دنیا کی نصف آبادی کو ایک ماہ کی اضافی گرمی کا سامنا، رپورٹ
اشاعت کی تاریخ: 30th, May 2025 GMT
اسلام آباد (اُردو پوائنٹ ۔ DW اردو۔ 30 مئی 2025ء) جمعہ 30 مئی کو سامنے آنے والی ایک رپورٹ سے یہ پتا چلا ہے کہ یکم مئی 2024 ء سے یکم مئی 2025 ء تک کے ایک سال کے عرصے کے دوران انسانی سرگرمیوں کے سبب آنے والی موسمیاتی تبدیلیوں کی وجہ سے دنیا کی کل آبادی کے نصف حصے یعنی تقریباﹰ چار بلین انسانوں کو ایک اضافی ماہ شدید گرمی کا سامنا کرنا پڑا۔
اس رپورٹ کی ایک شریک مصنفہ اور امپیریل کالج لندن سے منسلک ماحولیاتی امور کی ماہر جرمن سائنسدان فریڈیریکے اوٹو اور دیگر مصنفین کا کہنا ہے کہ یہ نتائج اس بات کی نشاندہی کرتے ہیں کہ معدنی ایندھن کے مسلسل جلنے کے عمل سے ہر براعظم میں انسانی صحت اور بہبود کو نقصان پہنچ رہا ہے تاہم ترقی پذیر ممالک میں اس حقیقت کو بہت کم تسلیم کیا جا رہا ہے۔
(جاری ہے)
فریڈیریکے اوٹو کے بقول، ''معدنی تیل کے ہر بیرل کے جلنے، کاربن ڈائی آکسائیڈ کے ہر ٹن کا اخراج اور گرم درجہ حرارت کی ایک ڈگری حدت تک کا ہر چھوٹا حصہ بھی زیادہ سے زیادہ لوگوں کو متاثر کرے گا۔‘‘
ماحولیاتی تبدیلیوں کے اثرات سے متعلق یہ تجزیہ ''ورلڈ ویدر ایٹریبیوشن، کلائمیٹ سینٹرل اور ریڈ کراس ریڈ کریسنٹ کلائمیٹ سینٹر‘‘ کے سائنسدانوں نے کیا۔
یہ رپورٹ دو جون کو عالمی ہیٹ ایکشن ڈے سے پہلے جاری کی گئی ہے۔ یہ رپورٹ رواں سال دنیا کی نصف آبادی کو جس شدت کے ہیٹ اسٹروک اور غیر معمولی گرم موسم کا سامنا ہے، اس کے باعث پیدا شدہ خطرات کو نمایاں کر رہی ہے۔سائنسدانوں نے یہ اندازہ کیسے لگایا؟
موسمیاتی تبدیلیوں کے ماہرین نے گلوبل وارمنگ کے اثرات کا اندازہ لگانے کے لیے یکم مئی 2024 ء سے یکم مئی 2025 ء تک کے عرصے کا تجزیسمندری درجہ حرارت میں اضافے کی رفتار 2005ء کے بعد سے دگنیہ کیا۔
انہوں نے ''انتہائی گرمی کے دنوں‘‘ کا اندازہ لگانے کے لیے 1991ء اور 2020ء کے درمیان 90 فیصد سے زیادہ گرم درجہ حرارت کو کسی مخصوص مقام پر ریکارڈ کیا۔ اس کے لیے انہوں نے ایک مخصوص نظر ثانی شدہ ''ماڈلنگ اپروچ‘‘ کا استعمال کیا۔سائنسدانوں نے انسانی وجوہات کے وجہ سے پیدا ہونے والی گرمی کے بغیر کی ایک تصوراتی دنیا کے ایسے دنوں کی تعداد کا موازنہ انسانی سرگرمیوں سے پیدا ہونے والی گلوبل وارمنگ کے دنوں سے کیا۔
ان تجربات کے نتائج بالکل واضح تھے۔ یعنی تقریباً چار بلین انسان، جو عالمی آبادی کا 49 فیصد بنتے ہیں، نے دیگر حالات کے مقابلے میں اس مخصوص عرصے کے دوران کم از کم 30 دن زیادہ شدید گرمی کا سامنا کیا۔گرمی کی شدت کے واقعات
موسمیاتی ماہرین کی ٹیم نے مذکورہ ایک سال کے دوران شدید گرمی کے 67 واقعات کی نشاندہی کی اور انہیں ان سب واقعات میں انسانی کی پیدا کردہ موسمیاتی تبدیلیوں کے نشانات ملے۔
اس تازہ ترین رپورٹ سے یہ بھی پتا چلا کہ شدید گرمی اور موسمیاتی تبدیلیوں سے سب سے متاثرہ خطہ کریبیین جزیرہ اروبا تھا۔ وہاں شدید گرمی کے 187 دن ریکارڈ کیے گئے، جو موسمیاتی تبدیلی کے بغیر دنیا میں شدید گرم دنوں کی تعداد سے 45 دن زیادہ بنتے ہیں۔
اس رپورٹ سے یہ انکشاف بھی ہوا کہ 2024 ء اس سے ایک سال پہلے یعنی 2023 ء کے مقابلے میں عالمی درجہ حرارت کے اعتبار سے ریکارڈ حد تک گرم سال تھا۔ اس کے علاوہ رواں برس جنوری آج تک ریکارڈ کیا گیا جنوری کا گرم ترین مہینہ تھا۔
ادارت: مقبول ملک
.ذریعہ: UrduPoint
کلیدی لفظ: تلاش کیجئے موسمیاتی تبدیلیوں کا سامنا یکم مئی گرمی کے
پڑھیں:
بنگلہ دیش کی سابق وزیراعظم شیخ حسینہ واجد کو ایک مشکل کا سامنا
ڈھاکا:بنگلہ دیش کی سابق وزیراعظم شیخ حسینہ واجد کو ایک اور مشکل کا سامنا ہے جہاں کریمنل انوسٹی گیشن ڈپارٹمنٹ (سی آئی ڈی) نے انہیں بغاوت کیس میں مفرور قرار دیتے ہوئے اخباروں میں نوٹس جاری کردیا ہے۔
بنگلہ دیش کے میڈیا کے مطابق سی آئی ڈی نے بغاوت کیس میں سابق وزیراعظم شیخ حسینہ واجد اور 260 دیگر کو مفرور قرار دیا گیا ہے اور تمام افراد کے خلاف نوٹس جاری کردیا گیا ہے۔
اسپیشل سپرنٹنڈنٹ سی آئی ڈی جسیم الدین خان کے دستخط سے جاری نوٹس میں کہا گیا کہ ڈھاکا میٹروپولیٹن مجسٹریٹ کورٹ نے یہ حکم جاری کردیا ہے۔
ڈھاکا میٹروپولیٹن مجسٹریٹ کورٹ 17 کے جج عارف الاسلام نے شیخ حسینہ اور دیگر 260 افراد کو مفرور قرار دیا ہے اور نوٹس باقاعدہ طور پر نوٹس شائع کرنے کا حکم دیا تھا۔
رپورٹ کے مطابق شیخ حسینہ واجد اور دیگر کے خلاف نوٹس انگریزی اور بنگالی زبان کے اخباروں میں شائع کیا گیا ہے۔
نوٹس کی منظوری بنگلہ دیش کی وزارت داخلہ نے کریمنل پروسیجر کوڈ کے سیکشن 196 کے تحت دے دی ہے اور سی آئی ڈی نے بغاوت کیس میں تفتیش شروع کردی ہے۔
بنگلہ دیشی میڈیا نے بتایا کہ سی آئی ڈی نے تفتیش کے دوران آن لائن پلیٹ فارم جوئے بنگلہ بریگیڈ کے ذریعے ملک کے اندر اور بیرون ملک بغاوت سے متعلق سرگرمیوں کے ثبوت جمع کیے ہیں، جس کا مقصد حکومت کا خاتمہ تھا۔
سی آئی ڈی نے ڈیجیٹل پلیٹ فارمز، سرورس او سوشل میڈیا سے جمع کیے گئے مواد کی فرانزک تجزیے کے بعد تفتیش مکمل کرکے شیخ حسینہ واجد سمیت 286 افراد کے خلاف چارج شیٹ جمع کرادی ہے۔
یاد رہے کہ شیخ حسینہ واجد 2024 میں طلبہ کی جانب سے ملک گیر احتجاج کے بعد ملک سے فرار ہو کربھارت پہنچ گئی تھیں جہاں وہ اس وقت مقیم ہیں جبکہ بنگلہ دیش میں ان کے خلاف بغاوت سمیت مختلف مقدمات درج کیے گئے ہیں۔
استنبول مذاکرات کا تیسرا دور، افغان طالبان کا تحریری معاہدے سے گریز