گلگت بلتستان: دیامر سے رواں سال کا پہلا پولیو کیس رپورٹ، ملک بھر میں تعداد 11 ہوگئی
اشاعت کی تاریخ: 2nd, June 2025 GMT
گلگت بلتستان کے ضلع دیامر سے رواں سال کا پہلا پولیو کیس رپورٹ ہوا ہے، جس کے بعد 2025 میں پاکستان بھر میں پولیو متاثرہ بچوں کی تعداد 11 تک پہنچ گئی ہے۔ یہ اطلاع نیشنل ایمرجنسی آپریشن سینٹر (ای او سی) نے جاری کردہ بیان میں دی۔
نیشنل ای او سی کے مطابق پولیو ایک لاعلاج مرض ہے، جس سے صرف ویکسین کے ذریعے ہی محفوظ رہا جا سکتا ہے۔ ادارے نے والدین پر زور دیا ہے کہ وہ پولیو مہم کے دوران اپنے بچوں کو بار بار قطرے پلوانے کے مواقع ہرگز ضائع نہ کریں۔
مزید پڑھیں: ’خدا کے لیے بچوں کو پولیو سے بچائیں‘ 2025 کی تیسری انسدادِ پولیو مہم کا افتتاح
ترجمان نیشنل ای او سی نے خبردار کیا ہے کہ بچوں کو بارہا ویکسین دینا ان کی زندگی بھر کی معذوری سے حفاظت کا ضامن ہے۔ اس موقع پر والدین سے اپیل کی گئی ہے کہ اپنے بچوں کے تمام حفاظتی ٹیکہ جات کا کورس بروقت مکمل کروائیں۔
پولیو ویکسینیشن سے متعلق معلومات یا تعاون کے لیے 1166 پر کال کی جا سکتی ہے، یا 0346-7776546 پر واٹس ایپ پیغام بھیجا جا سکتا ہے۔
نیشنل ای او سی نے کہا ہے کہ پولیو کے مکمل خاتمے کے لیے قومی سطح پر سنجیدہ کوششوں کے ساتھ والدین کا بھرپور تعاون بھی ناگزیر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پولیو کیس پولیو ویکسینیشن ترجمان نیشنل ای او سی ضلع دیامر گلگت بلتستان نیشنل ای او سی.
ذریعہ
ذریعہ: WE News
کلیدی لفظ: پولیو کیس پولیو ویکسینیشن ترجمان نیشنل ای او سی ضلع دیامر گلگت بلتستان نیشنل ای او سی نیشنل ای او سی کے لیے
پڑھیں:
ولیکا اسپتال میں ایچ آئی وی کا ایک اور کیس رپورٹ، 18 ماہ کے بچے میں بیماری کی تصدیق
فائل فوٹو۔ولیکا اسپتال کراچی میں ایچ آئی وی کا ایک اور نیا کیس رپورٹ ہوا ہے۔ اسپتال حکام کے مطابق 18 ماہ کے بچے میں ایچ آئی وی کی تصدیق ہوئی ہے۔
اسپتال حکام کے مطابق ایچ آئی وی کے تصدیق شدہ کیسز کی تعداد 95 ہوگئی ہے۔
بچے کے والد کے مطابق 18 ماہ کا عبد الصمد دسمبر 2025 میں ولیکا اسپتال میں زیر علاج تھا، مسلسل طبیعت خراب رہنے پر بچے کا ایچ آئی وی کا ٹیسٹ کروایا۔
والد کا کہنا ہے کہ ٹیسٹ کروانے پر بچے میں ایچ آئی وی کی تصدیق ہوئی۔ میرے 5 بچے ہیں، باقی بچوں کے بھی ٹیسٹ کروائیں گے۔
اسپتال حکام کے مطابق ایچ آئی وی سے اب تک 9 بچے جاں بحق ہوچکے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار