ماہرہ خان نے ’لَوگُرو’ کی بی ٹی ایس ویڈیو مداحوں کے ساتھ شیئر کردی
اشاعت کی تاریخ: 30th, May 2025 GMT
پاکستان شوبز کی سپر اسٹار ماہرہ خان نے اپنی فلم ’لَوگُرو’ کی بی ٹی ایس جھلکیاں مداحوں کے ساتھ شیئر کردیں۔
بڑی عید پر پاکستان بھر کے سنیما گھروں میں ریلیز ہونے والی فلم لو گرو کے سوشل میڈیا پر خوب چرچے ہورہے ہیں۔ ایسے میں فلم کی مرکزی اداکارہ ماہرہ خان نے بھی مداحوں کے ساتھ فلم کی شوٹنگ کے دوران کی جھلکیاں شیئر کی ہیں۔
انسٹاگرام پر شیئر کی گئی ویڈیو میں ماہرہ کو لندن کے مختلف مقامات پر شوٹنگ کرواتے ہوئے دیکھا جاسکتا ہے جس میں وہ انتہائی سنجیدگی سے اداکاری کر رہی ہیں جبکہ کچھ شرارتی لمحات بھی شامل ہیں۔
https://www.instagram.com/reel/DKOoeS0Mrev/
اس ویڈیو کو مداحوں اور فلمی شائقین کی جانب سے بےحد پسند کیا جارہا ہے۔ یاد رہے کہ فلم عید الاضحیٰ پر مقامی اور دنیا بھر کے سنیما گھروں میں نمائش کیلئے پیش کی جائے گی جس کا مداحوں کو بےصبری سے انتظار ہے۔
فلم کا پروموشنل گانا ’آتینوں موج کراواں’ اور ٹائٹل سانگ ‘دل توڑن والیا‘ بھی سوشل میڈیا پر خوب وائرل ہورہا ہے۔
ذریعہ: Express News
پڑھیں:
قربانی کی تصاویر شیئر کرنے میں احتیاط کریں، علیزے شاہ کا عیدالاضحیٰ کے حوالے سے جذباتی پیغام
پاکستان کی بولڈ اداکارہ و ماڈل علیزے شاہ نے عیدالاضحیٰ کے موقع پر سوشل میڈیا پرقربانی کے جانوروں کے حوالے سے ایک جذباتی پیغام شیئر کیا ہے اور سوشل میڈیا پر قربانی کی تصاویر شیئر کرنے میں احتیاط کی درخواست کی ہے۔
فوٹو اینڈ ویڈیو شیئرنگ ایپ انسٹاگرام پر ایک اسٹوری شیئر کرتے ہوئے علیزے شاہ نے لکھا کہ قربانی ایک سنت ہے اور ایک خوبصورت روایت ہے جو حضرت ابراہیمؑ کی اللہ کی رضا کے لیے مکمل اطاعت کی یاد دلاتی ہے لیکن اسلامی نقطہ نظر سے یہ بات بھی درست ہے کہ قربانی ہر ایک پر فرض نہیں ہے۔
اداکارہ نے کہا کہ بہت سے لوگوں کے لیے زندگی میں ایک بار ہی قربانی کرنا کافی ہوتا ہے وہ بھی صرف اس وقت جب وہ مالی استطاعت رکھتے ہوں لیکن کبھی کبھی یوں محسوس ہوتا ہے جیسے یہ مقدس عمل کچھ اور ہی بن گیا ہے۔
علیزے شاہ نے کہا کہ ہر سال میں سڑکوں پر بہت سا خون اور جانوروں کی آنکھوں میں خوف اور درد دیکھتی ہوں اور میرا دل ٹوٹ جاتا ہے، وہ بول نہیں سکتے لیکن محسوس کرتے ہیں بالکل ہماری طرح اور رشتے بھی بناتے ہیں۔ اور اسی مہربان خدا کی مخلوق ہیں جس نے ہمیں پیدا کیا۔
اداکارہ کا کہنا تھا کہ جب جانوروں کی تصاویر، لطیفے اور میمز سوشل میڈیا پر شیئر کیے جاتے ہیں تو یہ میرے لیے ذاتی طور پر بہت تکلیف دہ ہوتا ہے۔ ان کا کہنا تھا کہ مجھے معلوم ہے کہ نیتیں اہم ہوتی ہیں، اور بہت سے لوگ اخلاص اور ادب کے ساتھ قربانی کرتے ہیں۔ میری یہ پوسٹ اس کے خلاف نہیں ہے۔ یہ بس ایک درخواست ہے کہ اس پر توجہ دینے کے بجائے کہ کتنے جانور قربان کیے اور وہ کتنے بڑے تھے کی جگہ ہمدردی اور عاجزی کے جذبے کو فروغ دے سکتے ہیں
یہ بھی پڑھیں: جے ایف 17 تھنڈر پاکستان کی سڑکوں پر، قیمت صرف 50 لاکھ
میری بس یہی گزارش ہے کہ اگر ممکن ہو تو براہ کرم آن لائن شیئر کی جانے والی تصاویر اور ویڈیوز کے بارے میں حساسیت اختیار کریں۔ ہم میں سے کچھ لوگ ان سے گہرائی میں متاثر ہوتے ہیں۔ ان کا کہنا تھا کہ آن لائن تصاویر اور ویڈیوز شیئر کرنے کے حوالے سے احتیاط برتیں کیوں کہ ہم میں سے کچھ افراد اس سے بہت متاثر ہوتے ہیں۔ اسلام ہمیں رحم، شفقت اور عزت کا درس دیتا ہے۔ انسانوں کے لیے بھی اور جانوروں کے لیے بھی۔ یہی ہمارے پیارے نبی (ﷺ) کی سنت ہے۔
ساتھ ہی اداکارہ نے واضح کیا کہ یہ میرا ذاتی نقطہ نظر ہے، آپ اس سے اختلاف کرسکتے ہیں لیکن مجھے یہ بات کہنی تھی جو میرے دل پر بوجھ بنی ہوئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جانوروں کی قربانی علیزے شاہ عید قربان عیدالاضحیٰ
بھارت میں فلم کے پوسٹرز سے ہٹانے پر ماہرہ خان کا ردعمل سامنے آگیا