پی ٹی آئی کی صوبائی حکومت نے کرپشن کا بازار گرم کر رکھا ہے، پروفیسر ابراہیم
اشاعت کی تاریخ: 1st, June 2025 GMT
صوبائی امیر جماعت اسلامی نے کہا ہے کہ صوبے کے عوام کو بانی پی ٹی آئی کی رہائی نامی ٹرک کی بتی کے پیچھے لگا رکھا ہے، وفاقی حکومت بھی کرپشن میں پیچھے نہیں، پاکستان میں آوے کا آوا ہی بگڑا ہوا ہے۔ اسلام ٹائمز۔ امیر جماعت اسلامی خیبر پختونخوا جنوبی پروفیسر محمد ابراہیم خان نے کہا ہے کہ صوبائی حکومت نے کرپشن کا بازار گرم کر رکھا ہے، خیبر پختونخوا کے عوام نے تین بار ایک ہی جماعت کو حکومت سونپی لیکن انہوں نے کرپشن میں اضافے کے سوا کوئی کارکردگی نہیں دکھائی۔ صوبے کے عوام کو بانی پی ٹی آئی کی رہائی نامی ٹرک کی بتی کے پیچھے لگا رکھا ہے، وفاقی حکومت بھی کرپشن میں پیچھے نہیں، پاکستان میں آوے کا آوا ہی بگڑا ہوا ہے۔ صوبے میں کرپشن کے خلاف پیپلز پارٹی کے احتجاج پر حیرانی ہوئی۔ مائنز اینڈ منرلز بل 2017ء میں ترامیم کی بجائے نئے سرے سے مائنز اینڈ منرلز ایکٹ نافذ کرنے کی کوشش کی گئی۔ مائنز اینڈ منرلز ایکٹ کی کسی صورت حمایت نہیں کریں گے۔ صوبے کے وسائل پر صوبے کے عوام کا حق ہے۔ اسے امریکہ یا کسی اور ملک کے حوالے کرنے کی اجازت نہیں دیں گے۔ ان خیالات کا اظہار انہوں نے دارالعلوم الاسلامیہ بیرون ہوید گیٹ بنوں میں منعقدہ صوبائی ذمہ داران کے اجلاس سے خطاب کرتے ہوئے کیا۔
اجلاس میں جماعت اسلامی خیبر پختونخوا جنوبی کے سیکرٹری جنرل محمد ظہور خٹک، نائب امراء مولانا محمد تسلیم اقبال، عزیز اللہ خان مروت، حاجی اختر علی شاہ، ڈپٹی سیکرٹری جنرل حاجی اکبر علی خان و دیگر ذمہ داران شریک تھے۔ اس موقع پر کارکردگی کا جائزہ لیا گیا اور جون کے لیے منصوبہ بندی کی گئی۔ پروفیسر محمد ابراہیم خان نے اپنے خطاب میں مزید کہا کہ اس وقت پورا ملک بالخصوص خیبر پختونخوا جنوبی بدترین بدامنی کی لپیٹ میں ہے، ڈرون حملے، اغواء برائے تاوان اور ٹارگٹ کلنگ معمول بن چکی ہے۔ کسی کی جان و مال محفوظ نہیں۔ صوبائی اور وفاقی حکومتوں میں اختیارات کی کھنیچا تانی ہے اور اس وجہ سے صوبہ بدترین حالات سے گزر رہا ہے۔ انہوں نے کہا کہ سیکورٹی فورسز نے سرحدوں کی بجائے اندرونی سیکورٹی کو سنبھال رکھا ہے جس سے مسائل بڑھ گئے ہیں۔ فوج کا کام اندرونی سیکورٹی نہیں، سرحدوں کا دفاع ہے۔ مغربی سرحدوں پر بھی فوج کا کوئی کام نہیں ہے، یہاں کی حفاظت قبائلی خود بہتر طریقے سے کر سکتے ہیں۔ فوج مشرقی سرحد کی حفاظت یقینی بنائے اور کشمیر کی آزادی کے لیے کوشش کرے۔
انہوں نے کہا کہ صوبے کی تمام چھاؤنیاں عوام کی آمد ورفت کے لیے بند ہیں۔ بنوں میں سرکاری دفاتر چھاؤنی کے اندر ہیں جن تک جانے کے لیے عوام کو فوجی چیک پوسٹوں پر ذلت کا سامنا کرنا پڑتا ہے۔ پشاور ائیر پورٹ تک جانے کے لیے جگہ جگہ فوجی چیک پوسٹوں پر عوام کو ذلیل و خوار کیا جاتا ہے۔ یہ سلسلہ بند کیا جائے اور چھاؤنیاں اور راستے عوام کے لیے کھولے جائیں۔ انہوں نے کہا کہ اس وقت ملک کی تمام جماعتیں کسی نہ کسی صورت کرپشن میں ملوث ہیں۔ عوام پاکستان کی ترقی اور خوشحالی کے لیے ان کرپٹ حکمرانوں کی بجائے ایماندار اور دیانتدار قیادت کا انتخاب کریں۔ دیانتدار قیادت ہی ملک کو ترقی اور خوشحالی کی راہ پر گامزن کر سکتی ہے۔
ذریعہ: Islam Times
کلیدی لفظ: خیبر پختونخوا انہوں نے صوبے کے کے عوام عوام کو رکھا ہے کہا کہ نے کہا کے لیے
پڑھیں:
پیپلزپارٹی نے کراچی کو برباد کرنے میں کوئی کسر نہیں چھوڑی‘پی ٹی آئی
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) پاکستان تحریک انصاف کراچی کے سینئر نائب صدر و سابق ایم این اے فہیم خان نے اپنے ایک بیان میں کہا ہے کہ پیپلزپارٹی نے کراچی کو برباد کرنے میں کوئی کسر نہیں چھوڑی۔ صوبائی حکومت و شہری حکومت نے شہر قائد کو لاوارث بنا دیا ہے، سڑکیں تباہ حال ہیں، نکاسی آب کا نظام درہم برہم ہے، جبکہ شہریوں پر چالانوں کی یورپی طرز کی پالیسی نافذ کی گئی ہے جو کسی صورت قبول نہیں کریں گے۔انہوں نے کہا کہ ای چالان سسٹم نافذ کرنے سے پہلے حکومت کو کراچی کو کم از کم بنیادی سہولیات سے آراستہ کرنا چاہئے۔ شہر میں جگہ جگہ گڑھے، ٹوٹے پھوٹے روڈ، ابلتے گٹر اور بے قابو ٹریفک نظام عوام کے لیے عذاب بن چکے ہیں، ایسے حالات میں ای چالان کا نفاذ عوام پر ظلم کے مترادف ہے۔فہیم خان نے بتایا کہ ای چالان کے ذریعے شہریوں پر بھاری جرمانے عائد کئے جارہے ہیں جبکہ محکمہ ایکسائز کی طرف سے گاڑیوں کو مکمل طور پر مالکان کے نام پر کرانے کی کوئی پالیسی بھی واضح نہیں کی ہے جس کی وجہ شہری پریشانی میں مبتلا ہیں۔ فہیم خان نے سوال اٹھایا کہ جب کیمروں کی آنکھ سے گاڑیاں نظر آ جاتی ہیں تو جرائم پیشہ عناصر کیوں نہیں دکھائی دیتے؟ روزانہ ڈکیتیاں، قتل، اسٹریٹ کرائمز کے واقعات بڑھ رہے ہیں مگر حکومت کی ترجیحات عوام کے مسائل نہیں بلکہ چالانوں سے آمدنی حاصل کرنا ہے۔انہوں نے مزید کہا کہ شہریوں کو سب سے پہلے صاف سڑکیں، پینے کا پانی،بغیر لوڈشیڈنگ بجلی، بہتر ٹریفک نظام، روشنی، صفائی اور امن و امان فراہم کیا جائے۔
ایلون مسک نے وکی پیڈیا کے مقابل متبادل پلیٹ فارم ’گروکی پیڈیا‘ متعارف کردیا