ایٹمی پروگرام کا سہرا ذوالفقار علی بھٹو اور ڈاکٹر عبدالقدیر کے سر ہے، احسن اقبال
اشاعت کی تاریخ: 29th, May 2025 GMT
اسلام آباد ہائی کورٹ بار میں یومِ تکبیر کی تقریب سے خطاب کے دوران احسن اقبال نے کہا کہ مئی کا مہینہ پاکستان کے لیے قابل فخر ہے، 28 مئی کو جہاں کھڑے تھے، 10 مئی کو بھی اسی جذبے کا مظاہرہ کیا۔ اسلام ٹائمز۔ وفاقی وزیر احسن اقبال نے کہا ہے کہ اگر ہم 10 مئی کی کامیابی کو برقرار رکھنا ہے تو مضبوط معیشت کھڑی کرنا بھی ضروری ہے، مضبوط دفاع کے لیے مضبوط معیشت بھی ضروری ہے۔ اسلام آباد ہائی کورٹ بار میں یومِ تکبیر کی تقریب سے خطاب کے دوران احسن اقبال نے کہا کہ مئی کا مہینہ پاکستان کے لیے قابل فخر ہے، 28 مئی کو جہاں کھڑے تھے، 10 مئی کو بھی اسی جذبے کا مظاہرہ کیا۔
انہوں نے مزید کہا کہ ایٹمی پروگرام کی بنیاد رکھنے کا سہرا ذوالفقار علی بھٹو اور ڈاکٹر عبدالقدیر خان کو جاتا ہے، آنے والی تمام حکومتوں نے اس پروگرام کو آگے بڑھایا، نواز شریف نے بین الاقوامی دباؤ اور لالچ کی پیشکش کو ٹھکرا کر دھماکے کیے، پاکستان سے کوئی اس کی ایٹمی صلاحیت کو چھین نہیں سکتا۔ احسن اقبال کا کہنا تھا کہ ہم نے اڑان پاکستان کا منصوبہ بنایا ہے، دفاع میں ٹیکنالوجی کا اہم عنصر شامل ہوچکا ہے، ہماری نسل نے تختی سے فائیو جی کاسفر دیکھا ہے۔
ان کا کہنا تھا کہ آج پرائمری اسکولوں میں ٹیبلیٹس پہنچ چکے ہیں، ڈیجیٹل ریوولوشن آنے والے وقت میں مزید تبدیلیاں دکھائے گی۔ وفاقی وزیر احسن اقبال کا کہنا تھا کہ 2017ء میں نواز شریف کو نااہل کرنے کے فیصلے نے ملک کو سیاسی بحران کی طرف دھکیلا۔ ان کا پاک بھارت حالیہ کشیدگی سے متعلق کہنا تھا کہ بھارت کے خلاف دس مئی کی کامیابی میں بھی ٹیکنالوجی کا اہم کردار تھا، ایک وقت تھا کہ ہم سائیکل تک نہیں بناتے تھے اور آج ہم نے ایف 17 تھنڈر بنا رہے ہیں۔
انہوں نے کہا کہ وہ ممالک جو ہم سے بہت پیچھے تھے وہ برآمدات میں ہم سے بہت آگے نکل گئے، پاکستان 1999ء تک جنوبی ایشیا کی پہلی بڑی طاقت تھی جو آج چوتھی طاقت ہے، اقتصادی پالیسیوں کے ساتھ موافق ماحول نہیں ملتا تو پالیسیاں فیل ہو جاتی ہیں۔ احسن اقبال نے کہا ہے کہ یہ صرف ماضی کی کامیابی کا جشن ہی نہیں بلکہ مستقبل کے لیے یوم عزم بھی ہے۔
پاکستان کی فضائیہ نے بھارت کے 3 رافل سمیت چھ جہاز گرا کر اپنی برتری ثابت کی، جس جدید ترین ٹیکنالوجی پر بھارت کو گھمنڈ تھا اسے پاکستانی شاہینوں نے مٹی کا ڈھیر بنا دیا۔ ان کا یہ بھی کہنا تھا کہ بھارت نے 10مئی کی صبح جارحیت کی تو بہادر افواج اور فضائیہ نے کرارا اور بھرپور جواب دیا، بھارت کی چیخیں واشنگٹن تک پہنچیں اور سیزفائر کی درخواست کی جسے ہم نے قبول کیا، ہم امن کے خواہاں ہیں، جنگ مسلط کی جائے گی تو بھرپور جواب دیں گے۔
ذریعہ: Islam Times
کلیدی لفظ: احسن اقبال نے کہا کہنا تھا کہ کہا کہ کے لیے مئی کو
پڑھیں:
شاہ رخ خان کی 60ویں سالگرہ، بالی ووڈ کنگ نے اپنی کامیابی کا سہرا خواتین کے سر باندھ دیا
بالی وڈ کے بادشاہ شاہ رخ خان، جو آج اپنی 60ویں سالگرہ منا رہے ہیں، نے اپنی کامیابی اور شہرت کا کریڈٹ خود کو نہیں بلکہ اپنی زندگی کی خواتین اور اپنی فلموں کی ہیروئنز کو دیا ہے۔
شاہ رخ خان، جنہوں نے کئی بلاک بسٹر فلموں کے ذریعے فلمی دنیا میں اپنی منفرد پہچان بنائی، کا کہنا ہے کہ ان کی کامیابی میں ان کے ساتھ کام کرنے والی اداکاراؤں کا سب سے بڑا کردار ہے۔
یہ بھی پڑھیے: میں حیران رہ گئی کہ وہ میرا نام کیسے جانتے تھے، دیویا دتہ کی شاہ رخ خان سے پہلی ملاقات کا دلچسپ قصہ
ایک گفتگو میں دی گارڈین سے بات کرتے ہوئے شاہ رخ خان نے کہا کہ میں نے اپنے والد اور والدہ کو بہت جلد کھو دیا، لیکن میری زندگی کی خواتین خاص طور پر اداکاراؤں نے میرا بہت ساتھ دیا۔ جو کچھ میں آج ہوں، وہ انہی کی بدولت ہوں۔ وہ محنت کرتی ہیں، اور آخر میں کریڈٹ مجھے ملتا ہے کیونکہ میں شاہ رخ خان ہوں۔
انہوں نے خواہش ظاہر کی کہ خواتین بھی وہی مقام حاصل کریں جو انہیں ملا، کیونکہ یہ ان کا حق ہے۔
شاہ رخ خان نے مثال دیتے ہوئے کہا، مدھوری دکشٹ نے میرے ساتھ رقص کے مناظر میں میرا ہاتھ تھاما، مگر دراصل وہی مجھے لیڈ کر رہی تھیں۔ جوہی چاولہ نے مجھے کامیڈی ٹائمنگ سکھائی، کاجول نے مجھے رونا سکھایا۔ وہ سب بے پناہ محنت کرتی ہیں، مگر فلم کے آخر میں نام میرا لیا جاتا ہے۔ میں جانتا ہوں کہ یہ حقیقت ہے اور میں اسے کبھی نہیں بھول سکتا کہ میں آج جہاں ہوں، وہ عورتوں کی وجہ سے ہوں۔
یہ بھی پڑھیے: مکیش امبانی یا شاہ رخ خان، امیر ترین بھارتی کون؟ نئی فہرست جاری
اداکار نے مزید کہا کہ وہ اپنے انداز اور رویے کے ذریعے ان اداکاراؤں کا شکریہ ادا کرتے ہیں۔ ان کے بقول ‘میری ساری شرافت، اچھا برتاؤ اور تمیز صرف اس بات کا اظہار ہے کہ میں ان خواتین کا شکریہ ادا کرنا چاہتا ہوں۔ وہ ہر فلم میں شاندار کام کرتی ہیں، اور میں ان کا ہمیشہ احسان مند رہوں گا۔’
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اداکار بالی ووڈ شاہ رخ خان
رواں سال کا طاقتور ترین طوفان کیریبین جزائر پر اثر انداز ہونا شروع، اب تک 3 افراد ہلاک