وزیر اعلیٰ مریم نواز کی ارکان اسمبلی کو 3 گھنٹے کی بریفنگ؛ 80 منصوبے شروع کرنے کا فیصلہ
اشاعت کی تاریخ: 21st, May 2025 GMT
لاہور(نیوز ڈیسک)وزیراعلیٰ مریم نواز نے ارکان اسمبلی سے ان کی نشستوں پر جا کر ملاقات کی ،ارکان اسمبلی نے بیک وقت 80 سے زائد منصوبےشروع کرنے پرشکریہ ادا کیا
وزیراعلیٰ مریم نواز نے ارکان اسمبلی سے حال احوال دریافت کیا،وزیراعلیٰ نے ارکان اسمبلی کو ہر منصوبےپر خود3گھنٹےطویل بریفنگ دی
ارکان اسمبلی کوپنجاب کے پہلے جامع ،منفردبیوٹی فکیشن پلان بارے بریفنگ دی ، وزیر اعلیٰ نے بتایا کہ ہر ڈسٹرکٹ کےبازاروں میں لٹکتے بے ہنگم بجلی کے تار انڈر گراؤنڈ کیے جائیں گے،ہر ڈسٹرکٹ اور تحصیل میں ریڑھی بازارقائم، مختلف شہروں میں کینالز کو سجایا جائے گا،بیوٹی فکیشن پلان کے تحت مختلف شہروں میں فوڈ سٹریٹ بھی بنائی جائیں گی،بازاروں کی ری ماڈلنگ اور انفراسٹرکچر میں بہتری بھی بیوٹی فکیشن پلان کا حصہ ہے ،وزیراعلیٰ مریم نواز کا صوبہ بھر میں پنجاب ڈویلپمنٹ پلان لانے کا اعلان کیا، 60شہروں میں پنجاب ڈویلپمنٹ پراجیکٹ اسی سال مکمل کرنے کا فیصلہ کیا ، وزیراعلیٰ کا پنجاب کے 800 گاؤں کو بتدریج ماڈل ویلج بنانے کا اعلان کیا ہے ، دیہات میں 400کلو میٹر چھوٹی رابط سڑکوں کی تعمیر و توسیع کا اعلان کیا ، اگلے سال سےسڑکوں کی تعمیر و توسیع کیلئے 250ارب کے فنڈز دینے کا اعلان کیا ، 1100الیکٹرک بسیں پنجاب کے تمام اضلاع کو دینے کا اعلان،سال کے آخر تک ایک لاکھ گھروں کی تعمیر کا ہدف مکمل کرنے کا اعلان کیا ، فیصل آباد اور گوجرانوالہ میں میٹرو بس سروس جلد شروع کرنے کا اعلان کیا ، لاہور کینال روڈ پراے آر ٹی ٹرانسپورٹ پراجیکٹ جلد شروع کرنے کا اعلان کیا ،پنجاب بھر میں نادار ،ضرورت مندوں کیلئے راشن کارڈ لانچ کرنے ، بڑے شہر میں واسا قائم کرنے ، سینٹر آف ایکسی لنس کڈز کیمپس بنانے کا اعلان کیا
وزیراعلیٰ پنجاب مریم نواز نے کہا جو وعدہ کروں گی پورا کروں گی،تجاوزات کے خاتمے سےبازار کھلے اور عوام خوش ہیں،پنجاب کے دور دراز علاقوں میں پانی کی فراہمی یقینی بنائیں گے،شہروں کے بعد پہلی مرتبہ گاؤں کو بھی صفائی پروگرام میں شامل کیا گیا،کوئی ڈسٹرکٹ یا تحصیل بیوٹی فکیشن پلان سے محروم نہیں رہے گا،ارکان اسمبلی میرے بہن، بھائی، آنکھیں اور کان کے مترادف ہیں،جرائم پیشہ افراد کے خلاف بے رحمانہ آپریشن کریں گے ،شرپسند عناصر پنجاب میں بدامنی پھیلانے کی کوشش کرتے ہیں،سی ٹی ڈی کو مضبوط بنا یا، صوبہ بھر میں کومبنگ آپریشن ہورہے ہیں،چند ماہ میں پنجاب کے سب شہر سیف سٹی ہونگے،پنجاب میں مؤثر اینٹی نارکوٹکس فورس کو متحرک کردیا گیا،لاہور میں 450 کلومیٹر تک سیور لائن ڈالی جارہی ہے،وفاقی مشیررانا ثنا ء اللہ نے وزیر اعلیٰ کے عام آدمی کی بھلائی کے اقدامات کو سراہا،سپیکر پنجاب اسمبلی ملک احمد خان نے وزیر اعلیٰ مریم نواز کا شکریہ ادا کیا،رکن پنجاب اسمبلی ارشد وڑائچ مرحوم ،ایم پی اے فیصل کے والد مرحوم کیلئے دعا ئےمغفرت کی گئی.
مزیدپڑھیں:ماہرہ خان کی ’شبانہ‘ فیم اونیجا اینڈریو سے ملاقات، ویڈیو وائرل
ذریعہ
ذریعہ: Daily Ausaf
کلیدی لفظ: ارکان اسمبلی کا اعلان کیا وزیر اعلی مریم نواز پنجاب کے کرنے کا
پڑھیں:
شدید گرمی میں سندھ میں 22 گھنٹے بجلی لوڈشیڈنگ ہو رہی ہے، شرجیل میمن
کراچی میں میڈیا سے گفتگو کرتے ہوئے سینئر صوبائی وزیر نے کہا کہ لوڈشیڈنگ کے علاوہ لائن لاسز پر بھی پورے علاقے کی بجلی بند کر دی جاتی ہے، جو بل نہیں بھرتا ہے صرف اس کی بجلی کاٹنی چاہیئے لیکن کے الیکٹرک، حیسکو اور سیپکو کی نا اہلی کی وجہ سے عوام کو پریشانی کا سامنا ہے۔ اسلام ٹائمز۔ سندھ کے سینئر وزیر شرجیل انعام میمن نے کہا ہے کہ اس وقت سندھ بھر کے عوام بجلی کی طویل لوڈشیڈنگ سے پریشان ہیں۔ سندھ کے سینئر وزیر شرجیل انعام میمن نے کراچی میں میڈیا سے گفتگو کرتے ہوئے کہا ہے کہ سندھ بھر کے عوام بجلی کی لوڈشیڈنگ کی وجہ سے پریشان ہیں، اندرون سندھ جہاں زیادہ گرمی ہے، وہاں 22، 22 گھنٹے بجلی بند کی جاتی ہے۔ شرجیل میمن نے کہا کہ لوڈشیڈنگ کے علاوہ لائن لاسز پر بھی پورے علاقے کی بجلی بند کر دی جاتی ہے، جو بل نہیں بھرتا ہے صرف اس کی بجلی کاٹنی چاہیئے لیکن کے الیکٹرک، حیسکو اور سیپکو کی نا اہلی کی وجہ سے عوام کو پریشانی کا سامنا ہے۔ ان کا کہنا تھا کہ پوری دنیا میں کہیں بھی کلیکٹو پنشمنٹ نہیں ہوتی، اس معاملے پر عدالت بھی گیا اور ہائیکورٹ میں کلیکٹو پنشمنٹ کو غیر آئینی اور غیر قانونی دلوانے کے لیے پٹیشن بھی داخل کی، جو زیر التوا ہے۔ سندھ کے سینئر وزیر نے مزید کہا کہ بجلی کمپنیوں نے انفرا اسٹرکچر پر خرچہ نہیں کیا، پورا ٹرانسفارمر ہی اتار لیتے ہیں، کمپنیاں فائدہ کما رہی ہیں تو اپنے انفرا اسٹرکچر پر بھی خرچ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ