پاک افواج نے دشمن کو چند گھنٹوں میں گھٹنے ٹیکنے پر مجبور کر دیا: چیئرمین اسلامی نظریاتی کونسل
اشاعت کی تاریخ: 27th, May 2025 GMT
چیئرمین اسلامی نظریاتی کونسل ڈاکٹر راغب حسین نعیمی — فائل فوٹو
چیئرمین اسلامی نظریاتی کونسل ڈاکٹر راغب حسین نعیمی کا کہنا ہے کہ پاک افواج نے دشمن کو چند گھنٹوں میں گھٹنے ٹیکنے پر مجبور کر دیا۔
ڈاکٹر راغب حسین نعیمی نے اپنے بیان میں کہا کہ اسلامی نظریاتی کونسل حکومت اور پاک افواج کو معرکہ حق کی فتح پر مبارکباد پیش کرتی ہے۔
اُنہوں نے کہا کہ گزشتہ عرصہ میں معرکہ حق اہم واقعہ ہے، پاک افواج نے بہترین حکمت عملی سے دشمن کے وار کا جواب دیا اور بھارت کے جنگی جہاز گرائے، حملے کی تاب نہ لاتے ہوئے دشمن نے سیز فائر کروانے کےلیے امریکا کو کہا، امریکی صدر نے سیز فائر یقینی بنانے کےلیے پاکستان سے بات کی اور مختصر جنگ ختم ہوئی۔
چیئرمین اسلامی نظریاتی کونسل یہ مختصرجنگ پاکستان کی فضائیہ کی فضائی برتری ثابت کرگئی، پاکستانی پائلٹس کی مہارت کی دنیا معترف ہے، امت مسلمہ کے چہروں پر خوشی دیدنی تھی اسلامی ملکوں نے پاکستان کے جواب کو سراہا۔
اُنہوں نے مزید کہا کہ پاکستان نے اسحاق ڈار کی قیادت میں سفارتی کامیابیاں سمیٹیں، ڈی جی آئی ایس پی آر اور عطاء تارڑ نے ملکی اور بین الاقوامی میڈیا کو بہت اچھے سے سنبھالا، اس موقع پر پاکستان کے سارے ادارے اور پوری قوم متحد نظر آئی۔
ڈاکٹر راغب حسین نعیمی نے مزید کہا کہ جنگ میں جیت سے فوج اور قوم کا مورال بلند ہوا، سپہ سالار سید عاصم منیر کو فیلڈ مارشل کا عہدہ دیا جانا ان کی خدمات کا اعتراف ہے۔
اُنہوں نے کہا کہ دشمن انتہائی مکار اور بزدل ہے اس کی سازشوں سے آئندہ بھی غافل نہ ہوا جائے۔
.ذریعہ: Jang News
کلیدی لفظ: چیئرمین اسلامی نظریاتی کونسل ڈاکٹر راغب حسین نعیمی پاک افواج کہا کہ
پڑھیں:
ڈاکٹر عبدالقدیر خان کی صلاحیتوں سے پاکستان ایٹمی قوت بنا، علامہ سبطین سبزواری
دورہ ڈیرہ اسماعیل خان کے موقع پر ایس یو سی کے مرکزی نائب صدر کا کہنا تھا کہ چند دن پہلے پاکستان کے ازلی دشمن نے جسارت اور جارحیت کی لیکن افواج پاکستان نے بنیان المرصوص کے کامیاب آپریشن سے دشمن کو منہ توڑ جواب دیا۔ اسلام ٹائمز۔ شیعہ علماء کونسل پاکستان کے مرکزی نائب صدر علامہ سید سبطین حیدر سبزواری نے ڈیرہ اسماعیل خان کا دورہ کیا، اس موقع پر مرکزی نائب صدر علامہ محمد رمضان توقیر سے ان کی ملاقات ہوئی۔ علامہ محمد رمضان توقیر نے ڈیرہ اسماعیل خان آمد پر خوش آمدید کہا۔ 28 مئی یوم تکبیر، یوم دفاع کے موقع پر سادہ پر وقار تقریب کا انعقاد کیا گیا۔ علامہ سید سبطین حیدر سبزواری نے تقریب سے خطاب کرتے ہوئے کہا کہ یوم تکبیر کے بعد پاکستان کا دفاع ناقابل تسخیر ہے، ڈاکٹر عبدالقدیر خان محسن پاکستان ہیں، جن کی صلاحیتوں سے پاکستان ایٹمی قوت بنا۔ اور ایٹمی توانائی سے ملک دشمن عناصر پریشان ہیں۔ انہوں نے کہا کہ چند دن پہلے پاکستان کے ازلی دشمن نے جسارت اور جارحیت کی لیکن افواج پاکستان نے بنیان المرصوص کے کامیاب آپریشن سے دشمن کو منہ توڑ جواب دیا۔ پاکستان کے جوابی حملہ نے دنیا کو حیران کر دیا کہ پاکستان کے پاس اپنے دفاع کیلئے اتنی صلاحیت ہے جس نے فرانسسی رافیل طیاروں کو مختصر وقت میں مار گرایا۔
یوم تکبیر کے حوالے سے منعقدہ تقریب سے مرکزی نائب صدر علامہ محمد رمضان توقیر نے خطاب کرتے ہوئے کہا کہ دفاع اور صلاحیتوں کے حوالے سے پاکستان ایک مثالی ملک ہے۔ ایٹمی سائنسدان ڈاکٹر عبدالقدیر خان کو خراج تحسین پیش کرتے ہیں جن کے مرہون منت ہم یوم تکبیر منا رہے ہیں۔ پاکستان دشمن کی سوچ سے بھی زیادہ مضبوط دفاعی سسٹم رکھتا ہے۔ بنیان المرصوص کی کامیابی دفاعی سسٹم کی مضبوطی کا منہ بولتا ثبوت ہے۔ دشمن ملک آبی جارحیت کی دھمکیاں دے رہا ہے وہ یہ شوق بھی اپنا پورا کر لے۔ ان شاء اللہ ہوش ٹھکانے آ جائیں گے، بنیان المرصوص کو بھول جائیں گے۔ علامہ سبطین حیدر سبزواری اور علامہ محمد رمضان توقیر کی ڈیرہ اسماعیل خان کے تنظیمی احباب سے نشست ہوئی جس میں ملک بھر بالخصوص صوبہ کی تنظیمی صورت حال پر گفتگو ہوئی۔
اہم شخصیت کو عہدے سے ہٹانے کا فیصلہ کر لیا گیا