آن لائن سٹے بازی منشیات کی طرح ایک اور ناسور ہے، میرواعظ کشمیر
اشاعت کی تاریخ: 27th, May 2025 GMT
سرینگر میں مجلس نکاح کے خطبہ میں نوجوانوں سے خطاب کرتے ہوئے میرواعظ نے زور دیا کہ ہمیں اپنی زندگیوں کی بنیاد اسلامی کردار، ضبط نفس اور سماجی ذمہ داری پر رکھنی چاہیئے خاص طور پر ان فتنوں کے پس منظر میں۔ اسلام ٹائمز۔ میرواعظ کشمیر مولوی عمر فاروق نے کشمیر میں آن لائن سٹے بازی کے بڑھتے رجحان پر گہری تشویش کا اظہار کیا۔ میرواعظ کشمیر ڈاکٹر مولوی محمد عمر فاروق نے معاشرے میں تیزے سے پھیل رہے "آن لائن سٹے بازی" کے رجحان کو ایک نیا اور بڑا فتنہ قرار دیتے ہوئے اس کا موازنہ منشیات کے ساتھ کیا۔ میرواعظ عمر فاروق نے سرینگر میں ایک نجی تقریب کے دوران خطاب کرتے ہوئے کہا "اب ایک نیا فتنہ بڑی تیزی سے ہماری سوسائٹی کو اپنی لپیٹ میں لے رہا ہے اور وہ ہے آن لائن جوا، یہ اتنا ہی تباہ کن ہے جتنا کہ منشیات اور اس کے خلاف ہم پہلے ہی نبرد آزما ہیں۔ تفریح کے نام پر ہزاروں لوگ اس میں مبتلا ہو رہے ہیں، ان کی زندگیاں اور خاندان برباد ہو رہے ہیں اور ہمارا اخلاقی و سماجی ڈھانچہ تباہی کی طرف جا رہا ہے، یہ معاملہ فوری توجہ کا متقاضی ہے"۔ انہوں نے مزید کہا کہ حکومت کی ذمہ داری ہے کہ اس پر سخت کارروائی کرے۔ میرواعظ کے مطابق ترقی صرف معاشی خوشحالی یا سڑکیں اور عمارتیں بنانے کا نام نہیں اگر قوم اخلاقی اور روحانی طور پر زوال کا شکار ہو تو ایسی ترقی بے معنی ہو جاتی ہے۔ لہٰذا ایک جامع منصوبے اور فوری اقدامات کی ضرورت ہے تاکہ اس سنگین مسئلے کا موثر حل نکالا جا سکے۔
میرواعظ عمر فاروق کا مزید کہنا ہے کہ معاشرے کو بھی اس کا مقابلہ کرنے میں فعال کردار ادا کرنا ہوگا، سب کچھ حکومت پر نہیں چھوڑا جا سکتا۔ میرواعظ محمد عمر فاروق نے عدلیہ سے بھی اپیل کی کہ وہ اس سنگین مسئلے کا سنجیدہ نوٹس لے اور فوری طور پر اس وبا پر پابندی عائد کرے۔ انہوں اس ضمن میں علماء کرام سے بھی اپنا کردار ادا کرنے کی تلقین کرتے ہوئے ائمہ مساجد، خطباء اور واعظین سے اسلامی تعلیمات اور اخلاقی اقدار کی روشنی میں ان مسائل پر عوام میں بیداری پیدا کرنے کی اہمیت پر زور دیتے ہوئے "ہر ممکن ذریعہ استعمال کر کے عوام تک پیغام" پہنچانے کی تلقین کی۔ سرینگر میں مجلس نکاح کے خطبہ میں نوجوانوں سے خطاب کرتے ہوئے میرواعظ نے زور دیا کہ ہمیں اپنی زندگیوں کی بنیاد اسلامی کردار، ضبط نفس اور سماجی ذمہ داری پر رکھنی چاہیئے خاص طور پر ان فتنوں کے پس منظر میں۔
ذریعہ
ذریعہ: Islam Times
کلیدی لفظ: عمر فاروق نے کرتے ہوئے
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار