امریکا اپنی مٹی پلید ہونے سے بچنے کیلیے جنگ بندی کیلیے میدان میں آیا، وزیراعلی سندھ
اشاعت کی تاریخ: 24th, May 2025 GMT
امریکا اپنی مٹی پلید ہونے سے بچنے کیلیے جنگ بندی کیلیے میدان میں آیا، وزیراعلی سندھ WhatsAppFacebookTwitter 0 24 May, 2025 سب نیوز
کراچی (آئی پی ایس )وزیراعلی سندھ سید مراد علی شاہ نے کہا ہے کہ پاک افواج نے جب فرانسیسی طیارے اور اسرائیلی ڈرونز گرائے تو امریکا شاید اپنی مٹی پلید ہونے سے بچنے کیلیے ثالثی کیلیے کودا۔کراچی کے آرٹس کونسل میں معقدہ تقریب سے خطاب کرتے ہوئے وزیراعلی سندھ نے کہا کہ مجھے یہ بات سمجھ نہیں آئی کہ جب بھارت جارحیت کررہا تھا تو امریکا نے اسے پاکستان اور بھارت کا آپسی مسئلہ قرار دیا۔
انہوں نے کہا کہ دس مئی کو بھارت نے پھر حملہ کیا تو پاکستان نے رسپانس دینے کا فیصلہ کیا، پاک فوج نے اجازت طلب کی اور ہماری افواج پاکستان نے بھرپور جواب دیا اور جس جس جگہ سے انہوں نے حملہ کیا پاکستان نے صرف انہی آرمی کیمپس کو نشانہ بنایا۔
وزیراعلی نے کہا کہ آپریشن بنیان مرصوص صرف تین گھنٹے جاری رہا اور پھر سوا آٹھ بجے امریکا سے کال آئی اور کہا کہ ہندوستان جنگ بندی کے لیے تیار ہے۔ انہوں نے کہا کہ یہ جنگ جب شروع ہوئی تو امریکا نے کہا کہ یہ ہمارا نہیں بلکہ دونوں ممالک کا آپس کا مسئلہ ہے، مجھے لگتا ہے فرانس کے جہاز گرے تو بھارت نے فرانس کو رسوا کروا دیا، پھر اسرائیل کے ڈرون بھیجے ہم نے وہ بھی گرا دیئے ۔
وزیراعلی نے کہا کہ امریکا نے بھی جنگ کے دوران بھارت کو بہت کچھ دیا ہوا ہوگا، شاید اسی لیے امریکا کو بیچ میں جنگ بندی کرنے آنا پڑا کیونکہ انہیں لگتا تھا کہ کہیں ہماری بھی مٹی پلید نہ ہوجائے اور پھر جنگ بندی کروادی گئی۔
انہوں نے کہا کہ 1965 میں میں پیدا تو ہوگیا تھا لیکن مجھے یاد نہیں، ہاں 1971 کی جنگ بہت اچھے سے یاد ہے مجھے، اس وقت خون کی ضرورت تھی اور ایک بچہ چلا گیا تھا، چونکہ خون کے لیے ایک وزن کی مقدار درکار ہوتی ہے اس کے لیے ایک بچے کا وزن کم تھا تو وہ 2,3 کلو کے پتھر جیب میں لے گیا۔
وزیراعلی نے کہا کہ اس جنگ ہے بعد جذبہ ہم نے آج دیکھا، جب ہر میدان میں پاکستان نے اچھی کارکردگی کا مظاہرہ کیا۔ مراد علی شاہ نے کہا کہ ابھی دو دن پہلے خضدار میں حملہ ہوا، بھارت نے اس پر کچھ نہیں کہا، جب وہاں حملہ ہوا ہم نے فوری اس پر اپنا بیان جاری کیا، 6 اور 7 مئی کو بھارت نے مساجد پر حملہ کیا، اس کے بعد ان کی فضائیہ نے جہاز اڑائے، پورا پاکستان جاگ رہا تھا، جب ان کے جہاز اڑے تو ایسا لگا کہ حالات نہ جانے کہاں جائیں گے، لیکن ہمارے شاہینوں نے زبردست کارکردگی کا مظاہرہ کیا اور ہم نے ان کے رافیل گرا ڈالے جو ان کے بہت اچھے جہاز تھے۔
وزیراعلی نے کہا کہ جس طرح جنگ کے دوران اور بعد میں ہمارے ڈی جی آئی ایس پی آر نے میڈیا کو ہینڈل کیا اس کا جواب نہیں، ہر شخص نے ہر میدان میں اپنا کام سر انجام دیا۔انہوں نے کہا کہ جب ہم سب متحد ہوئے تو کچھ گھنٹے بھی دشمن ہمارا مقابلہ نہیں کرسکا، ہم سمجھ رہے تھے کہ یوتھ ہماری بھارت سے پیچھے ہے، لیکن ہماری یوتھ نے بھی انہیں سوشل میڈیا پر شکست دی۔
وزیراعلی نے کہا کہ مجھے شہید ذوالفقار علی بھٹو کی تقریر یاد ہے، جب انہوں نے جنگ کے موقع پر بھارت کو مخاطب کرتے ہوئے کہا، کہ بھارت تم جنگ کا سوچنا بھی نہیں کیوں کہ ہمارا بچہ بچہ جنگ کے لیے تیار ہے۔ انہوں نے یقین دہانی کرائی کہ حکومت کسی بھی طرح سے اپنی قوم کو مایوسی کا شکار نہیں ہونے دے گی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروفاقی حکومت نے اے آئی کو نصاب کا حصہ بنانے پر کام شروع کردیا وفاقی حکومت نے اے آئی کو نصاب کا حصہ بنانے پر کام شروع کردیا عمران خان اور سیاسی کارکنوں کو فوری رہا کیا جائے، آل پاکستان وکلا کنونشن اعلامیہ الیکشن میں ڈاکہ ڈالنے والوں کو اس ملک میں جمہوریت قبول نہیں، سلمان اکرم راجا جناح ہا ئو س حملہ کیس میں پی ٹی آئی کے 254 رہنما ئو ں اورکارکنوں پر فرد جرم عائد اسنوکر میں پاکستان کی تاریخی فتح، بڑے ٹورنامنٹ میں بھارت کو دھول چٹادی بھارت کے وزیرِ خارجہ سے اب تک کوئی بات نہیں ہو رہی، وزیرِ اطلاعات عطا تارڑCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: وزیراعلی نے کہا کہ انہوں نے کہا کہ وزیراعلی سندھ پاکستان نے مٹی پلید بھارت نے جنگ کے کے لیے
پڑھیں:
عمران خان سے ملاقات نہیں ہوئی تو آئی ایم ایف شرائط پر ساتھ نہیں دیں گے، وزیراعلیٰ کے پی
وزیر اعلیٰ خیبر پختونخوا علی امین گنڈاپور نے حکومت کو وارننگ دی ہے کہ اگر پارٹی رہنماؤں کی عمران خان سے ملاقات نہ کروائی گئی تو آئی ایم ایف کی شرائط پر ساتھ نہیں دیا جائے گا۔
یہ بھی پڑھیں: ’اب نتھیا گلی اپنے گھر جا کر دکھاؤ’ علی امین گنڈاپور نے مریم نواز شریف کو چیلنج کردیا
جمعرات کو میڈیا سے گفتگو کرتے ہوئے انہوں نے کہا کہ جو مؤقف پی ٹی آئی اور عمران خان کا ہے وہی میرا ہے۔ انہوں نے مزید کہا کہ عمران خان کے خلاف جو مقدمات ہیں ان کے فیصلے دیے جائیں۔
علی امین گنڈاپور نے کہا کہ ہمارے 5،6 افراد کو بجٹ کے حوالے سے عمران خان سے ملنے دیا جائے۔
ڈنڈے کے زور پر ملک نہیں چل سکتا، اگر مذاکرات کرنے ہیں تو عمران خان تیار ہیں، علی امین گنڈاپورانہوں نے کہا کہ ڈنڈے کے زور پر پاکستان کو نہیں چلایا جاسکتا، ملک میں آئین کی حکمرانی ہونی چاہیے۔ انہوں نے مزید کہا کہ ہمارا میںڈیٹ چوری ہوا اس کی ہمیں نہیں ملک کو ضرورت ہے۔
مزید پڑھیے: پاک بھارت کشیدگی: شہباز شریف مخالف گنڈاپور کی حکومت کہاں کھڑی تھی؟
ان کا مزید کہنا تھا کہ انہوں نے کہا کہ بانی چیئرمین پی ٹی آئی پاکستان کی خاطر مذاکرات کے لیے تیار ہیں۔
جنگ جاری ہے، ہر حال میں عمران خان کو رہا کروائیں گےعلی امین گنڈاپور نے کہا کہ ہماری جنگ جاری ہے اور ہم ہر حال میں عمران خان کو رہا کروائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایم ایف آئی ایم ایف شرائط پاکستان تحریک انصاف علی امین گنڈاپور عمران خان
پیپلز پارٹی کی سینئر رہنما شیری رحمان کا بھارت میں سوشل میڈیا اکاؤنٹ بند کردیا گیا