025 GMT
مقبوضہ فلسطینی علاقوں پر قابض اسرائیلی رژیم کی ڈیموکریٹک پارٹی کے سربراہ نے اعلان کیا ہے کہ ایک عام و معتدل حکومت ''عام شہریوں'' کیخلاف جنگ نہیں لڑتی اور نہ ہی ''تفریح کیلئے'' بچوں کا قتل عام کرتی ہے! اسلام ٹائمز۔ مقبوضہ فلسطینی علاقوں پر قابض اسرائیلی رژیم کی ڈیموکریٹک پارٹی کے سربراہ یائر گولن نے غاصب صیہونیوں کو سختی کے ساتھ متنبہ کرتے ہوئے اعلان کیا ہے کہ اسرائیل، تمام عالمی اقوام کے درمیان ایک ''دھتکاری ہوئی'' اور ''تنہائی کا شکار'' ریاست بننے کی جانب بڑھ رہا ہے!! عرب چینل الجزیرہ کے مطابق، یائر گولن نے غزہ میں غاصب صیہونی رژيم کے ہاتھوں بچوں کے وسیع قتل عام کا برملاء اعتراف کرتے ہوئے کہا کہ ایک عام و معتدل ریاست عام شہریوں کے خلاف جنگ نہیں لڑتی اور نہ ہی ''مشغلے کے طور پر'' بچوں کا قتل عام کرتے ہوئے اپنا ہدف؛ عام شہریوں کو بے دخل کر دینا قرار دیتی ہے! یائر گولن نے کہا کہ اسرائیلی کابینہ ایسے انتہاء پسند عناصر سے کھچا کھج بھری پڑی ہے کہ جو انتقامی جذبات سے لبریز ہیں اور ان کا کوئی اخلاقی معیار نہیں! اسرائیلی سیاستدان نے زور دیتے ہوئے کہا کہ یہ (نیتن یاہو) کابینہ نہ صرف سرے سے نااہل بلکہ ہمارے (اسرائیل کے) وجود کے لئے بھی ایک بہت بڑا خطرہ ہے!
جنگ غزہ کے مزید تسلسل اور عام شہریوں کے قتل عام پر شدید تنقید کرتے ہوئے یائر گولن نے کہا کہ اسرائیلی کابینہ کے وزراء کرپٹ ہیں جبکہ ہمیں جنگ کو فی الفور ختم کر دینا چاہیئے اور اسرائیلی قیدیوں کو واپس لا کر اسرائیل کی تعمیر نو کرنی چاہیئے۔ اسرائیلی ڈیموکریٹک پارٹی کے سربراہ نے زور دیتے ہوئے کہا کہ درحقیقت یہ جنگ؛ ہوم لینڈ سکیورٹی کے وزیر اتمار بن گویر اور وزیر خزانہ بیزالل اسموٹریچ کے خوابوں کا تجسم ہے، اور اگر ہم نے انہیں اپنے خوابوں کو پورا کرنے دیا تو ہم (اسرائیل) ایک ''دھتکاری ہوئی'' اور ''تنہائی کا شکار'' ریاست بن جائیں گے!! صہیونی سیاستدان نے مزید کہا کہ اب وقت آن پہنچا ہے کہ ہم ایک صہیونی، یہودی اور جمہوری ریاست کے طور پر اپنی اقدار کا دفاع کریں!
بعدازاں اپنے تبصرے پر ہونے والی شدید تنقید کا جواب دیتے ہوئے یائر گولن نے یہ دعوی بھی کیا کہ اسرائیلی فوج ''اخلاقی ترین'' اور ''ایماندار ترین'' ہے، لیکن کابینہ کرپٹ ہے!!
ذریعہ
ذریعہ: Islam Times
کلیدی لفظ: یائر گولن نے عام شہریوں کہ اسرائیل کرتے ہوئے قتل عام کہا کہ
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا