یو این منڈیلا پرائز کینیڈا اور کینیا کے سماجی کارکنوں کے نام
اشاعت کی تاریخ: 29th, May 2025 GMT
اسلام آباد (اُردو پوائنٹ ۔ UN اردو۔ 29 مئی 2025ء) کینیڈا میں قدیمی مقامی نسل سے تعلق رکھنے والی سماجی کارکن اور کینیا کے ایک سماجی منتظم رواں سال اقوام متحدہ کی جانب سے نیلسن رولیہلاہلا منڈیلا اعزاز کے حق دار قرار پائے ہیں۔
اعزاز یافتگان برینڈا رینالڈز اور کینیڈی اوڈیڈے 18 جولائی کو نیلسن منڈیلا عالمی دن پر اقوام متحدہ کے سیکرٹری جنرل انتونیو گوتیرش کے ہاتھوں یہ اعزاز وصول کریں گے۔
اقوام متحدہ نے یہ اعزاز دینے کا سلسلہ 2014 میں شروع کیا تھا جو ہر پانچ سال کے بعد دو ایسے افراد کو دیا جاتا ہے جن کا انسانی بہتری کے لیے کوئی کام جنوبی افریقہ کے آنجہانی صدر نیسلن منڈیلا کی میراث کا عکاس ہو جو دنیا بھر کے لیے قیادت، عاجزی، خدمت اور اتحاد سے عبارت ہے۔
(جاری ہے)
سیکرٹری جنرل نے کہا ہے کہ رواں سال یہ اعزاز پانے والی دونوں شخصیات اتحاد اور امکان کے جذبے کی تجسیم ہیں اور ان کا کام یہ یاد دلاتا ہے کہ تمام انسان مضبوط معاشرے اور بہتر دنیا متشکل کرنے کی طاقت رکھتے ہیں۔
برینڈا رینالڈز کینیڈا کے علاقے سسکیچیوان میں 'فشنگ لیک سالٹیکس فرسٹ نیشن' نامی برادری سے تعلق رکھتی ہیں۔
انہوں نے کئی دہائیوں تک قدیمی مقامی لوگوں کے حقوق، ذہنی صحت اور تکالیف کا سامنا کرنے والوں کو ان کے اثرات سے آگاہی پر مبنی نگہداشت کی فراہمی کے لیے کام کیا ہے۔1988 میں انہوں نے اپنے علاقے میں ایک رہائشی سکول میں جنسی بدسلوکی کا سامنا کرنے والی 17 نو عمر لڑکیوں کو مدد فراہم کی۔ بعدازاں انہوں نے متاثرین کو مدد دینے اور ان کی تکالیف کو دور کرنے کے لیے سچائی و مفاہمت کمیشن (ٹی آر سی) کی خصوصی مشیر کی حیثیت سے کام کیا۔
وہ کینیڈا کی عدالت کی جانب سے انڈین رہائشی سکولوں سے متعلق تصفیے کے معاہدے کے بارے میں دیے گئے فیصلے اور بعدازاں ان سکولوں میں طلبہ کو طبی مدد کی فراہمی کے پروگرام کی تیاری کے حوالے سے جانی جاتی ہیں۔ ملک بھر میں شروع کردہ اس اقدام کے ذریعے جنسی بدسلوکی کے متاثرین اور ان کے خاندانوں کو ثقافتی بنیاد پر ذہنی صحت کی نگہداشت مہیا کی جاتی ہے۔
2023 میں اقوام متحدہ کے ہائی کمشنر برائے انسانی حقوق اور یورپی یونین نے انہیں صدمات اور ثقافتی نسل کشی پر قابو پانے کے حوالے سے اپنی مہارت کے بارے میں آگاہ کرنے کے لیے بلایا تھا۔
کینیا میں کچی بستی کیبیرا سے تعلق رکھنے والے 23 سالہ کینیڈی اوڈیڈے 10 سال کی عمر میں بے گھر تھے جبکہ گزشتہ سال انہیں ٹائم میگزین نے دنیا کے 100 بااثر ترین لوگوں کی فہرست میں شامل کیا جس سے انہیں عالمگیر پہچان ملی۔
ان کے سفر کا آغاز ایک چھوٹے سے عمل سے ہوا جب انہوں نے فیکٹری میں کام سے ملنے والی اپنی معمولی سی اجرت کو ایک فٹ بال خریدنے اور اس کے ذریعے اپنے لوگوں کو متحد کرنے کی کوشش کی۔ اس طرح 'شائننگ ہوپ فار کمیونیٹیز' (شوفکو) نامی تحریک کی بنیاد پڑی اور وہ اب اس کے سی ای او (منتظم) ہیں۔ شوفکو کینیا بھر میں 68 مقامات پر مقامی سماجی گروہوں کو بااختیار بنانے کے لیے کام کرتی اور ہر سال 24 لاکھ سے زیادہ لوگوں کو ضروری خدمات پہنچاتی ہے۔
اوڈیڈے نیویارک ٹائمز کے سب سے زیادہ فروخت ہونے والے معاون مصنف بھی ہیں اور یو ایس ایڈ، عالمی معاشی فورم، اوباما فاؤنڈیشن اور کلنٹن گلوبل انیشی ایٹو جیسے اداروں کے ساتھ کام کرتے ہیں۔
.
ذریعہ
ذریعہ: UrduPoint
کلیدی لفظ: تلاش کیجئے اقوام متحدہ انہوں نے کے لیے
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ