ٹریفک قوانین کی خلاف ورزی پرچالان اب 20 ہزار روپے تک ہوگا
اشاعت کی تاریخ: 23rd, May 2025 GMT
ویب ڈیسک: ڈی آئی جی ٹریفک پیر محمد شاہ نے کہا ہے کہ کراچی کے ٹریفک مسائل زیادہ ہیں ، جو کوشش ہورہی ہے وہ ناکافی ہے ،ہمیں جدید تکنیک کا سہارا لینا ہوگا , ہم ساڑھے پانچ ہزار کی نفری رکھتے ہیں پچیس ہزار بھی ہوجائے تو مسائل حل نہیں ہوں گے .
ڈی آئی جی ٹریفک پیر محمد شاہ کا کہنا تھا کہ ، انسان کی یہ نفسیات ہے وہ ہدایت نہیں لینا چاہتا ، جون سے کراچی میں کیمروں کے ذریعے چلان کا عمل درآمد شروع ہوگا ، لوگوں کے پاس پارکنگ کی جگہ نہیں ہو گی تو وہاں کھڑی کریں گے ؟
طیاروں سے پرندے ٹکرانے کے واقعات میں نمایاں کمی
ہمیں لوگوں کو پارکنگ کی متبادل جگہ دینی ہوگی ، اوور اسپیڈ سمیت کئی مسائل ٹیکنالوجی سے حل ہوں گے ، ٹریکر کا وقت یکم جون سے ختم ہورہا ہے ، جو ٹریکر لگا کر کنٹرول ٹریفک پولیس کو نہیں دیں گے انکی ہیوی گاڑیاں ضبط ہوں گی ۔
ڈی آئی جی ٹریفک پیر محمد شاہ نے واضح کہا کہ کراچی میں بڑی گاڑیوں کی رفتار کی حد 30 کلومیٹر فی گھنٹہ ہے، بڑی گاڑی کا چالان 20 ہزار روپے تک کیا جا ئے گا ، جون میں مہلت ختم ہوجائے گی کوئی نہیں کہہ سکے گا وقت نہیں دیا ، تکنیک کے استعمال اور کیمروں سے نفری کی بچت ہوگی ، روڈ پر پولیس والے چالان کرتے ہیں انکی ضرورت نہیں رہے گی ، اس نفری کا بھی استعمال کیا جائے گا تاکہ روانی بہتر ہوسکے ۔
گرین ٹاؤن؛ بچیوں کیساتھ غیراخلاقی حرکات کرنے والااوباش گرفتار
.
ذریعہ
ذریعہ: City 42
پڑھیں:
سرکاری ملازمین پنشن میں اضافہ، خیبرپختونخوا حکومت کا بڑا ریلیف اعلان
پشاور: سرکاری ملازمین پنشن میں اضافہ کے حوالے سے خیبرپختونخوا حکومت نے اہم فیصلہ کرتے ہوئے صوبے کے پنشنرز کی نیٹ پنشن میں 7 فیصد اضافے کی منظوری دے دی ہے۔ اس فیصلے کا اطلاق یکم جولائی 2026 سے ہوگا، جبکہ اس حوالے سے محکمہ خزانہ نے باضابطہ نوٹیفکیشن بھی جاری کر دیا ہے۔
جاری کردہ اعلامیے کے مطابق یہ اضافہ 30 جون 2026 تک وصول کی جانے والی نیٹ پنشن کی بنیاد پر دیا جائے گا۔ حکومت کے اس اقدام سے لاکھوں ریٹائرڈ سرکاری ملازمین اور ان کے اہل خانہ کو مہنگائی کے موجودہ دور میں مالی سہارا ملنے کی امید ہے۔
نوٹیفکیشن میں واضح کیا گیا ہے کہ یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے سے مستفید ہوں گے۔ اسی طرح فیملی پنشن حاصل کرنے والے افراد اور کمپیشنٹ الاؤنس لینے والے مستحقین پر بھی یہ اضافہ یکساں طور پر لاگو ہوگا۔
محکمہ خزانہ کے مطابق بیرون ملک مقیم وہ پنشنرز بھی، جو خیبرپختونخوا حکومت کی پنشن کے اہل ہیں، مقررہ قواعد و ضوابط کے تحت اس اضافے سے فائدہ اٹھا سکیں گے۔
حکومت نے یہ بھی واضح کیا ہے کہ یہ اضافہ پہلے سے دی جانے والی کسی بھی خصوصی اضافی پنشن پر لاگو نہیں ہوگا، بلکہ صرف بنیادی نیٹ پنشن کی بنیاد پر ادا کیا جائے گا۔
ماہرین کے مطابق سرکاری ملازمین پنشن میں اضافہ کا یہ فیصلہ بڑھتی مہنگائی کے پیش نظر ریٹائرڈ ملازمین کے لیے اہم ریلیف ثابت ہوگا اور ان کے ماہانہ اخراجات پورے کرنے میں مدد فراہم کرے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار