مریم نواز کی ہدایت پر آئی جی پنجاب کا ٹریفک پولیس اصلاحات لانے کا فیصلہ
اشاعت کی تاریخ: 28th, May 2025 GMT
— فائل فوٹو
آئی جی پنجاب ڈاکٹر عثمان انور کی زیر صدارت اجلاس میں وزیرِاعلیٰ پنجاب مریم نواز کی ہدایات کی روشنی میں ٹریفک پولیس میں اصلاحات لانے کا فیصلہ کیا گیا ہے۔
ڈاکٹر عثمان انور نے کہا کہ ٹریفک انتظام میں بہتری، حادثات میں کمی، لائسنسنگ میکانزم میں شفافیت پر توجہ مرکوز ہے، ٹریفک افسران کو باڈی کیم فراہم کیے جا رہے ہیں، چالان کا ویڈیو و تصویری ثبوت دستیاب ہوگا۔
اُنہوں نے بتایا کہ روڈ انفرااسٹرکچر ڈویلپمنٹ کےلیے 1400 پوائنٹس کی نشاندہی مکمل ہوگئی ہے، تجاوزات ختم کروائیں۔
آئی جی پنجاب نے کہا کہ ٹریفک مینجمنٹ، روڈ سیفٹی اور قوانین لاگو کروانے میں ڈی پی اوز بھی ذمہ دار ہوں گے۔
اُنہوں نے ہدایت دی کہ سی پی اوز، ڈی پی اوز متعلقہ سی ٹی اوز، ٹریفک افسران کی کارکردگی مانیٹر کریں۔
وزیرِ اعلیٰ پنجاب مریم نواز کی زیر صدارت اجلاس میں ٹریفک قوانین کی خلاف ورزی پر جرمانہ 10گنا تک بڑھانے کا اصولی فیصلہ کیا گیا ہے۔
ڈاکٹر عثمان انور نے کہا کہ ٹانگے، گدھا و بیل گاڑیاں و موٹر سائیکل رکشہ ریڑھیوں کو مین شاہراہوں پر آنے کی اجازت نہ دی جائے۔
اُنہوں نے کہا کہ بچوں کے ٹریفک قوانین کی خلاف ورزی پر والدین کے خلاف بلاامتیاز قانونی کارروائی عمل میں لائیں۔
آئی جی پنجاب نے کہا کہ ون وے، رانگ پارکنگ، اوور اسپیڈنگ و لوڈنگ سمیت تمام خلاف ورزیوں پر بھاری جرمانے کریں۔
اُنہوں نے مزید کہا کہ حادثات کی صورت میں متعلقہ ڈی ایس پی جائے حادثہ پر پہنچ کر سی پی او اور ڈی پی او کو رپورٹ دے گا۔
علاوہ ازیں، آئی جی پنجاب نے افسران کو ٹریفک حادثات بتدریج 25 فیصد تک لانے کا ٹارگٹ دیا ہے۔
.
ذریعہ
ذریعہ: Jang News
کلیدی لفظ: نے کہا کہ ا نہوں نے
پڑھیں:
پنجاب میں انسداد ڈینگی کارروائیوں کیلئے افسران کو فوری متحرک ہونے کی ہدایت
کابینہ کمیٹی برائے متعدی امراض، ڈینگی و ڈیزاسٹر منیجمنٹ کا اجلاس لاہور میں ہوا، پنجاب کے وزرائے صحت سلمان رفیق اور خواجہ عمران نذیر نے اجلاس کی صدارت مشترکہ طور پر صدارت کی۔
اس موقع پر پنجاب کے وزرائے صحت نے کہا کہ ڈینگی کے افزائش والے اضلاع پر خصوصی توجہ دی جا رہی ہے، صوبے بھر میں ڈینگی کی تازہ صورتحال پر قابو پانے کیلیے اقدامات کا جائزہ لیا گیا۔
صوبائی وزیر خواجہ عمران نذیر نے متعلقہ افسران کو فوری متحرک ہونے کی ہدایت کی۔ انھوں نے کہا ہمیشہ دیکھا گیا ہے کہ جون جولائی میں انسداد ڈینگی کارروائیوں کے مثبت نتائج سامنے آتے ہیں۔
خواجہ عمران نذیر نے کہا ڈینگی وائرس پر قابو پانے کے اقدامات کسی ایک محکمہ کی ذمہ داری نہیں، اقدامات کی ذمہ داری تمام اسٹیک ہولڈرز کی ہے۔
خواجہ عمران نے سی ای او ہیلتھ کو ضلعی انتظامیہ کیساتھ مسلسل رابطے میں رہنے کی ہدایت کی۔
انھوں نے کہا کہ ایچ آر منیجمنٹ، والنٹیر ماڈل کو اپناتے ہوئے ڈینگی کا خاتمہ ممکن ہے، یونیورسٹی اور کالجز کے طلبہ کو انسداد ڈینگی کی کارروائیوں میں شامل کرنے کا فیصلہ بھی کیا گیا۔
خواجہ سلمان رفیق نے کہا ڈینگی کی بوگس سرویلنس ناقابل برداشت ہے، عوام اپنےگھروں، دکانوں اور دیگر مقامات پر صفائی کویقینی بنائیں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ