چلتی بائیک پر بیوی کے ہاتھوں شوہر کی چپل سے دھلائی، انٹرنیٹ نے اپنا رنگ دکھا دیا
اشاعت کی تاریخ: 22nd, May 2025 GMT
سوشل میڈیا پر ایک حیران کن اور مزاحیہ ویڈیو تیزی سے وائرل ہو رہی ہے جس میں ایک خاتون کو اپنی چلتی بائیک پر سوار شوہر کو چپلوں سے دھوتے ہوئے دیکھا گیا ہے۔ بتایا جا رہا ہے کہ یہ واقعہ بھارتی ریاست اُترپردیش کے دارالحکومت لکھنؤ میں پیش آیا۔
ویڈیو میں دیکھا جا سکتا ہے کہ شوہر بائیک چلا رہا ہے جبکہ بیوی اس کے پیچھے بیٹھی ہوئی ہے۔ اچانک خاتون غصے سے بھر جاتی ہے اور شوہر کو چپل سے مارنا شروع کر دیتی ہے، پہلے دائیں طرف، پھر بائیں، اور ساتھ ساتھ کچھ اشارے بھی کرتی ہے جیسے کسی چیز کی طرف توجہ دلا رہی ہو۔
Kalesh b/w Husband and wife on running bike, Wife started beating her husband over some mutual dispute In Lucknow UP pic.
— Ghar Ke Kalesh (@gharkekalesh) May 20, 2025
دلچسپ بات یہ ہے کہ شوہر پورے واقعے کے دوران مکمل طور پر غیر متاثر دکھائی دیتا ہے، نہ کوئی ردعمل، نہ کوئی غصہ، نہ ہی بائیک روکنے کی کوشش، بس خاموشی سے بائیک چلاتا رہتا ہے جیسے کچھ ہوا ہی نہ ہو۔
معاملہ اس وقت مزید دلچسپ ہو جاتا ہے جب بیوی اسے ہر طرف سے مارنے لگتی ہے، سامنے سے، دائیں، بائیں، جبکہ دونوں ہی بغیر ہیلمٹ کے سفر کر رہے ہوتے ہیں، جس سے معاملے کی سنجیدگی اور خطرناک پہلو بھی اجاگر ہوتا ہے۔
یہ ویڈیو ایک راہگیر نے موبائل پر ریکارڈ کیا اور سوشل میڈیا پلیٹ فارم ”ایکس“ (سابقہ ٹوئٹر) پر شیئر کیا۔
ویڈیو کو اب تک 4 لاکھ سے زائد بار دیکھا جا چکا ہے اور صارفین دلچسپ تبصرے کر رہے ہیں۔ ایک صارف نے لکھا: ”ابھی مرد کرتا کلیش تو پبلک ہائپر ہو جاتی!“
دوسرے نے کہا: ”اگر بیوی کے ساتھ دھوکہ دیتے ہوئے پکڑے جانے کی شکل ہوتی تو یہی ہوتی۔“
ایک اور صارف نے طنزیہ کہا: “ ایک اور دن، شادی نہ کرنے کی ایک اور وجہ.“
جبکہ ایک اور نے مشورہ دیا: ”دیکھا آپ نے ہیلمیٹ نہ لگانے کا نتیجہ!“
یہ ویڈیو جہاں ایک طرف ہنسی کا باعث بنی ہے، وہیں دوسری طرف سوشل میڈیا صارفین کے لیے سوچنے کا مقام بھی ہے کہ ازدواجی مسائل کو سڑکوں پر یوں ڈرامائی انداز میں لانا کس حد تک درست ہے۔
Post Views: 3
ذریعہ
ذریعہ: Daily Mumtaz
کلیدی لفظ: ایک اور
پڑھیں:
آزاد کشمیر میں 47 روز بعد میرپور میں انٹرنیٹ سروس جزوی بحال، دیگر علاقوں میں بحالی کا انتظار
آزاد جموں و کشمیر کے شہر میرپور اور اس سے ملحقہ علاقوں میں گزشتہ 47 روز سے معطل انٹرنیٹ سروس جزوی طور پر بحال ہونا شروع ہو گئی ہے۔ اطلاعات کے مطابق ابتدائی مرحلے میں صرف موبائل انٹرنیٹ بحال کیا گیا ہے، جبکہ وائی فائی انٹرنیٹ سروس بلنگ کا عمل مکمل ہونے کے بعد بحال کی جائے گی۔
یاد رہے کہ آزاد کشمیر میں 5 جون 2026 کو انٹرنیٹ سروسز معطل کر دی گئی تھیں۔ یہ اقدام اس وقت کیا گیا تھا جب جموں و کشمیر جوائنٹ عوامی ایکشن کمیٹی (جیک) نے اپنے مطالبات کے حق میں احتجاجی تحریک شروع کرتے ہوئے 9 جون کو مظفرآباد کی جانب لانگ مارچ کا اعلان کیا تھا۔
بعد ازاں 5 جون کو ایکشن کمیٹی کے ایک مرکزی رکن پر مبینہ حملے اور مظاہرین و سکیورٹی فورسز کے درمیان جھڑپوں کے بعد حکومت نے کمیٹی کو کالعدم قرار دے دیا تھا، جبکہ اسی روز پورے آزاد کشمیر میں بغیر پیشگی اطلاع انٹرنیٹ سروس بھی معطل کر دی گئی تھی۔
اس سے قبل پاکستان پیپلز پارٹی کے چیئرمین بلاول بھٹو زرداری نے سماجی رابطے کی ویب سائٹ ایکس پر جاری اپنے بیان میں پیپلز پارٹی آزاد کشمیر اور الیکشن کمیشن کی جانب سے انٹرنیٹ بحالی کے لیے کی جانے والی کوششوں کو سراہتے ہوئے امید ظاہر کی تھی کہ میرپور میں سروس جلد بحال ہو جائے گی۔ انہوں نے یہ توقع بھی ظاہر کی کہ مظفرآباد اور دیگر علاقوں میں بھی انٹرنیٹ سروس جلد بحال کر دی جائے گی۔
یہ پیش رفت ایسے وقت میں سامنے آئی ہے جب آزاد کشمیر میں قانون ساز اسمبلی کے انتخابات قریب ہیں۔ الیکشن کمیشن پہلے ہی سکیورٹی اور انتخابی انتظامات کو مؤثر بنانے کے لیے انتخابات تین مراحل میں کرانے کا اعلان کر چکا ہے۔
شیڈول کے مطابق پہلے مرحلے میں 27 جولائی کو میرپور ڈویژن، دوسرے مرحلے میں 2 اگست کو مظفرآباد ڈویژن اور مہاجرین کی نشستوں، جبکہ تیسرے اور آخری مرحلے میں 10 اگست کو پونچھ ڈویژن میں پولنگ ہوگی۔دوسری جانب کالعدم ایکشن کمیٹی کا راولاکوٹ میں احتجاج تاحال جاری ہے۔ کمیٹی کے اہم مطالبات میں مہاجرینِ مقبوضہ کشمیر کے لیے آزاد کشمیر اسمبلی میں مختص 12 نشستوں کے خاتمے سمیت دیگر آئینی اور انتظامی امور شامل ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار