عیدالاضحیٰ کا چاند دیکھنے کے لیے مرکزی رویت ہلال کمیٹی کا اجلاس آج اسلام آباد میں ہوگا
اشاعت کی تاریخ: 27th, May 2025 GMT
عیدالاضحیٰ کا چاند دیکھنے کے لیے مرکزی رویت ہلال کمیٹی کا اجلاس آج اسلام آباد میں منعقد ہوگا۔
ذی الحجہ 1446 ہجری کا چاند دیکھنے کے لیے مرکزی رویت ہلال کمیٹی کا اجلاس چیئرمین مولانا سید محمد عبدالخبیر آزاد کی صدارت میں ہوگا، جس میں چاند کی شہادتوں اور فلکیاتی مشاہدات کا جائزہ لیا جائے گا۔
زونل رویت ہلال کمیٹیاں بھی چاند کی رویت کے لیے اپنے اپنے متعلقہ مقامات پر آج اجلاس منعقد کریں گی۔
مزید پڑھیں: سعودی عرب میں عیدالفطر کا چاند نظر آگیا، پاکستان میں کل دکھائی دینے کا قوی امکان
یاد رہے کہ سپارکو نے گزشتہ ہفتے اپنے فلکیاتی تجزیے اور جدید مشاہداتی تکنیکوں کی بنیاد پر پیش گوئی کی تھی کہ ذی الحجہ کے نئے چاند کی پیدائش 27 مئی کو ہوگی۔ اس حساب سے ملک بھر میں عیدالاضحیٰ کا تیوہار 7 جون بروز جمعہ منائے جانے کا قوی امکان ہے۔
چاند کی رویت کے حتمی اعلان کا انحصار آج ہونے والے مرکزی اجلاس کے فیصلے پر ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سپارکو عیدالاضحیٰ عیدالاضحیٰ کا چاند مرکزی رویت ہلال کمیٹی مولانا سید محمد عبدالخبیر آزاد.ذریعہ: WE News
کلیدی لفظ: سپارکو عیدالاضحی عیدالاضحی کا چاند مرکزی رویت ہلال کمیٹی مولانا سید محمد عبدالخبیر آزاد مرکزی رویت ہلال کمیٹی چاند کی کا چاند کے لیے
پڑھیں:
ذی الحجہ کا چاند دیکھنے کے لیے رویت ہلال کمیٹی کا اجلاس ،آج چاند نظر آئیگا یا نہیں؟
ذی الحجہ کا چاند دیکھنے کے لیے رویت ہلال کمیٹی کا اجلاس اسلام آباد میں شروع ہوگیا۔
ذی الحجہ کا چاند دیکھنے کے لیے رویت ہلال کمیٹی کے اجلاس کی صدارت چیئرمین عبدالخبیر آزاد کررہے ہیں، زونل کمیٹیوں کے اجلاس اپنے اپنے مقامات پر ہورہے ہیں۔
کراچی میں آج غروب آفتاب کا وقت 7 بجکر 15 منٹ ہے اور اس وقت چاند کی عمر 11 گھنٹے 34 منٹ ہوگی، چاند دیکھنے کے لیے عمر تقریباً 24 گھنٹے یا اس سے زائد ہونی چاہیے۔
سپارکو کا کہنا ہے آج چاند نظر آنے کے امکانات نہ ہونے کے برابر ہیں کیونکہ آج غروب آفتاب کے وقت چاند کی عمر گیارہ گھنٹے ہوگی۔ یکم ذی الحجہ 29 مئی کو ہونے کی توقع ہے۔ آج چاند نظر نہیں آتا تو عیدالاضحی سات جون کو ہونے کا امکان ہے۔
سعودی عرب میں ذی الحجہ کا چاند دیکھنے کیلئے اجلاس آج ہوگا۔ سعودی ماہرفلکیات کا کہنا ہے آج چاند نظر آنے کا امکان ہے۔
متحدہ عرب امارات کے فلکیاتی مرکز کا بھی یہی کہنا ہے کہ آج ذی الحجہ کا چاند آج نظر آنے کا امکان ہے۔ متحدہ عرب امارات میں عیدالاضحیٰ 6 جون کو ہوسکتی ہے۔ ابوظبی میں چاند دوربین کے ذریعے دیکھا جاسکے گا۔ عمان، مقبوضہ بیت المقدس اور قاہرہ میں چاند آنکھ سے دیکھنا ممکن ہوگا۔
لاہور: رائے ونڈ میں 35 سالہ خاتون کی پرُاسرار حالت میں تشدد زدہ لاش برآمد