انوکھی واردات:شادی میں ڈانسر گروپ نے دلہا اغوا کر لیا
اشاعت کی تاریخ: 25th, May 2025 GMT
نئی دہلی(نیوز ڈیسک) بھارتی ریاست بہار کے ضلع گوپال گنج میں شادی کی تقریب اُس وقت ہنگامہ خیز صورتحال کا شکار ہوگئی جب پرفارمنس کے دوران پیش آئے تنازع کے بعد ڈانسر گروپ نے دولہے کو اغوا کر لیا۔
تفصیلات کے مطابق واقعہ دیگھوا ڈوبولی گاؤں میں جمعے کی رات پیش آیا جہاں شادی کی روایتی تقریب میں ڈانس پرفارمنس جاری تھی۔ شادی کی رسومات مکمل ہونے کے بعد دولہا سونو کمار شرما مہمانوں سے ملنے اور دیگر سرگرمیوں میں مشغول تھا۔
اس دوران مہمانوں نے ڈانسرز سے پرفارمنس جاری رکھنے کا مطالبہ کیا جبکہ ڈانس گروپ اپنی طے شدہ مدت پوری ہونے پر واپسی کے لیے تیار تھا۔ اختلاف شدت اختیار کر گیا اور بات تلخ کلامی سے ہاتھا پائی تک جا پہنچی، جس میں مسکان نامی رقاصہ زخمی ہوگئیں اور انہیں قریبی اسپتال منتقل کیا گیا۔
چند گھنٹوں بعد مسکان اپنے ساتھیوں کے ہمراہ واپس تقریب میں آئی اور جھگڑے میں ملوث مہمانوں کو تشدد کا نشانہ بنایا، جس کے بعد انہوں نے دولہے کو زبردستی گاڑی میں بٹھایا اور اپنے ساتھ لے گئیں۔
واقعے کی اطلاع پر پولیس نے فوری کارروائی کرتے ہوئے تقریباً 9 گھنٹے بعد ضلع سیوان سے دولہے کو بازیاب کرا لیا۔
گوپال گنج کے ایس پی اودھیش ڈکشٹ کے مطابق دولہے کی بحفاظت بازیابی عمل میں لائی گئی ہے جبکہ ڈانسر گروپ کی تلاش جاری ہے، تاہم تاحال کوئی گرفتاری عمل میں نہیں آئی۔
یہ انوکھا واقعہ سوشل میڈیا پر بھی موضوعِ بحث بنا ہوا ہے جہاں صارفین حیرت اور طنز کے ملے جلے تاثرات کا اظہار کر رہے ہیں۔
مزیدپڑھیں:پنجاب کے عوام کیلئے بڑی خبر، برتھ ، ڈیتھ رجسٹریشن فیس ختم
ذریعہ
ذریعہ: Daily Ausaf
پڑھیں:
روس مذاکرات کے لیے تیار، یوکرین میں فوجی آپریشن جاری رہے گا، کریملن
روزانہ کی پریس بریفنگ کے دوران کریملن کے ترجمان کا کہنا تھا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ اسلام ٹائمز۔ کریملن کے ترجمان دیمتری پیسکوف نے کہا ہے کہ روس یوکرین تنازع کے حل کے لیے مذاکرات پر آمادہ ہے، تاہم یورپی ممالک کی جانب سے کیف حکومت کی مسلسل حوصلہ افزائی کے باعث روس اپنا خصوصی فوجی آپریشن جاری رکھے ہوئے ہے۔ روزانہ کی پریس بریفنگ کے دوران دیمتری پیسکوف نے کہا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ انہوں نے دعویٰ کیا کہ روسی افواج خصوصی فوجی آپریشن کے دوران مثبت پیش رفت حاصل کر رہی ہیں اور میدانِ جنگ میں صورتحال حوصلہ افزا ہے۔
کریملن کے ترجمان نے بتایا کہ یوکرین کے معاملے پر روس اور امریکا کے درمیان رابطے برقرار ہیں، تاہم اس مرحلے پر یہ کہنا قبل از وقت ہوگا کہ تنازع کے حل کی کوششوں میں کوئی نمایاں پیش رفت یا تیزی آئی ہے۔ دیمتری پیسکوف نے کہا کہ موجودہ ورکنگ چینلز کے ذریعے امریکا کے ساتھ رابطے جاری ہیں اور امید ہے کہ امریکی مذاکرات کار اپنی مصروفیات مکمل ہونے کے بعد ماسکو کا دورہ کریں گے تاکہ دونوں ممالک کے درمیان براہِ راست مذاکرات کا سلسلہ دوبارہ شروع کیا جا سکے۔
جوہری عدم پھیلاؤ کے حوالے سے روس کے مؤقف پر بات کرتے ہوئے انہوں نے کہا کہ ماسکو جوہری ہتھیاروں کے پھیلاؤ کی روک تھام کے اصول پر قائم ہے، تاہم ہر ملک کو پُرامن مقاصد کے لیے جوہری توانائی کے استعمال کا حق حاصل ہونا چاہیے۔ انہوں نے مزید کہا کہ روس کا مؤقف جوہری ہتھیاروں کے عدم پھیلاؤ سے متعلق ہے، جبکہ ایران، سعودی عرب اور دیگر ممالک کو پُرامن جوہری توانائی کے استعمال کا حق حاصل ہے اور اس حق کی ضمانت دی جانی چاہیے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار