کراچی؛ شہری گرمی سے بلبلا اٹھے، محکمہ موسمیات کی درجہ حرارت مزید بڑھنے کی پیشگوئی
اشاعت کی تاریخ: 25th, May 2025 GMT
کراچی:
اتوار کو شہر میں گرم ومرطوب دن ریکارڈ ہوا، نمی کا تناسب 60 فیصد ہونے کے سبب شہری گرمی سے بلبلا اٹھے اور درجہ حرارت 37.6 ڈگری سینٹی گریڈ ریکارڈ کیا گیا جبکہ شہر میں گرمی مزید بڑھنے کا امکان ہے۔
محکمہ موسمیات کے مطابق کراچی میں زیادہ سے زیادہ درجہ حرارت 37.6 ڈگری سینٹی گریڈ رہا تاہم نمی بڑھنے کی وجہ سے اصل درجہ حرارت 8 ڈگری زیادہ محسوس کی گئی جس کے سبب دوپہر کے وقت ہیٹ ویو جیسی صورت حال رہی اور شہری گرمی سے نڈھال ہوگئے۔
ارلی وارننگ سینٹر کی پیش گوئی کے مطابق 26 اور 27 مئی کو شہر کا موسم انتہائی گرم و مرطوب رہنے کا امکان ہے اور پیر کو زیادہ سے زیادہ پارہ 40 جبکہ منگل کو 39 ڈگری تک تجاوز کرسکتا ہے۔
اس دوران نمی کا تناسب زیادہ ہونے کی وجہ سے گرمی کی شدت کے غیر معمولی اثرات نمایاں ہوسکتے ہیں، صبح کے وقت نمی کا تناسب 75 اور شام کو 60 فیصد تک بڑھ سکتا ہے۔
محکمہ موسمیات نے بتایا کہ صوبے کے بیشتر علاقوں میں موسم انتہائی گرم و خشک رہنے کا امکان ہے جبکہ اتوار کو چھور، مٹھی اور سکرنڈ میں زیادہ سے زیادہ درجہ حرارت 45.
ذریعہ: Express News
پڑھیں:
آئندہ 48گھنٹوں میں موسلادھاربارشوں کا الرٹ جاری
اسلام آباد(نیوز ڈیسک) محکمہ موسمیات نے پیشگوئی کی ہے کہ آئندہ دو روز کے دوران ملک کے مختلف علاقوں میں موسلادھار بارش کا امکان ہے، جس کے باعث موسم خوشگوار رہے گا۔
ترجمان محکمہ موسمیات کے مطابق پنجاب، خیبرپختونخوا، بلوچستان اور آزاد کشمیر کے مختلف علاقوں میں شدید بارش متوقع ہے، جبکہ بعض مقامات پر آندھی اور گرج چمک کے ساتھ بارش ہو سکتی ہے۔
پنجاب کے مختلف شہروں میں بدھ کے روز بوندا باندی اور ہلکی بارش ہوئی، جب کہ لاہور کے علاقوں ڈیوس روڈ، لکشمی چوک، گوالمنڈی، گڑھی شاہو، دھرم پورہ، ریگل، مال روڈ، کینٹ، فیصل ٹاؤن اور ٹاؤن شپ میں بارش سے موسم خوشگوار ہو گیا۔
ادھر خیبرپختونخوا کے ضلع لوئر دیر، مینگورہ اور گردونواح میں بھی گرج چمک کے ساتھ موسلا دھار بارش ریکارڈ کی گئی۔
اسی طرح آزاد کشمیر کی وادی نیلم اور جہلم میں بھی بادل خوب برسے، جس سے درجہ حرارت میں کمی آئی اور موسم سہانا ہو گیا۔
محکمہ موسمیات نے شہریوں کو ممکنہ بارشوں کے دوران احتیاطی تدابیر اختیار کرنے کی ہدایت کی ہے۔
مسجد اقصیٰ ہماری ’ریڈلائن‘ ہے، ہر قیمت پردفاع کریں گے: حماس