28 مئی قومی غیرت، خود مختاری اور دفاع کی علامت ہے؛ سردار ایاز صادق
اشاعت کی تاریخ: 28th, May 2025 GMT
ویب ڈیسک : اسپیکر قومی اسمبلی سردار ایاز صادق نے کہا ہے کہ ڈاکٹر عبدالقدیر خان اور دیگر سائنسدانوں کی خدمات کو قوم ہمیشہ یاد رکھے گی، یومِ تکبیر ہمارے قومی عزم، اتحاد اور قربانیوں کا عکاس ہے۔
اسپیکر قومی اسمبلی سردار ایاز صادق نے یومِ تکبیر کے حوالے سے اپنے پیغام میں کہا کہ 28 مئی قومی غیرت، خود مختاری اور دفاع کی علامت ہے، ایٹمی دھماکے پاکستان کی تکنیکی مہارت اور قومی اتحاد کا مظہر ہیں، پاکستان کی دفاعی پالیسی امن پر مبنی ہے۔ انہوں نے کہا کہ پاکستان دشمن کی ہر جارحیت کا بھرپور جواب دینے کی صلاحیت رکھتا ہے، ذوالفقار بھٹو اور نواز شریف کو ملک کو جوہری طاقت بنانے پر خراجِ تحسین پیش کرتا ہوں۔
سپیکر قومی اسمبلی سردار ایاز صادق نے بھسین گاؤں میں ترقیاتی کاموں کا افتتاح کردیا
سردار ایاز صادق نے کہا کہ ایٹمی دھماکوں کا فیصلہ نواز شریف کا تاریخ ساز اقدام تھا، جوہری صلاحیت پاکستان کی خودانحصاری اور دفاعی خود کفالت کی بنیاد ہے۔ انہوں نے مزید کہا کہ 28 مئی کے ساتھ 10 مئی کے اضافے نے پاکستان کے دفاع اور سلامتی کو نئی روح پھونکی۔ آپریشن بنیان مرصوص دشمن کے ناپاک عزائم کو خاک میں ملانے کا ثبوت ہے، افواجِ پاکستان نے بری، بحری اور فضائی سرحدوں کا جرأت مندانہ دفاع کیا، پاکستان پر حملہ کرنے والوں کو واضح پیغام مل چکا ہے، پاکستان صرف عسکری نہیں، قومی اتحاد سے بھی ناقابل شکست ہے، اگر 28 تاریخ کو نواز شریف نے دھماکے نہ کیے ہوتے تو یہ لڑائی مختلف انداز میں ہوتی۔
جنوبی پنجاب اور سندھ میں گرد آلود طوفان اور بارش کا امکان، الرٹ جاری
.
ذریعہ
ذریعہ: City 42
کلیدی لفظ: سردار ایاز صادق نے کہا کہ
پڑھیں:
سابق وفاقی وزیر سردار یار محمد رند کی سفری پابندی کیخلاف درخواست پر فیصلہ محفوظ
اسلام آباد:اسلام آباد ہائی کورٹ نے سابق وفاقی وزیر سردار یار محمد رند کی سفری پابندی کے خلاف درخواست پر فیصلہ محفوظ کر لیا۔
جسٹس انعام امین منہاس نے درخواست پر سماعت کی، درخواست گزار کی جانب سے بیرسٹر ظفر اللہ جبکہ اسسٹنٹ اٹارنی جنرل، ایف آئی اے اور امیگریشن حکام بھی عدالت پیش ہوئے۔ عدالتی ہدایت پر بیرسٹر ظفر اللہ نے کوئٹہ پولیس کا خط پڑھا۔
جسٹس انعام امین منہاس نے استفسار کیا کہ متعلقہ پولیس کہہ رہی ہے بندہ نہیں چاہیے، ایف آئی اے کو بھی مطلوب نہیں، جن کو چاہیے تھا ان کو بھی اب نہیں چاہیے، پھر ابھی تک نام کیوں نہیں نکالا؟
ایف آئی اے حکام نے جواب دیا کہ ای سی ایل میں نام نہیں ہے، صرف پی این آئی لسٹ میں نام ہے جو 28 مارچ کو ڈالا گیا۔
عدالت نے استفسار کیا کہ اس لسٹ میں نام کتنے دن کے لیے ہوتا ہے اور کب مکمل ہوئی؟ ایف آئی اے حکام نے بتایا کہ ایک ماہ کے لیے ہوتا ہے اور پھر ایک ماہ کی توسیع لینا ہوتی ہے۔ عدالت نے استفسار کیا کہ زیادہ سے زیادہ 60 روز رکھ سکتے ہیں تو اب جولائی ہے، کتنے ماہ ہوگئے ہیں؟ ایف آئی اے حکام نے بتایا کہ 5 ماہ ہوگئے، ابھی تک ہمیں آفیشلی کوئی اطلاع موصول نہیں ہوئی۔
عدالت نے ایف آئی اے افسر سے مکالمہ کرتے ہوئے کہا کہ اتنے وقت کیسے آپ رکھ سکتے ہیں، کس قانون کے تحت ابھی تک رکھا ہوا ہے۔ جسٹس راجہ انعام امین نے ریمارکس دیے کہ ایسے کتنے ہی کیسز ہمارے پاس آرہے ہیں، کتنی بار لکھ بھی چکے ہیں، سپریم کورٹ کا فیصلہ بھی ہے۔
عدالت نے سردار یار محمد رند کی سفری پابندی لسٹ سے نام نکالنے کی درخواست پر فیصلہ محفوظ کرلیا۔
پاکستان نے ورلڈ کپ 2028 کیلیے براہ راست کوالیفائی کر لیا