علی امین گنڈاپور کا ریاستی اداروں کے خلاف بیان کھلی بغاوت کے مترادف، گورنر خیبرپختونخوا
اشاعت کی تاریخ: 27th, May 2025 GMT
گورنر خیبرپختونخوا فیصل کریم کنڈی نے وزیر اعلیٰ علی امین گنڈاپور کے اشتعال انگیز بیان، پُرامن احتجاج پر ریاستی تشدد اور صوبائی حکومت کی کرپشن پر شدید ردعمل ظاہر کیا ہے۔
گورنر خیبرپختونخوا فیصل کریم کنڈی نے وزیر اعلیٰ علی امین گنڈاپور کے ریاستی اداروں کے خلاف دیے گئے بیان کو شدید ترین الفاظ میں مسترد کرتے ہوئے اسے غیر آئینی، اشتعال انگیز اور ملکی سلامتی کے خلاف خطرناک عمل قرار دیا ہے۔
انہوں نے کہا کہ ایک آئینی عہدے پر فائز شخص کا یہ کہنا ’ہمارے پاس بھی اسلحہ ہے، اگر ریاست نے استعمال کیا تو ہم بھی کریں گے۔‘ کھلی بغاوت کے مترادف ہے۔
یہ بھی پڑھیے کیا لوگوں کے ٹیکس کا پیسہ اور صوبائی فنڈز پی ٹی آئی کے کارکنوں کے لیے ہیں؟ فیصل کریم کنڈی
گورنر نے کہا کہ یہ وہی وزیر اعلیٰ ہیں جو کبھی افغان مہاجرین کے انخلا سے متعلق وفاقی فیصلے کے خلاف غیر ذمہ دارانہ سیاست کرتے ہیں۔ اور جب ہماری مسلح افواج دشمن کو شکست دیتی ہیں، تو انہی دنوں ریاست مخالف سوشل میڈیا مہمات کو وزیر اعلیٰ ہاؤس میں پناہ دی جاتی ہے۔ یہ روش ملک دشمن عناصر کی پشت پناہی کے مترادف ہے۔
انہوں نے کہا کہ گزشتہ روز پشاور میں ایک پُرامن احتجاج پر صوبائی حکومت کی جانب سے شیلنگ اور لاٹھی چارج جیسے فسطائی اقدامات اس بات کا ثبوت ہیں کہ یہ حکومت عوامی دباؤ سے بری طرح بوکھلا چکی ہے۔ ریاستی طاقت کا استعمال ان لوگوں کے خلاف کیا گیا جو آئینی اور جمہوری حق استعمال کر رہے تھے، جو کہ بنیادی انسانی حقوق کی کھلی خلاف ورزی ہے۔
یہ بھی پڑھیے خیبرپختونخوا حکومت کے تمام ادارے، وزرا کرپشن میں ملوث ہیں، گورنر فیصل کریم کنڈی
گورنر نے کہا کہ خیبرپختونخوا میں اس وقت ’علی بابا چالیس چوروں‘ کی حکومت قابض ہے، جو صوبے کے مالی و انتظامی وسائل کو دونوں ہاتھوں سے لوٹ رہی ہے۔ حالیہ دنوں میں کوہستان میں 40 ارب روپے کا میگا کرپشن اسکینڈل منظرِ عام پر آیا، سولر منصوبے کرپشن کا گڑھ بن چکے ہیں، لیکن تاحال نہ کوئی گرفتاری عمل میں آئی ہے اور نہ ہی کوئی انکوائری شروع کی گئی ہے۔ حد تو یہ ہے کہ گریڈ 4 کی نوکریاں برائے فروخت ہیں، اور اساتذہ کی بھرتیوں کے امتحانات وزیروں کے گھروں میں ہو رہے ہیں۔
فیصل کریم کنڈی نے کہا کہ جو حکومت عوام پر جبر کرے، ریاست کے خلاف بغاوت کا عندیہ دے اور ساتھ ہی وسائل کی لوٹ مار میں مصروف ہو، وہ عوامی اور آئینی اعتماد کھو چکی ہے۔
’ریاست پاکستان ایک ہے، اور کوئی فرد یا جماعت قانون سے بالاتر نہیں۔ ایسے عناصر کے خلاف فوری قانونی کارروائی ہونی چاہیے تاکہ آئین و قانون کی بالادستی قائم رہ سکے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خیبر پختونخوا سردار علی امین گنڈاپور گورنر فیصل کریم کنڈی.
ذریعہ
ذریعہ: WE News
کلیدی لفظ: خیبر پختونخوا سردار علی امین گنڈاپور گورنر فیصل کریم کنڈی علی امین گنڈاپور فیصل کریم کنڈی وزیر اعلی نے کہا کہ کے خلاف
پڑھیں:
ضم اضلاع کیلئے ٹیکس استثنیٰ بحال کریں: گورنر خیبر پی کے کا وزیراعظم کو خط
پشاور (بیورو رپورٹ) گورنر خیبرپی کے فیصل کریم کنڈی نے وزیراعظم پاکستان سے ضم قبائلی اضلاع کیلئے وفاقی ٹیکس استثنیٰ بحالی کی درخواست کردی۔ وزیراعظم کو بھیجے گئے خط میں گورنر نے مطالبہ کیا کہ ضم شدہ اضلاع اور پاٹا کے لیے وفاقی ٹیکس استثنیٰ میں توسیع کرتے ہوئے انضمام کے وقت قبائلی عوام سے کیے گئے وعدوں کی پاسداری کی جائے۔ ضم قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ وفاقی ٹیکسوں کے خاتمے کے بغیر قبائلی عوام کو مکمل ٹیکس ریلیف فراہم نہیں کیا جا سکتا۔ صوبائی حکومت پہلے ہی ضم شدہ اضلاع اور پاٹا پر عائد تمام صوبائی ٹیکس ختم کر چکی ہے، تاہم وفاقی ٹیکس برقرار رہنے سے عوام کو مکمل ریلیف نہیں مل رہا۔ دریں اثناء گورنر فیصل کریم کنڈی سے پاکستان کونسل آف سائنٹیفک اینڈ انڈسٹریل ریسرچ (پی سی ایس آئی آر) پشاور کے ڈائریکٹر جنرل انجینئر سہیل امیر مروت نے گورنر ہاؤس پشاور میں ملاقات کی۔ ادارے کی تحقیق و ترقی (ریسرچ اینڈ ڈویلپمنٹ)، جاری پی ایس ڈی پی منصوبوں، ادارے کی تحقیقی صلاحیتوں اور استعداد سے متعلق تفصیلی بریفنگ دی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی