یوکرین پر روس کے تابڑ توڑ ڈرون حملوں پر تشویش کا اظہار
اشاعت کی تاریخ: 25th, May 2025 GMT
اسلام آباد (اُردو پوائنٹ ۔ UN اردو۔ 25 مئی 2025ء) اقوام متحدہ نے یوکرین میں روس کے حالیہ میزائل اور ڈرون حملوں پر گہری تشویش کا اظہار کیا ہے جن میں کم از کم 13 شہری ہلاک اور 65 زخمی ہو گئے ہیں۔
ملک میں انسانی حقوق کی صورتحال پر اقوام متحدہ کے نگران مشن (ایچ آر ایم ایم یو) نے خبردار کیا ہے کہ گنجان آبادیوں پر طاقتور دھماکہ خیز ہتھیاروں سے حملوں کے سنگین نتائج برآمد ہونے کا خدشہ ہے۔
Tweet URLمشن کے مطابق، اتوار کی رات سے اگلے دن تک جاری رہنے والے حملے اس جنگ میں اب تک اس نوعیت کی سب سے بڑی کارروائی ہیں۔
(جاری ہے)
دارالحکومت کیئو سمیت یوکرین کے 10 علاقوں میں ان حملوں سے لوگوں کے گھروں سمیت شہری تنصیبات کو بھی نقصان پہنچا۔روس کے ان حملوں میں کم از کم تین بچے ہلاک اور نو زخمی ہوئے۔ مشن اس کارروائی سے ہونے والے نقصان کی مصدقہ تفصیلات جمع کر رہا ہے۔
مشن کی سربراہ ڈینیل بیل نے کہا ہے کہ یہ حملہ شہری علاقوں میں طاقتور اسلحے کے استعمال سے لوگوں کی زندگیوں کو لاحق خطرات کی المناک عکاسی کرتا ہے۔
حالیہ واقعات اس جنگ میں انسانی جانوں کا ایک اور بڑا نقصان ہیں جنہوں نے لوگوں کے دکھوں میں مزید اضافہ کر دیا ہے۔دور مار ہتھیاروں کا استعمالیوکرین کے حکام نے بتایا ہے کہ روس کی فوج نے حالیہ حملوں کے دوران فضا، سمندر اور خشکی سے کارروائی کی اور ملک پر کم از کم 367 میزائل داغے۔ اس سے پچھلی رات بھی ایسا ہی حملہ کیا گیا تھا جس میں دارالحکومت کیئو کو نشانہ بنایا گیا۔
مشن نے کہا ہے کہ شہری علاقوں پر طویل فاصلے تک مار کرنے والے میزائلوں کے حملے مارچ اور اپریل میں انسانی جانوں کے بڑے پیمانے پر نقصان کا بنیادی سبب تھے۔ اگرچہ مئی میں انسانی نقصان اب تک قدر ےکم تھا تاہم حالیہ حملے کے بعد یہ اپریل کے نقصان سے تجاوز کر جائے گا۔
شہری تنصیبات کی تباہییوکرین کے لیے اقوم متحدہ کے امدادی رابطہ دفتر کے نمائندے میتھائس شمالے نے بھی روس کے حملوں میں شہریوں کے نقصان پر گہری تشویش ظاہر کی ہے۔
ان کا کہنا ہے کہ یوکرین بھر میں شہریوں کے لیے کوئی بھی جگہ محفوظ نہیں رہی۔ حملوں میں لوگوں کے گھروں اور شہری تنصیبات کو نشانہ بنایا جا رہا ہے۔انہوں نے غیرسرکاری امدادی اداروں اور حکومتی خدمات کا شکریہ ادا کیا ہے جو حملوں سے متاثرہ لوگوں کو فوری مدد کی فراہمی میں مصروف ہیں۔ نمائندے کا کہنا ہے کہ شہریوں کو کسی بھی طرح کے حالات میں عسکری کارروائیوں کا ہدف نہیں بنانا چاہیے۔
.ذریعہ: UrduPoint
کلیدی لفظ: تلاش کیجئے روس کے
پڑھیں:
یمن کے طویل بحران پر گہری تشویش ہے: پاکستان
ویب ڈیسک :اقوام متحدہ میں پاکستان کے مستقل مندوب عاصم افتخار احمد نے کہا ہے یمن کے طویل بحران پر گہری تشویش ہے۔ انہوں نے کشیدگی کو کم کر نے کیلئے جامع مذاکرات کے ذریعے سیاسی، انسانی اور سماجی و اقتصادی چیلنجز سے نمٹنے پر زور دیا ہے۔
اقوام متحدہ میں پاکستان کے مستقل مندوب عاصم افتخار احمد نے سلامتی کونسل کو بتایا کہ برسوں کے تنازعات نے یمنی عوام کو بے پناہ مصائب سے دوچار کیا ہے اور سیاسی تقسیم، اقتصادی تباہی ماحولیاتی انحطاط نے ان کی حالت زار کو مزید خراب کر دیا ہے، یمن میں تنازعات نے وسیع علاقائی جہت اختیار کر لی ہے، جس کے بین الاقوامی امن اور سلامتی پر سنگین مضمرات ہیں۔
لاہور میں 229 ٹریفک حادثات؛ 280 افراد زخمی
پاکستانی مندوب نے کہا کہ صورت حال کو فوری، اجتماعی اور تعمیری اقدام کا تقاضہ کرتی ہے،انہوں نے کہا کہ مشرق وسطیٰ میں پائیدار امن کے لیے غزہ میں فوری جنگ بندی اور بین الاقوامی قانونی جواز کے مطابق فلسطینیوں کی ریاست کا احساس کرنے کے لیے فوری اور قابل اعتماد اقدامات کی ضرورت ہے۔
قحط کے خطرے کے بارے میں خبردار کرتے ہوئے، انہوں نے بین الاقوامی برادری پر زور دیا کہ وہ او سی ایچ اے کی انسانی ہمدردی کی اپیل پر فراخدلی سے جواب دے۔
موٹر سائیکل اور گاڑیوں کی ٹرانسفر فیس میں 10 فیصد اضافہ
عاصم افتخارنے کہا کہ اقوام متحدہ کی سلامتی کونسل کو ایک مشترکہ اور واضح پیغام بھیجنا چاہیے کیونکہ یمن کے لوگ امن، وقار اور خوف، بھوک اور مایوسی سے پاک مستقبل کے مستحق ہیں۔
کراچی کے ٹاپ کار موڈیفائر بھائیوں کی کہانی