ہمیں مکمل یقین ہے کہ ہم فائنل جیتیں گے، شاہین شاہ آفریدی
اشاعت کی تاریخ: 24th, May 2025 GMT
لاہور:
لاہور قلندرز کے کپتان شاہین شاہ آفریدی نے کہا ہے کہ ہمیں مکمل یقین ہے کہ ہم فائنل جیتیں گے۔
پاکستان سپر لیگ 10 کے فائنل میں رسائی حاصل کرنے پر شاہین شاہ آفریدی نے پوری ٹیم کی کارکردگی کو سراہتے ہوئے کہا کہ تمام کھلاڑیوں نے اہم موقع پر زبردست کھیل پیش کیا۔
قذافی اسٹیڈیم لاہور میں کھیلے گئے اہم میچ میں لاہور قلندرز نے دفاعی چیمپئن اسلام آباد یونائیٹڈ کو 95 رنز سے شکست دیکر فائنل میں جگہ بنائی۔
لاہور نے پہلے بیٹنگ کرتے ہوئے 203 رنز کا ہدف دیا جس کے جواب میں اسلام آباد یونائیٹڈ کی پوری ٹیم 15.
شاہین شاہ آفریدی نے شاندار باؤلنگ کا مظاہرہ کرتے ہوئے 3.1 اوورز میں صرف 3 رنز دے کر 3 وکٹیں حاصل کیں۔ میچ کے بعد گفتگو کرتے ہوئے کپتان کا کہنا تھا کہ پوری ٹیم کو اس فتح کا کریڈٹ جاتا ہے، سب نے اہم وقت پر کارکردگی دکھائی۔
انہوں نے بلے بازوں کی تعریف کرتے ہوئے کہا کہ فخر زمان اور نعیم نے ہمیں شاندار آغاز فراہم کیا، خاص طور پر نعیم کی بیٹنگ قابلِ دید تھی۔
شاہین آفریدی نے عبداللہ شفیق کی ذمہ دارانہ اننگز کو بھی ٹیم کی کامیابی کا کلیدی عنصر قرار دیا۔ عبداللہ کی اننگز نے ہمیں اعتماد دیا اور ہم نے مخالف ٹیم پر دباؤ ڈالا، خاص طور پر نئی گیند سے ابتدائی وکٹیں لے کر فتح کی بنیاد رکھی۔
ذریعہ: Express News
کلیدی لفظ: شاہین شاہ کرتے ہوئے
پڑھیں:
امید اور یقین ہے بھارت دوبارہ کارروائی کی ہمت نہیں رکھتا، رانا ثناء
کراچی (نیوز ڈیسک)نجی ٹی وی کے پروگرام میں گفتگو کرتے ہوئے مشیر وزیراعظم سیاسی امور رانا ثنا اللہ نے کہا ہے کہ ہماری پالیسی یہی ہے کہ انڈیا دوبارہ کچھ کرے گا تو اسے پھر بھرپور جواب دیا جائے گا لیکن ہمیں امید اور یقین ہے کہ وہ دوبارہ کارروائی کی ہمت نہیں رکھتے۔
سینیٹر فیصل واوڈا نے کہا کہ ابھی ہم دفاعی پوزیشن پر ہیں جارحانہ کارروائی ہمارا حق ہے، بلوچستان جیسے سانحات ہوتے رہے تو پاک فوج سے کہیں گے کہ مودی کا سر لا کر دیں۔
میزبان شہزاد اقبال نے تجزیہ پیش کرتے ہوئےکہا کہ اگر کشمیریوں کی خواہش پر یہ پاکستان بن جاتا ہے تو یہ تمام دریا پاکستان کے ہوں گے۔
مشیر وزیراعظم سیاسی امور رانا ثنا اللہ نے کہا کہ دہشت گرد قوتوں کا بھرپور طریقہ سے مقابلہ کر رہے ہیں اور ایسے عناصر کو جہنم واصل کرنے کے علاوہ کوئی اور راستہ نہیں ہے۔
Post Views: 5
پہلگام حملے کے بعد شاید ہی کوئی سیاح کشمیر آتا ہے، عمر عبداللہ