پاکستان درست معاشی سمت پر؛ صدر زرداری سے ملاقات میں آئی ایم ایف وفد کا اظہار اطمینان
اشاعت کی تاریخ: 23rd, May 2025 GMT
اسلام آباد:
صدر مملکت آصف علی زرداری سے ملاقات میں آئی ایم ایف کے وفد نے پاکستان کے درست معاشی سمت پر گامزن ہونے پر اطمینان کا اظہار کیا ہے۔
عالمی مالیاتی ادارے (آئی ایم ایف) کے وفد نے صدرِ مملکت آصف علی زرداری سے جہاد اظہور کی قیادت میں ملاقات کی، جس میں وفاقی وزیرِ خزانہ سینیٹر محمد اورنگزیب، سینیٹر سلیم مانڈوی والا اور دیگر اعلیٰ حکام بھی شریک ہوئے۔
ملاقات میں پاکستان کی موجودہ معاشی صورتحال اور جاری آئی ایم ایف پروگرام کے مختلف پہلوؤں پر تفصیل سے تبادلہ خیال کیا گیا۔ صدر مملکت نے گفتگو کرتے کہا کہ آئی ایم ایف پروگرام پاکستان میں معاشی استحکام لانے میں معاون ثابت ہوا ہے۔
صدر آصف علی زرداری نے اس امید کا اظہار کیا کہ پاکستان کے لیے آئی ایم ایف پروگرام ملک میں معاشی ترقی کو فروغ دینے کا باعث بنے گا۔ آئی ایم ایف ترقی پذیر ممالک کی اقتصادی بہتری میں اہم کردار ادا کر رہا ہے۔ انہوں نے پاکستان کی معاشی ترقی میں بھی آئی ایم ایف کے مثبت کردار کو سراہا۔
آئی ایم ایف کے وفد نے پاکستان میں جاری معاشی اصلاحات اور پروگرام کی پیشرفت پر اطمینان کا اظہار کیا۔ وفد نے کہا کہ پاکستان میں عالمی مالیاتی ادارے کا پروگرام درست سمت میں گامزن ہے اور اس کے نتیجے میں افراطِ زر میں کمی، زرمبادلہ کے ذخائر میں بہتری اور مالیاتی خسارے میں استحکام آیا ہے۔
صدرِ مملکت نے پاکستان کے ساتھ تعاون کرنے پر عالمی مالیاتی ادارے کا شکریہ ادا کیا اور معیشت کی بہتری کے لیے وزارتِ خزانہ اور اس کی ٹیم کی کوششوں کو خراجِ تحسین پیش کیا۔
.
ذریعہ: Express News
کلیدی لفظ: آئی ایم ایف نے پاکستان کا اظہار وفد نے
پڑھیں:
آئی ایم ایف کا ریاستی ملکیتی اداروں کی نجکاری پر عدم اطمینان کا اظہار
آئی ایم ایف کا ریاستی ملکیتی اداروں کی نجکاری پر عدم اطمینان کا اظہار WhatsAppFacebookTwitter 0 21 May, 2025 سب نیوز
اسلام آباد (سب نیوز)پاکستان اور انٹرنیشنل مانیٹری فنڈ (آئی ایم ایف)کے درمیان آئندہ مالی سال کے بجٹ اہداف پر مشاورت جاری ہے۔
ذرائع کے مطابق آئی ایم ایف نے ریاستی ملکیتی اداروں کی نجکاری پر عدم اطمینان کا اظہار کرتے ہوئے مطالبہ کیا کہ قومی ایئر لائن کی نجکاری کی راہ میں حائل رکاوٹیں دور کریں۔پاکستانی حکام نے آئی ایم ایف کو یقین دہانی کروائی کہ قومی ایئر لائن کی نجکاری اس سال مکمل ہوجائے گی، آئیسکو، فیسکو اور گیسکو کی نجکاری رواں سال مکمل کرنے کا ہدف ہے۔
دوسرے مرحلے میں حیسکو، سیپکو اور پیسکو کی نجکاری ہوگی، نندی پور پاور پلانٹ کی نجکاری جنوری 2026 تک کرنے کا ہدف ہے، روز ویلٹ ہوٹل کی نجکاری کے لیے ٹرانزیکشن اسٹرکچر پر کام جاری ہے، منافع بخش سرکاری کمرشل اداروں کی نجکاری اولین ترجیح ہے، پبلک شعبے میں رائٹ سازی کا کام دسمبر تک مکمل کر لیا جائے گا۔
ذرائع کا کہنا ہے کہ آئی ایم ایف کے ساتھ آئندہ مالی سال کے بجٹ اہداف پر مشاورت جاری ہے، آئی ایم ایف کے ساتھ فی الحال کوئی شرائط طے نہیں ہوئیں، آئی ایم ایف کو ڈیٹا فراہم کر دیا گیا، اس سے متعلق سوالات کے جوابات دیے جا رہے ہیں۔آئی ایم ایف سے معاشی بحالی کیلئے مختلف شعبوں میں ٹیکس رعایتیں مانگی ہیں، آئی ایم ایف ٹیکس رعایت پر ڈیٹا اور حکمت عملی دیکھ کر فیصلہ کرے گا۔
ذرائع کا کہنا ہے کہ آئی ایم ایف نے کسی ٹیکس رعایت کو ابھی مسترد نہیں کیا، ریئل اسٹیٹ شعبہ کیلئے رعایتوں پر ابھی آئی ایم ایف سے مذاکرات نہیں ہوئے، عالمی مالیاتی ادارے نے صوبوں کے اخراجات کم کرنے کا مطالبہ کیا ہے۔آئی ایم ایف نیصوبوں کی آمدن بڑھانے کی شرط رکھی ہے، آئی ایم ایف نے زرعی انکم ٹیکس وصولی کیلئے تمام اقدامات کا مطالبہ کیا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرچیئرمین سی ڈی اے محمد علی رندھاواکا ہیڈکوارٹرز میں جدید ڈے کیئر سینٹر کا افتتاح چیئرمین سی ڈی اے محمد علی رندھاواکا ہیڈکوارٹرز میں جدید ڈے کیئر سینٹر کا افتتاح سپریم کورٹ نے 7ماہ میں سزائے موت کے 52فیصد مقدمات نمٹا دیے دو اور 3مئی کودریائے چناب کے پانی پر بھارت نے چھیڑ چھاڑ کی ،تحقیقات کر رہے ہیں ، انڈس واٹر کمشنر توہین عدالت کیس، ایم ڈی یوٹیلیٹی اسٹور فیصل نثار چوہدری کو 6 ماہ قید کا حکم، ملازمت کیلئے نااہل قرار بھارت کا ایک اور پاکستانی ہائی کمیشن کے اہلکار کو ناپسندیدہ قرار دے کر ملک چھوڑنے کا حکم دکانداروں سمیت کاروبار میں ٹیکس چوری روکنے کیلئے جرمانوں کی شرح بڑھانے کا فیصلہCopyright © 2025, All Rights Reserved
رابطہ کریں ہمارے بارے ہماری ٹیم
بھارتی بحریہ نے روہنگیا کے پناہ گزینوں کو سمندر میں پھینک دیا