’سب کام شہری کریں تو آپ کیا کریں گے‘، جرم سے متعلق شہریوں سے مدد لینے پر راولپنڈی پولیس پر شدید تنقید
اشاعت کی تاریخ: 22nd, May 2025 GMT
سوشل میڈیا پر ایک ویڈیو وائرل ہو رہی ہے جس میں شہریوں کو مرغا بنا کر تشدد کرتے دیکھا جا سکتا ہے، تشدد کرنےوالا شخص شہریوں کے ساتھ گالم گلوج بھی کرتا رہا۔
وائرل ویڈیو کے بارے میں کہا جا رہا ہے کہ یہ معروف ٹک ٹاکر فرخ کھوکھر کا ڈیرہ ہے جو شہریوں پر تشدد کے لیے استعمال ہونے لگا ہے۔ ویڈیو میں تشدد کرنے والے شخص کی شناخت عتیق بٹ کے طور پر کی گئی ہے، جو مبینہ طور پر فرخ کھوکھر کا فرنٹ مین بتایا جا رہا ہے۔
یہ بھی پڑھیں: رجب بٹ نے شہری پر تشدد کے بعد معافی مانگ لی
ویڈیو کے منظر عام پر آنے کے بعد صارفین پولیس سے کارروائی کا مطالبہ کرتے رہے۔ جس پر راولپنڈی پولیس نے سماجی رابطوں کی سائیٹ ایکس پر موقف دیتے ہوئے کہا کہ راولپنڈی پولیس نے ویڈیو کی بابت فوری تحقیقات عمل میں لائیں، ویڈیو مذکورہ لوکیشن کی نہیں پائی گئی ہے، اور نہ ہی یہ واقعہ تاحال پولیس کورپورٹ کیاگیاہے۔
پولیس کا مزید کہنا تھا کہ تشدد و ناروا سلوک کسی صورت برداشت نہیں، آپ متاثرہ افراد کی رابطہ تفصیلات ہمارے ساتھ شئیر کریں تاکہ قانونی کاروائی کویقینی بنایاجائے۔
راولپنڈی پولیس نے ویڈیو کی بابت فوری تحقیقات عمل میں لائیں، ویڈیو مذکورہ لوکیشن کی نہ پائی گئی ہے، اور نہ ہی یہ واقعہ تاحال پولیس کورپورٹ کیاگیاہے۔ تشدد و ناروا سلوک کسی صورت برداشت نہیں، آپ متاثرہ افراد کی رابطہ تفصیلات ہمارے ساتھ شئیر کریں تاکہ قانونی کاروائی کویقینی بنایاجائے۔
— Rawalpindi Police (@RwpPolice) May 21, 2025
راولپنڈی پولیس کے اس موقف کے بعد شہری ان پر شدید تنقید کرتے نظر آئے۔ علی حسین نامی صارف نے لکھا کہ اگر عوام نے ہی سب کچھ کرنا ہے تو آپ کس چیز کی تنخواہ لے رہے ہیں۔ ویڈیو میں صاف ظاہر ہے کہ ایک بدمعاش نے عدالت لگائی ہوئی ہے 2 لوگوں کے اوپر تشدد کر رہا ہے اور تمام چہرے بالکل صاف نظر آرہے ہیں۔ انہوں نے مزید کہا کہ پولیس کو کاراوئی کرنے سے پر جلتے ہیں؟
جناب! اگر عوام نے ہی سب کچھ کرنا ہے تو آپ کس چیز کی تنخواہ لے رہے ہیں۔ ویڈیو میں صاف ظاہر ہے کہ ایک بدمعاش نے عدالت لگائی ہوئی ہے دو لوگوں کے اوپر تشدد کر رہا ہے اور تمام چہرے بالکل صاف نظر آرہے ہیں۔ کہ پولیس کو کاراوئی کرنے سے پَر جلتے ہیں؟
— Ali Hussain (@aly_husein) May 21, 2025
ایک صارف نے لکھا کہ ویڈیو میں تشدد کرنے والا بندہ نظر نہیں آ رہا کیا؟ اور کیا اس کو ڈھونڈنا اتنا مشکل ہے۔ ان کا مزید کہنا تھا کہ جو اس طرح مار رہا ہے وہ یقینی طور پر مشہور شخص ہو گا۔ اور پولیس کو ویسے ہی معلوم ہو گا مگر آپ کروائی کرنا نہیں چاہتے۔
بندہ نظر نہیں آ رہا کیا؟ اتنا مشکل ہے ڈھونڈنا۔
جو اس طرح مار رہا یقینی طور پر مشہور شخص ہو گا۔
اور آپ کی پولیس کو ویسے ہی معلوم ہو گا۔
مگر آپ کروائی کرنا نہیں چاہتے @RwpPolice
— F (@OyeNaipagal) May 21, 2025
سید زادہ نامی صارف نے لکھا کہ تشدد کرنے والے لوگوں کی شکلیں صاف نظر آرہی ہیں، ان کا نام اور شناخت سب بتائی گئی ہے انہیں پکڑیں سرکار کی مدیت میں پرچہ دیں۔
سر شکلیں صاف نظر آرہی ہیں نام شناخت سب ہے پکڑیں سرکار کی مدیت میں پرچہ دیں
— syed zaada © (@syedzaada14) May 21, 2025
لیاقت علی نے کہا کہ بڑے لوگوں کا جرم اکثر نظر نہیں آتا اس میں کوئی نئی بات نہیں ہے۔
بڑے لوگوں کا اکثر جرم نہیں نظر آتا ۔کوئی نئی بات نہیں ہے اسمیں۔۔۔
— liaqatali (@liaqata12041247) May 21, 2025
ایک ایکس صارف نے پولیس کو آڑے ہاتھوں لیتے ہوئے کہا کہ یہ حال ہے پولیس کا کہ پولیس عوام سے کہہ رہی ہےکہ آپ ہمیں ریکارڈ بھیجو۔ مطلب کچھ نہیں ہونے والا۔
یہ حال ہے پولیس کا کہ پولیس عوام سے کہہ رہی ہےکہ آپ ہمیں ریکارڈ بھیجو۔ مطلب کچھ نہیں ہونے والا
— Raheem Ahmed Ameeq (@CabDriversLogic) May 21, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
راولپنڈی پولیس شہریوں پر تشدد فرخ کھوکھر.
ذریعہ
ذریعہ: WE News
کلیدی لفظ: راولپنڈی پولیس شہریوں پر تشدد فرخ کھوکھر راولپنڈی پولیس ویڈیو میں پولیس کو کہ پولیس صاف نظر گئی ہے رہا ہے کہا کہ
پڑھیں:
ایکس نے ’ری ایکٹ ود ویڈیو‘ فیچر متعارف کرا دیا، یہ کام کیسے کرتا ہے؟
سوشل میڈیا پلیٹ فارم ایکس نے صارفین کے لیے نیا ’ری ایکٹ ود ویڈیو‘ فیچر متعارف کرا دیا ہے جس کے ذریعے صارفین کسی بھی پوسٹ پر براہِ راست ویڈیو ردِعمل ریکارڈ کر سکیں گے۔
یہ بھی پڑھیں: ایکس نے ایڈیٹ شدہ تصاویر کے لیے نیا لیبل متعارف کروانے کا اعلان کردیا
نئے فیچر کو انسٹاگرام اور ٹک ٹاک پر مقبول ری ایکشن ویڈیوز کے تصور سے مشابہ قرار دیا جا رہا ہے جس کا مقصد صارفین کو اپنے خیالات اور تبصروں کے اظہار کے لیے مزید تخلیقی اور بصری طریقہ فراہم کرنا ہے۔
ایکس کے ہیڈ آف پروڈکٹ نکیتا بیئر نے فیچر کا اعلان کرتے ہوئے کہا کہ تبصرہ اور رائے کا اظہار ایکس کی بنیادی خصوصیات میں شامل ہے اور بعض اوقات خیالات کے اظہار کا بہترین طریقہ ویڈیو ہوتا ہے۔
انہوں نے کہا کہ اب صارفین ’ری ایکٹ ود ویڈیو‘ کے ذریعے کسی بھی پوسٹ پر فوری ویڈیو ردعمل دے سکیں گے۔
فیچر کیسے کام کرتا ہے؟صارفین کو کسی پوسٹ کے نیچے موجود ری پوسٹ بٹن پر کلک کرنا ہوگا جہاں انہیں ویڈیو ری ایکشن ریکارڈ کرنے کا آپشن ملے گا۔
مزید پڑھیے: سوشل میڈیا پلیٹ فارم ایکس کو ایک ہفتے میں دوسری بار عالمی سطح پر تکنیکی خرابی کا سامنا
ابتدائی مرحلے میں یہ سہولت صرف آئی او ایس صارفین کے لیے دستیاب کی گئی ہے۔
ویڈیو ریکارڈنگ کے دوران اصل پوسٹ پس منظر میں نظر آتی ہے جبکہ صارف اپنی رائے یا ردعمل ویڈیو کی صورت میں ریکارڈ کر سکتا ہے۔ ریکارڈنگ کے دوران ویڈیو کو عارضی طور پر روکنے اور دوبارہ شروع کرنے کی سہولت بھی فراہم کی گئی ہے۔
ویڈیو مکمل ہونے کے بعد صارف اسے پوسٹ کرنے سے قبل دیکھ اور جانچ بھی سکتا ہے۔
مختلف ڈسپلے موڈزنئے فیچر میں متعدد ویژول آپشنز شامل کیے گئے ہیں۔
پکچر اِن پکچر: ویڈیو اصل پوسٹ کے اوپر نظر آتی ہے۔
اسپلٹ اسکرین : اسکرین 2 حصوں میں تقسیم ہو جاتی ہے، ایک جانب صارف اور دوسری جانب اصل پوسٹ۔
مزید پڑھیں: انسٹاگرام کا نیا فیچر ’انسٹاگرام میپ‘، اسنیپ چیٹ کو ٹکر دینے کی کوشش
فل اسکرین میڈیا: اصل پوسٹ کے متن کو چھپا کر صرف تصویر یا ویڈیو پر توجہ مرکوز کی جا سکتی ہے۔
گرین اسکرین: پس منظر تبدیل یا ہٹانے کی سہولت۔
صارفین ویڈیو کے سائز اور اس کی پوزیشن کو بھی اپنی مرضی کے مطابق تبدیل کر سکتے ہیں۔
بیرونی ایڈیٹنگ ٹولز کی ضرورت ختمایکس کے مطابق اس فیچر کی بدولت صارفین کو ویڈیوز ڈاؤن لوڈ کرنے، الگ سے ایڈیٹنگ کرنے یا پیچیدہ ورک فلو اختیار کرنے کی ضرورت نہیں رہے گی کیونکہ بیشتر بنیادی ایڈیٹنگ سہولیات ایپ کے اندر ہی دستیاب ہوں گی۔
صارفین کا ردعملفیچر کے اعلان کے بعد سوشل میڈیا پر ملا جلا ردعمل سامنے آیا ہے۔
کئی صارفین نے اسے ایکس کے لیے مثبت پیشرفت قرار دیتے ہوئے کہا کہ ویڈیو ری ایکشنز پلیٹ فارم پر گفتگو کو زیادہ مؤثر اور دلچسپ بنائیں گے۔
ایک صارف نے لکھا کہ ’یہ شاندار فیچر ہے، ایکس پر تبصرے اور اظہارِ خیال کے لیے یہی چیز درکار تھی‘۔
تاہم بعض صارفین نے خدشہ ظاہر کیا کہ اس سے ایکس بھی دیگر سوشل میڈیا پلیٹ فارمز کی طرح ہو جائے گا۔
ایک صارف نے تبصرہ کیا کہ ’ فیچر دلچسپ تو ہے لیکن امید ہے کہ ایکس فیس بک یا یوٹیوب جیسا پلیٹ فارم نہیں بن جائے گا۔
یہ بھی پڑھیے: انسٹاگرام کا نیا فیچر ‘انسٹنٹس’ متعارف: غیر فلٹر شدہ اور عارضی تصاویر کا نیا تجربہ
ماہرین کے مطابق ویڈیو ری ایکشنز کا یہ نیا فیچر ایکس کو روایتی ٹیکسٹ بیسڈ پلیٹ فارم سے بڑھ کر ایک ملٹی میڈیا اور ویڈیو سینٹرک سوشل نیٹ ورک میں تبدیل کرنے کی کوشش کا حصہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’ری ایکٹ ود ویڈیو‘ ایکس ایکس کا نیا فیچر
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ