گلگت بلتستان میں اساتذہ کی تعلیمی اور پیشہ ورانہ اسناد کی تصدیق کا حکم
اشاعت کی تاریخ: 30th, May 2025 GMT
مراسلے میں تمام ریکارڈز کو اسکین کر کے محفوظ بنانے اور واضح طور پر درست، مشتبہ اور غیر تصدیق شدہ اسناد کی درجہ بندی کرنے کے بھی احکامات دیئے گئے ہیں۔ اسلام ٹائمز۔ محکمہ تعلیم گلگت بلتستان نے صوبے بھر میں تعلیمی اداروں میں تعینات تمام اساتذہ کی تعلیمی و پیشہ ورانہ اسناد کی تصدیق کا جامع عمل شروع کرنے کا حکم جاری کر دیا ہے۔ اس سلسلے میں ڈائریکٹر جنرل اسکول ایجوکیشن کو باضابطہ طور پر ایک سرکاری مراسلہ ارسال کیا گیا ہے۔ مراسلے میں کہا گیا ہے کہ اساتذہ کی اسناد کی درستگی، قابلیت اور مؤثریت کو یقینی بنانا گلگت بلتستان کے تعلیمی نظام کے معیار کو برقرار رکھنے کے لیے نہایت ضروری ہے۔ تمام اضلاع میں اسکول ایجوکیشن ڈیپارٹمنٹ کے تحت کام کرنے والے اساتذہ کی اسناد کی جامع جانچ پڑتال کی جائے گی۔ مراسلے کے مطابق اساتذہ کی میٹرک، انٹرمیڈیٹ، بیچلرز اور ماسٹرز ڈگریوں کی متعلقہ بورڈز اور جامعات سے جانچ کرائی جائے گی۔ پیشہ ورانہ قابلیت کی تصدیق کے عمل کے دوران بی ایڈ، ایم ایڈ، اے ڈی ای یا اس کے مساوی اسناد اور دیگر پیشہ ورانہ اسناد کی جانچ کی جائے گی۔ مراسلے میں پیش کردہ اسناد کو ہر استاد کے سروس ریکارڈ سے ملا کر جانچنے اور کسی قسم کی تضاد کی نشاندہی کرنے کا بھی حکم دیدیا گیا ہے۔
مراسلے میں تمام ریکارڈز کو اسکین کر کے محفوظ بنانے اور واضح طور پر درست، مشتبہ اور غیر تصدیق شدہ اسناد کی درجہ بندی کرنے کے بھی احکامات دیئے گئے ہیں۔ محکمہ تعلیم کے مراسلے میں ہر کیس میں واضح سفارشات پیش کرنے، خاص طور پر جہاں تضادات پائے جائیں، اور جعل سازی یا غلط بیانی کی صورت میں محکمانہ کارروائی کی تجویز دینے کی ہدایت کی گئی ہے۔ مراسلے میں ہدایت دی گئی ہے کہ ضلعی یا ڈویژن کی سطح پر تجربہ کار افسران کی نگرانی میں تصدیقی کمیٹیاں تشکیل دی جائیں تاکہ شفافیت اور دیانتداری کو یقینی بنایا جا سکے۔ مزید برآں، اس کارروائی کی ایک مکمل رپورٹ، دستخط شدہ اور مجاز افسر کی منظوری کے ساتھ، ایک ماہ کے اندر سیکریٹریٹ کو ارسال کرنا لازم قرار دیا گیا ہے۔ ڈپٹی سیکریٹری اسکول ایجوکیشن ڈیپارٹمنٹ، گلگت بلتستان، کُمیل عباس کی جانب سے جاری کردہ اس ہدایت نامے پر عمل درآمد کو ترجیحی بنیادوں پر مکمل کرنے کی سختی سے ہدایت کی گئی ہے۔
ذریعہ
ذریعہ: Islam Times
کلیدی لفظ: گلگت بلتستان مراسلے میں پیشہ ورانہ اساتذہ کی اسناد کی گیا ہے
پڑھیں:
گلگت بلتستان سی پیک کا مرکز ہے: نواز شریف
مسلم لیگ ن کے صدر نواز شریف —فائل فوٹومسلم لیگ ن کے صدر نواز شریف کا کہنا ہے کہ گلگت بلتستان سی پیک کا مرکز ہے، کسی پارٹی نے یہاں کسی منصوبے کی اینٹ بھی نہیں لگائی، جس جی بی کو میں سینے سے لگا کر رکھتا تھا۔
گلگت میں کارکنوں سے خطاب کرتے ہوئے انہوں نے کہا ہے کہ ایئر پورٹ کے باہر اس کی سڑکوں کا حلیہ دیکھا تو افسوس ہوا، جو منصوبے ہم نے شروع کیے تھے وہ مکمل کیوں نہیں ہوئے؟ آخر وہ پیسہ کہاں لگایا گیا؟
نواز شریف کا کہنا ہے کہ جو سڑک میں نے شروع کی اسے خنجراب تک پہنچنا چاہیے تھا، ووٹ ملتا ہے یا نہیں، اللّٰہ جانتا ہے، ہم آپ کو ان چیزوں سے محروم نہیں کر سکتے۔
اجلاس میں وزیر اعظم شہباز شریف، وزیراعلیٰ پنجاب مریم نواز اور حمزہ شہباز سمیت پارٹی کے پارلیمانی رہنماؤں نے شرکت کی۔
انہوں نے کہا کہ آپ ووٹ دیں گے یا نہیں دیں گے، میں تب بھی آپ کے لیے بات کروں گا، شہباز شریف اور مریم نواز دونوں کو کہوں گا کہ یہاں آئیں، ایئر پورٹ کو بڑا کر کے یہاں بوئنگ طیارے آنے چاہیے تھے۔
ان کا کہنا ہے کہ شہباز شریف سے کہوں گا کہ ایئر پورٹ کو بڑا کریں گے، میں ہر دوسرے تیسرے مہینے یہاں آتا جاتا رہوں گا اور منصوبوں کی نگرانی کروں گا۔
اس سے قبل نواز شریف بذریعہ طیارہ گلگت پہنچے تھے، وفاقی وزیر امیر مقام، سابق وزیرِ اعلیٰ حافظ حفیظ الرحمٰن نے ایئر پورٹ پر ان کا استقبال کیا۔
وفاقی وزراء خواجہ آصف، احسن اقبال، رانا ثناء اللّٰہ، سینیٹر پرویز رشید، پنجاب کی وزیر مریم اورنگزیب، سینیٹر انوشہ رحمٰن، کاظم پیرزادہ نواز شریف کے ہمراہ گلگت پہنچے ہیں۔
ترجمان مسلم لیگ ن شمس میر کے مطابق نواز شریف گلگت بلتستان میں ن لیگ کے امیدواروں، صوبائی، ڈویژنل اور ضلعی عہدیداران سے ملاقاتیں اور خطاب کریں گے۔
واضح رہے کہ گلگت بلتستان اسمبلی کی 24 نشستوں پر الیکشن 7 جون کو ہو گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ