بلاول بھٹو عالمی سفارتی دورے پر نیویارک پہنچ گئے، کونسی اہم ملاقاتیں متوقع ہیں؟
اشاعت کی تاریخ: 1st, June 2025 GMT
بلاول بھٹو عالمی سفارتی دورے پر نیویارک پہنچ گئے ہیں۔
بلاول بھٹو اور شیری رحمان آج نیویارک پہنچے جبکہ کچھ گھنٹوں میں پاکستان کے سفارتی وفد میں شامل دوسرے اراکین بھی نیویارک پہنچیں گے۔
یہ وفد امریکی حکام اور اراکین کانگریس سے ملاقاتیں کرے گا۔ اس کے علاوہ یہ وفد نیویارک میں اقوام متحدہ کے جنرل سیکریٹری، سلامتی کونسل کے مستقل اور غیر مستقل اراکین اور نیویارک میں او آئی سی گروپ سے ملاقات کرے گا۔ک
یہ بھی پڑھیے: بھارت کیخلاف سفارتی جنگ کا آغاز، بلاول بھٹو کی قیادت میں بین الاقوامی سفارتی وفد کی تشکیل
یہ وفد اقوام متحدہ کے صحافیوں کی تنظیم سے ملاقات کرکے بریفینگ دے۔ پاکستان کا سفارتی وفد 3 جون کو واشنگٹن جائے گا جہاں 6 جون تک قیام کرے گا اور اس دوران مزید اہم ملاقاتیں کرے گا۔
امریکا کا اہم دورہ کرنے والے اس وفد کی سربراہی پاکستان پیپلز پارٹی کے چیئرمین بلاول بھٹو کررہے ہیں جس کا مقصد پاک-بھارت کشیدگی کے تناطر میں پاکستان کے مقوف سے دنیا کو آگاہ کرنا ہے۔
وفد میں سابق وزیر مملکت برائے خارجہ امور حنا ربانی کھر اور امریکا میں پاکستان کی سابق سفیر شیری رحمان وفد میں شامل ہیں۔
یہ بھی پڑھیے: پاک بھارت کشیدگی: عالمی دورے پر جانے والے وفد کو دفتر خارجہ میں بریفنگ
پاکستان مسلم لیگ نواز سے انجینیئر خرم دستگیر اور مصدق ملک جبکہ ایم کیو ایم سے فیصل سبزواری کے نام شامل کیے گئے ہیں۔ اس کے ساتھ ساتھ سابق سیکریٹری خارجہ اور سابق نگراں وزیرخارجہ جلیل عباس جیلانی سمیت سابق سیکریٹری خارجہ تہمینہ جنجوعہ شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا بلاول بھٹو پاک بھارت کشیدگی سفارتی وفد.ذریعہ: WE News
کلیدی لفظ: امریکا بلاول بھٹو پاک بھارت کشیدگی سفارتی وفد سفارتی وفد بلاول بھٹو کرے گا
پڑھیں:
بلاول کی سربراہی میں پاکستانی وفد نیویارک پہنچ گیا، صدر اقوام متحدہ، سلامتی کونسل کو بریفنگ دے گا
چیئرمین پاکستان پیپلز پارٹی اور سابق وزیر خارجہ بلاول بھٹو کی سربراہی میں پاکستان کا وفد جنگی جنون میں مبتلا بھارت کے ناپاک عزائم بے نقاب کرنے کے لیے نیویارک پہنچ گیا ہے۔
نجی ٹی وی کے مطابق وفد 2 جون تک نیویارک میں قیام کرے گا اور مختلف اہم شخصیات سے ملاقات کرے گا۔
بلاول بھٹو کی قیادت میں وفد سیکریٹری جنرل اقوام متحدہ، صدر جنرل اسمبلی اور سلامتی کونسل کے اراکین کو خطے کی صورتحال سے آگاہ کرے گا۔
پاکستان کا وفد غیر وابستہ ممالک کی تنظیم کے اراکین سے بھی ملاقات کرے گا، وفد نیویارک میں او آئی سی گروپ کو بھی بریفنگ دےگا۔
پاکستانی وفد 3 جون کو واشنگٹن پہنچے گا، اور وہاں 6 جون تک قیام کرے گا، واشنگٹن میں امریکی حکام اور تھنک ٹینک سے ملاقاتیں ہوں گی۔
واضح رہے کہ پاک-بھارت حالیہ کشیدگی کے بعد بھارت نے جارحیت کرنے کے باوجود اپنا پروپیگنڈا پھیلانے کی غرض سے ششی تھرور کی سربراہی میں ایک وفد امریکا بھیجا تھا، جس نے دیگر ممالک کے دورے بھی کرنے ہیں۔
وزیراعظم شہباز شریف نے بھارتی پروپیگنڈے کا جواب دینے کے لیے سابق وزیر خارجہ بلاول بھٹو کی سربراہی میں اعلیٰ سطح کا وفد تشکیل دیا تھا، جو عالمی برادری اور دوست ممالک کو حالیہ کشیدگی کی وجوہات، پاکستان کے مؤقف سے آگاہ کرکے عالمی حمایت سمیٹے گا۔
Post Views: 8
پبلک سروس کمیشن :مختلف محکموں کی آسامیوں کے امتحانات کے شیڈول کا اعلان