9 مئی احتجاج ، تھانے پر حملے اور جلاؤ گھیراؤ کیس کا تفصیلی فیصلہ جاری کر دیا گیا
اشاعت کی تاریخ: 31st, May 2025 GMT
انسداد دہشت گردی عدالت اسلام آباد نے 9 مئی احتجاج ، تھانے پر حملے اور جلاؤ گھیراؤ کیس کا تفصیلی فیصلہ جاری کر دیا ہے۔عدالت نے پی ٹی آئی ایم این اے اور ورکرز کے پرتشدد احتجاج کو دہشت گردی قرار دے دیا، تفصیلی فیصلے میں کہا گیا کہ 11ملزمان کو مختلف دفعات میں مجموعی طور پر 27 سال 3 ماہ قید کی سزا سنائی گئی۔اے ٹی سی کے جج طاہر عباس سپرا نے فیصلہ سناتے ہوئے 11 ملزمان کو سزا سنائی، جن میں ایم این اے عبدالطیف اور سابق ایم پی اے وزیرزادہ کیلاشی بھی شامل ہیں۔عدالتی فیصلے کے مطابق، مختلف دفعات کے تحت ملزمان کو مجموعی طور پر 27 سال تین ماہ قید کی سزا سنائی گئی، تاہم تمام سزائیں اکٹھی چلنے کی بنیاد پر مجموعی طور پر ملزمان کو 10 سال قید ہوگی۔ دہشت گردی ایکٹ کے تحت بھی 10 سال قید کی سزا سنائی گئی۔انسداد دہشت گردی عدالت کے مطابق ملزمان بانی پی ٹی آئی کی گرفتاری پر احتجاج کر رہے تھے، ملزمان نے تھانے پر حملہ، پولیس پر فائرنگ کی اور موٹر سائیکلیں جلائیں، ملزمان حکومت کو عدم استحکام کا شکار کر کے اپنا مقصد حاصل کرنا چاہتے تھے۔عدالت نے کہا کہ احتجاج حق ہے لیکن قانون سیاسی سرگرمی کی آڑ میں حملے کی اجازت نہیں دیتا، پولیس پر حملہ کرکے پرتشدد کارروائی کرنا دہشت پھیلانا ظاہر کرتا ہے، سپریم کورٹ فیصلے کی روشنی میں پولیس اسٹیشن پر حملہ دہشت گردی ہے۔انسداد دہشت گردی عدالت نے کہا کہ پراسیکیو شن اپنا کیس ثابت کرنے میں کامیاب رہی، عدالت نے کہا کہ ملزمان نے اکٹھے جرم کیا اس لیے تمام ذمہ دار ہیں۔
.ذریعہ: Nawaiwaqt
پڑھیں:
9 مئی کیس: پی ٹی آئی ایم این اے سمیت 11 ملزمان کو 10، 10 سال قید کی سزا
ویب ڈیسک: نو مئی تھانہ رمنا کیس میں تمام مجرمان کو سزائیں سنا دی گئیں،انسداد دہشت گردی عدالت کے جج طاہر عباس سپرا نے کیس کا فیصلہ سنا دیا۔
تفصیلات کے مطابق 9مئی تھانہ رمنا کیس میں تمام مجرمان کو سزائیں سنا دی گئیں،انسداد دہشت گردی عدالت کے جج طاہر عباس سپرا نے کیس کا فیصلہ سنایا۔
پولیس پر قاتلانہ حملہ کرنے کے جرم میں تمام ملزمان کو 5 سال قید،مجرمان کو انسداددہشت گردی کی دفعات کے تحت 10 سال سزا اور 50 ہزار جرمانہ عائد کیاگیا۔
غزہ میں امداد کی چھینا جھپٹی میں چار افراد جاں بحق ہوئے، افسوسناک صورتحال پر اپ ڈیٹ
موٹرسائیکل جلانے کے جرم میں 4 سال قید کی سزاسنائی گئی جبکہ پولیس کو کام سے روکنے پر 3 سال،دفعہ 144 کے جرم میں 1 ماہ کی جبکہ جتھہ بنا کر جرم کرنے پر 1 سال قید کی سزاسنائی گئی ۔
عدالت نے پی ٹی آئی ایم این اے عبدالطیف کو بھی 10 سال قید کی سزا سنا دی۔
گھوٹکی: ڈاکوؤں کے ہاتھوں شہری اغواء، سکھر میں مغوی نے پہچان کر ڈاکو پکڑوا دیا