بھارتی حملے کے شہدا اور زخمیوں کیلئے امدادی پیکج کا اعلان
اشاعت کی تاریخ: 20th, May 2025 GMT
بھارتی حملے میں شہید اور زخمی ہونے والے شہریوں کےلیے وزیر اعظم نے امدادی پیکج کی منظوری دے دی۔
اس سلسلے میں حکومتِ پنجاب نے 14 اضلاع کے ڈپٹی کمشنرز کو امدادی فنڈز جاری کرکے مراسلہ بھی جاری کر دیا۔
محکمہ داخلہ پنجاب کی جانب سے جاری کردہ مراسلے کے مطابق شہدا اور زخمی شہریوں کے لیے امدادی پیکج کی منظوری وزیر اعظم نے دی، جس کے بعد 34 کروڑ 30 لاکھ روپے ڈپٹی کمشنرز کے آسان اسائنمنٹ اکاؤنٹس میں ٹرانسفر کر دیے گئے ہیں۔
خیبر پختون خوا کے وزیرِ اعلیٰ، علی امین گنڈا پور نے بھارتی جارحیت کے نتیجے میں شہید اور زخمی ہونے والوں کے لیے پیکیج کا اعلان کیا ہے۔
مراسلے میں بتایا گیا کہ فنڈز کو 3 کیٹیگریز شہدا، شدید زخمی اور معمولی زخمی میں تقسیم کیا گیا ہے۔ شہید شہریوں کے ورثا کو ایک کروڑ روپے امداد دی جائے گی جبکہ شدید زخمی شہریوں کو 20 لاکھ اور معمولی زخمی کو 10 لاکھ امداد ملے گی۔
مراسلے میں ہدایت کی گئی کہ امدادی رقم کو جائز حقداروں تک شفاف انداز میں پہنچایا جائے۔ فنڈز کی تقسیم سے قبل ہر وصول کنندہ کی اہلیت کی تصدیق کی جائے اور شہدا کے قانونی وارثوں کے علاوہ کسی تیسرے فریق کو ادائیگی نہ کی جائے۔
مراسلے میں کہا گیا کہ متاثرین اور سوگوار خاندانوں کی تمام ذاتی معلومات مکمل راز میں رکھی جائیں۔ ڈپٹی کمشنرز امدادی رقوم کی تقسیم کی تفصیلی رپورٹ محکمہ داخلہ کو بھجوائیں۔
پنجاب کے جن 14 اضلاع کے ڈپٹی کمشنرز کو مراسلہ بھیجا گیا ان میں قصور، شیخوپورہ، ننکانہ صاحب، اٹک، مری، بہاولپور، بہاولنگر، فیصل آباد، ٹوبہ ٹیک سنگھ شامل ہیں۔
اس کے علاوہ گجرات، سیالکوٹ، خانیوال، اوکاڑہ اور راولپنڈی کے ڈی سیز کو بھی مراسلہ بھیجا گیا ہے۔
.ذریعہ: Jang News
کلیدی لفظ: ڈپٹی کمشنرز اور زخمی
پڑھیں:
ٹک ٹاک صارفین کیلئے اچھی خبر،نئےزبردست فیچرز متعارف کرانے کا اعلان
ٹک ٹاک نے اپنے صارفین کی سہولت کیلئے نئے فیچرز متعارف کرانے کا اعلان کیا ہے۔
ٹک ٹاک کمپنی نے ایک بلاگ پوسٹ میں بتایا کہ نوجوان صارفین کے لیے مراقبے سے متعلق ورزشوں اور شخصیت بہتر بنانے کے لیے فیچرز متعارف کرائے جا رہے ہیں، ورزشوں سے متعلق فیچر کی آزمائش رواں سال کے دوران محدود صارفین میں کی گئی تھی اور اب اسے ہر عمر کے افراد کے لیے متعارف کرایا جا رہا ہے، اس فیچر کا مقصد صارفین کے نیند کا معیار بہتر بنانا ہے اور یہ نیند کے اوقات میں متحرک ہوگا۔
18 سال سے کم عمر صارفین کی ایپ میں یہ بائی ڈیفالٹ ٹرن آن ہوگا، ایسے کم عمر صارفین اگر رات 10 بجے کے بعد ٹک ٹاک کی فار یو فیڈ پر ہوں گے تو انہیں ایک پروموٹ کے ذریعے مراقبے کی ورزشوں کا مشورہ دیا جائے گا، اگر پھر بھی صارفین کی جانب سے ٹک ٹاک کا استعمال جاری رکھا گیا تو پھر کمپنی کی جانب سے دوسری بار فل اسکرین پروموٹ شو کیا جائے گا، اس مقصد کے لیے ایک مراقبے کی ایپ کی مدد بھی لی جائے گی۔
ٹک ٹاک کمپنی کی جانب سے نئی ایجوکیشنل فیڈ، آن لائن سیفٹی ٹولز اور اسکرین ٹائم پر والدین کا کنٹرول بڑھانے سے متعلق فیچرز بھی متعارف کرائے جا رہے ہیں۔
دنیا کے غریب ترین صدر خوسے موہیکا کی جدوجہد بھری زندگی کا اختتام