برطانوی شہری نے آسٹریلیا میں تیز ترین دوڑ کا ریکارڈ توڑ دیا
اشاعت کی تاریخ: 22nd, May 2025 GMT
برطانوی شہری نے آسٹریلیا میں تیز ترین دوڑ کا ریکارڈ توڑ دیا۔ برطانوی میڈیا کے مطابق لندن کے قریبی شہر بیڈ فورڈ شائر سے تعلق رکھنے والے 31 سالہ ایتھلیٹ ولیم گوج نے آسٹریلیا میں 35 دن تک دوڑ کر ایک نیا ریکارڈ قائم کردیا۔
برطانوی میڈیا کے مطابق ولیم گوج نے 15 اپریل کو پرتھ کے کوٹسلو بیچ سے 3800 کلومیٹر کی دوڑ شروع کی اور یہ دوڑ پیر کی سہ پہر آسٹریلیا کے مشہور بونڈی بیچ پر ختم ہوئی۔
ولیم گوج ہر روز ڈھائی میراتھن کے برابر تقریباً 100 کلو میٹر تک دوڑ لگاتے ہیں۔ انہوں نے میراتھن میں دوڑ لگانے کا فیصلہ 2018 میں اپنی والدہ کی کینسر سے موت کے بعد کیا، انہوں نے برطانیہ، امریکا اور آسٹریلیا میں کینسر کے خیراتی اداروں کے لیے رقم جمع کی۔
میڈیا رپورٹس کے مطابق اس سے قبل آسٹریلیا بھر میں دوڑنے کا سابقہ عالمی ریکارڈ کرس ٹرن بل کے پاس تھا جنہوں نے 2023 میں یہ کارنامہ 39 دنوں میں انجام دیا تھا۔
اس کے علاوہ آسٹریلوی الیکٹریشن نیڈ بروک مین نے اسی راستے کو 47 دنوں میں دوڑ کر چیریٹی کے لیے بڑی رقم جمع کی تھی۔
Post Views: 4.ذریعہ: Daily Mumtaz
کلیدی لفظ: ا سٹریلیا میں
پڑھیں:
نئی دہلی میں طوفانی ہواؤں اور بارشوں سے نظام زندگی درہم برہم، درخت اکھڑ گئے
بھارت(نیوز ڈیسک)بھارت میں طوفانی ہواؤں اور موسلادھار بارش نے نظام زندگی درہم برہم کردیا۔
بھارتی میڈیا کے مطابق دارالحکومت نئی دہلی میں طوفانی ہواؤں اور موسلا دھار بارش سے بھارتی ائیرلائن کی پرواز شدید متاثر ہوئی۔
میڈیا رپورٹس میں بتایا گیا ہے کہ طیارے میں شدید ہچکولوں اور جھٹکوں سے مسافروں میں خوف ہراس پھیل گیا جب کہ طوفانی ہواؤں سے طیارے کے اگلے حصے کو نقصان بھی پہنچا۔
میڈیا رپورٹس کے مطابق طوفانی ہواؤں سے شہر میں درخت اُکھڑ گئے اور ہزاروں صارفین بجلی سے محروم ہوگئے۔
یونان میں خوفناک 6.1 شدت کے زلزلے کے بعد سونامی کا الرٹ بھی جاری
پی ٹی آئی کا بانی چیئرمین کی رہائی کیلئے دوبارہ تحریک چلانے کا فیصلہ