خیابان اتحاد کمرشل میں شہری پر تشدد کا واقعہ، ملزم کا ڈرائیور اور سیکیورٹی گارڈ گرفتار
اشاعت کی تاریخ: 2nd, June 2025 GMT
فوٹو — اسکرین شاٹ
کراچی کے علاقے ڈیفنس کے خیابان اتحاد کمرشل میں کار سوار کے موٹر سائیکل سوار پر تشدد کے واقعے کا مقدمہ درج کرکے تشدد میں ملوث ڈرائیور اور سیکیورٹی گارڈ کو گرفتار کر لیا گیا۔
پولیس کے مطابق عینی شاہد محمد اسلم کی مدعیت میں واقعہ کا مقدمہ گزری تھانہ میں درج کیا گیا ہے۔ پولیس نے بتایا کہ مقدمہ دھمکیوں، دست اندازی اور حبس بےجا میں رکھنے کی دفعات کے تحت درج کیا گیا ہے۔
پولیس کے مطابق مقدمہ میں مرکزی ملزم سلمان فاروقی کو نامزد کیا گیا ہے۔ مقدمہ کے متن میں لکھا ہے کہ ملزم نے اسلحہ کے زور پر موٹرسائیکل سوار شخص کو تشدد کا نشانہ بنایا۔
ڈی آئی جی ساؤتھ اسد رضا نے بتایا کہ ملزم کی گرفتاری کے لیے کارروائی کی جا رہی ہے۔
اُنہوں نے بتایا کہ شہری پر تشدد میں ملوث ڈرائیور اور سیکیورٹی گارڈ کو گرفتار کرلیا گیا ہے، ملزم کی گاڑی کو بھی قبضے میں لے لیاگیا ہے لیکن شہری مرکزی ملزم تاحال مفرور ہے۔
کراچی کے علاقے ڈیفنس کے خیابان اتحاد کمرشل میں کار سوار نے موٹر سائیکل سوار پر تشدد کیا۔
ڈی آئی جی ساؤتھ اسد رضا نے بتایا کہ مرکزی ملزم سرکاری ملازم نہیں ہے۔
اُنہوں نے بتایا کہ ملزم کی گرفتاری کے لیے رات گئے اس کے دفتر اور گھر پر چھاپہ مارا گیا، متاثرہ فیملی سے بھی رابطے کی کوشش کی جا رہی ہے۔
ڈی آئی جی ساؤتھ اسد رضا نے بتایا کہ پولیس اس معاملے کو انتہائی سنجیدگی سے لے رہی ہے، کوئی شخص قانون سے بالاتر نہیں، متاثرہ شہری کو مکمل انصاف ملے گا۔
دوسری جانب، وزیر داخلہ سندھ ضیاء لنجار نے ایس ایس پی ساؤتھ سے واقعے کی تفصیلات فوری طلب کرلی ہیں۔
ضیاء الحسن لنجار نے ہدایت کی ہے کہ قانون ہاتھ میں لینے کی کسی کو اجازت نہیں ہے، واقعے کی مکمل تحقیقات کر کے رپورٹ پیش کی جائے اور تشدد میں ملوث افراد کے خلاف قانونی کارروائی کی جائے، قانون تمام شہریوں کے لیے برابر ہے۔
.
ذریعہ
ذریعہ: Jang News
کلیدی لفظ: خیابان اتحاد کمرشل میں نے بتایا کہ گیا ہے
پڑھیں:
سندھ بلڈنگ، کراچی میں غیر قانونی کمرشلائزیشن کا طوفان
مزمل حسین ہالیپوٹو کی نااہلی کے باعث کراچی کا بنیادی ڈھانچہ شدید دباؤ کا شکار
پی ای سی ایچ ایس بلاک 2میں رہائشی پلاٹ پر کمرشل یونٹس تعمیر، آصف شیخ ملوث
شہر قائد میں رہائشی علاقوں میں غیر قانونی کمرشلائزیشن کا سلسلہ تیزی سے جاری ہے ، جس کے باعث شہر کا بنیادی ڈھانچہ شدید متاثر ہو رہا ہے ۔ شہری حلقوں کا کہنا ہے کہ سندھ بلڈنگ کنٹرول اتھارٹی کے ڈائریکٹر جنرل مزمل حسین ہالیپوٹو کی ناقص نگرانی اور انتظامی کمزوریوں کے سبب رہائشی پلاٹوں پر کمرشل پورشن اور یونٹس کی تعمیرات میں مسلسل دن بہ دن اضافہ ہو رہا ہے ۔تازہ معاملہ پی ای سی ایچ ایس بلاک 2کے پلاٹ نمبر 40-K/40Mکا سامنے آیا ہے ، جہاں مقامی ذرائع کے مطابق رہائشی حیثیت رکھنے والی اراضی پر کمرشل سرگرمیوں اور یونٹس کے قیام کے ذریعے مبینہ طور پر قبضے کیے گئے ہیں۔ ذرائع کا دعویٰ ہے کہ یہ تمام سرگرمیاں آصف شیخ کی سربراہی میں انجام دی جا رہی ہیں، جبکہ متعلقہ ادارے خاموش تماشائی بنے ہوئے ہیں۔شہریوں اور سماجی حلقوں نے مطالبہ کیا ہے کہ غیر قانونی تعمیرات اور کمرشلائزیشن کے خلاف فوری کارروائی کی جائے ، ذمہ دار افسران کا احتساب کیا جائے اور کراچی کے متاثرہ انفراسٹرکچر کو مزید نقصان سے بچانے کے لیے مؤثر اقدامات اٹھائے جائیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ