پی ایس ایل 10 میں بننے والے دلچسپ ریکارڈز کونسے ہیں؟
اشاعت کی تاریخ: 26th, May 2025 GMT
قذافی اسٹیڈیم لاہور میں پاکستان سپر لیگ (پی ایس ایل) 10 کا فائنل لاہور قلندرز اور کوئٹہ گلیڈی ایٹرز کے مابین سنسنی خیز مقابلے کے بعد اختتام پذیر ہوا جس میں قلندرز نے گلیڈی ایٹرز کو شکست دے کر تیسری بار ٹائٹل اپنے نام کرلیا۔
پی ایس ایل 10 کے فائنل میں کوئٹہ گلیڈی ایٹرز نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 201 رنز بنائے تو جواب میں لاہور قلندرز نے مطلوبہ ہدف ایک گیند قبل 4 وکٹوں کے نقصان پر پورا کیا۔
یہ بھی پڑھیے: لاہور قلندرز نے کوئٹہ گلیڈی ایٹرز کو شکست دے کر تیسری بار پی ایس ایل کا ٹائٹل جیت لیا
اس سال پی ایس ایل 10 کے دوران کچھ ریکارڈز بھی قائم ہوئے جنہوں نے اس اہم ایونٹ کو مزید دلچسپ بنایا۔
شاہین شاہ آفریدی کا بطور کپتان ریکارڈ
لاہور قلندرز کے شاہین شاہ آفریدی نے پی ایس ایل 10 کا فائنل جیتنے کے بعد سب سے اس لیگ کے سب سے کامیاب کپتان ہونے کا ریکارڈ اپنے نام کیا۔
اس سے قبل وہ 2022 اور 2023 میں مسلسل 2 بار یہ ٹائٹل جیت چکے تھے۔ ان کے علاوہ کوئی بھی کپتان یہ ٹائٹل ایک سے زائد مرتبہ نہیں جیتا ہے۔
یہ بھی پڑھیے: پی ایس ایل 10: سب سے زیادہ رنز بنانے والا کھلاڑی کون، اور وکٹیں کس کی زیادہ ہیں؟
ناقص فیلڈنگ کا ریکارڈ
پی ایس ایل 10 کا ایونٹ ناقص فیلڈنگ کی وجہ سے بھی شائقین کی توجہ کا مرکز رہا اور بُری فیلڈنگ کا ریکارڈ اپنے نام کرلیا۔ اس ایونٹ میں 96 کیچز ڈراپ ہوئے۔ اس کے علاوہ مختلف کھلاڑیوں کی طرف سے ہونے والی مس فیلڈنگ اور مسڈ اسٹمپنگ بھی دیگر ایونٹس سے غیرمعمولی طور پر زیادہ رہیں۔
6 چھکے مارنے پر محمد نعیم کا اعزاز
لاہور قلندرز کے نوجوان کھلاڑی محمد نعیم فائنل میں 6 چھکے مار کر پی ایس ایل کی تاریخ کے پہلے بلے باز بن گئے۔ وہ فائنل میں 27 بالز پر 47 رنز بناکر آؤٹ ہوگئے۔ اس سال پی ایس ایل 10 کے 12 میچز میں محمد نعیم نے 28۔63 کی اوسط سے 315 رنز بنائے۔
یہ بھی پڑھیے: پی ایس ایل 10، کس کھلاڑی کو کونسا ایوارڈ ملا؟
حسن نواز کی پی ایس ایل تیز ترین ہاف سینچری کا ریکارڈ
کوئٹہ گلیڈی ایٹرز کی جانب سے حسن نواز نے شاندار بلے بازی کا مظاہرہ کرتے ہوئے پی ایس ایل کی تاریخ کی تیز ترین ہاف سینچری بنا ڈالی۔
لاہور قلندرز کا اعزاز
لاہور قلندرز کسی بھی ٹی 20 کے فائنل میں 200 رنز سے زائد کا ہدف کامیابی سے مکمل کرنے والی پہلی ٹیم بن گئی۔ اسی طرح کوئٹہ قلندرز بھی کسی ٹی 20 فائنل میں 200 رنز سے زائد ہدف دینے کے باوجود میچ ہارنے والی واحد ٹیم بن گئی۔
Lahore Qalandars make HISTORY as the FIRST team to chase 200+ in a T20 final (202 vs Quetta, 1 ball left)! And, Quetta Gladiators also become the FIRST team to LOSE a T20 final after posting 200+
Previous record of highest successful chase in a T20 final was 200 by KKR vs Kings…
— Faizan Lakhani (@faizanlakhani) May 25, 2025
سب سے زیادہ چھکوں کا ریکارڈ
پی ایس ایل کی تاریخ میں سب سے زیادہ چھکے بھی اس سیزن میں لگے۔ پی ایس ایل 10 میں مجموعی طور پر 500 چھکے لگے جو اسے اس لیگ کی تاریخ میں منفرد اعزاز دیتا ہے۔
500 SIXES IN A SEASON FOR THE FIRST TIME EVER IN PSL HISTORY ????#HBLPSLX #tapmad #CatchEveryMatch #FreeSeBehtarAdFree pic.
— Farid Khan (@_FaridKhan) May 25, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان سپر لیگ ریکارڈ پی ایس ایل 10 ریکارڈ فائنل کرکٹذریعہ: WE News
کلیدی لفظ: پاکستان سپر لیگ ریکارڈ پی ایس ایل 10 ریکارڈ فائنل کرکٹ کوئٹہ گلیڈی ایٹرز لاہور قلندرز پی ایس ایل 10 فائنل میں کا ریکارڈ کی تاریخ
پڑھیں:
پی ایس ایل 10 کی ٹیم آف دی ٹورنامنٹ کا اعلان کردیا گیا، کپتان کون؟
پاکستان سپر لیگ (پی ایس ایل) 10 کے اختتام کے بعد ٹیم آف دی ٹورنامنٹ کا اعلان کردیا گیا۔
تیسری بار ایونٹ کا ٹائٹل اپنے نام کرنے والی لاہور قلندرز کے کپتان شاہین شاہ آفریدی کو پی ایس ایل الیون کا کپتان مقرر کیا گیا ہے، ٹیم کا انتخاب کمنٹری ٹیم کے اراکین کی جانب سے کیا گیا۔
یہ بھی پڑھیں جیتی ہوئی 3 پی ایس ایل ٹرافیز کے ساتھ شاہین آفریدی کی تصویر وائرل
واضح رہے کہ گزشتہ روز لاہور کے قذافی اسٹیڈیم میں کھیلے گئے میچ میں لاہور قلندرز نے سنسنی خیز مقابلے کے بعد کوئٹہ گلیڈی ایٹرز کو شکست دے کر ایونٹ کا ٹائٹل اپنے نام کیا۔
شاہین شاہ آفریدی کی قیادت میں لاہور قلندرز نے تیسری بار فائنل میں فتح حاصل کی۔
پی ایس ایل الیون میں کوئٹہ گلیڈی ایٹرز کے تین کھلاڑی حسن نواز، ابرار احمد اور فہیم اشرف نے جگہ بنائی ہے۔
اس کے علاوہ لاہور قلندرز کے سکندر رضا جنہوں نے کوئٹہ گلیڈی ایٹرز کے جبڑوں سے فتح چھین کر لاہور قلندرز کو کامیابی دلوائی، کارکردگی کی بنیاد پر ٹیم میں جگہ بنانے میں کامیاب رہے۔
پی ایس ایل الیون میں کراچی کنگز کے بھی تین کھلاڑی شامل ہیں، جن میں کپتان ڈیوڈ وارنر، جیمز ونس اور فاسٹ بولر حسن علی شامل ہیں، جبکہ خوشدل شاہ بارہویں کھلاڑی کے طور پر ٹیم میں شامل ہیں۔
پی ایس ایل الیون میں اسلام آباد یونائیٹڈ کے صاحبزادہ فرحان اور پشاور زلمی کے فاسٹ بولر علی رضا بھی جگہ بنانے میں کامیاب رہے۔
یہ بھی پڑھیں پی ایس ایل 10 کا کامیابی سے انعقاد پرامن پاکستان کی جیت ہے، چیئرمین پی سی بی محسن نقوی
پی ایس ایل الیون
پی ایس ایل الیون شاہین شاہ آفریدی، فخر زمان، صاحبزادہ فرحان، ڈیوڈ وارنر، جیمز ونس، حسن نواز، سکندر رضا، فہیم اشرف، حسن علی، علی رضا اور ابرار احمد شامل ہیں، جبکہ کراچی کنگز کے خوشدل شاہ کو بارویں کھلاڑی کے طور پر شامل کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان سپر لیگ پی ایس ایل ٹیم آف دی ٹورنامنٹ شاہین شاہ آفریدی لاہور قلندرز وی نیوز
خضدار اسکول بس پر حملہ، بلوچستان میں اب کیا ہونے والا ہے؟