ٹک ٹاکر ثنا یوسف کے قاتل عمر کو کیسے گرفتار کیا؟ آئی جی اسلام آباد نے بتا دیا
اشاعت کی تاریخ: 3rd, June 2025 GMT
اسلام آباد پولیس نے ٹک ٹاکر ثنا یوسف کے بہیمانہ قتل میں ملوث ملزم کو گرفتار کرلیا ہے۔ آئی جی اسلام آباد علی ناصر رضوی نے ڈی آئی جی جواد طارق اور دیگر اعلیٰ افسران کے ہمراہ پریس کانفرنس میں بتایا کہ یہ کیس نہ صرف دارالحکومت بلکہ پورے ملک کے لیے ایک کڑا امتحان تھا، جسے حل کرنے کے لیے تمام وسائل بروئے کار لائے گئے۔
آئی جی کے مطابق 17 سالہ سوشل میڈیا انفلوئنسر ثنا یوسف کو 2 جون کو شام 5 بجے ان کے گھر کے اندر گولیاں مار کر قتل کیا گیا۔ نوجوان ٹک ٹاکر کو 2 گولیاں لگیں اور وہ موقع پر ہی جاں بحق ہوگئیں۔ اس بہیمانہ واقعے پر ملک بھر میں غم و غصے کی لہر دوڑ گئی اور سوشل میڈیا پر انصاف کی صدائیں بلند ہوئیں۔
پولیس سربراہ نے بتایا کہ قتل کے فوری بعد 7 تحقیقاتی ٹیمیں تشکیل دی گئیں، جنہوں نے جدید سیلولر ٹیکنالوجی، ڈیجیٹل سرویلنس، اور دیگر ذرائع کی مدد سے ملزم کا سراغ لگایا۔ اس مقصد کے لیے 113 سی سی ٹی وی کیمروں کی فوٹیجز کا جائزہ لیا گیا اور 300 سے زائد فون کالز کو ٹریس اور اینالائز کیا گیا۔
مزید پڑھیں: اسلام آباد میں قتل ہونے والی 17 سالہ سوشل میڈیا انفلوئنسر ثنا یوسف کون تھیں؟
تفتیش کے دوران معلوم ہوا کہ ملزم عمر میٹرک فیل اور فیصل آباد کا رہائشی ہے، بار بار ثنا یوسف سے رابطہ کرنے کی کوشش کر رہا تھا۔ ثنا یوسف کی جانب سے مسلسل نظرانداز کیے جانے پر اس نے انتقامی طور پر قتل کا منصوبہ بنایا۔ نوجوان انفلوئنسر کی سالگرہ کے دن بھی ملزم نے رابطہ کرنے کی کوشش کی، مگر ناکامی پر انتہا پسندی پر اتر آیا۔
آئی جی اسلام آباد نے بتایا کہ ڈی آئی جی جواد طارق کی سربراہی میں پولیس ٹیموں نے فیصل آباد اور جڑانوالہ میں 11 مقامات پر چھاپے مارے۔ آخرکار 22 سالہ عمر کو گرفتار کرلیا گیا، اور اس کے قبضے سے آلہ قتل اور مقتولہ کا آئی فون بھی برآمد کرلیا گیا، جسے وہ شواہد مٹانے کی نیت سے لے گیا تھا۔
آئی جی نے کہا کہ کسی بیٹی کا یوں قتل ہو جانا ہمارے لیے بہت بڑا چیلنج تھا۔ پورا معاشرہ سوال کر رہا تھا کہ 17 سال کی باہمت بیٹی کی آواز کو کیوں خاموش کیا گیا۔ ہم نے دن رات ایک کرکے قاتل کو قانون کے کٹہرے میں لا کھڑا کیا ہے۔
پولیس حکام نے مزید کہا کہ کیس کو جلد از جلد منطقی انجام تک پہنچانے کے لیے چالان عدالت میں پیش کیا جائے گا، تاکہ متاثرہ خاندان کو انصاف ملے اور معاشرے میں یہ پیغام جائے کہ کوئی بھی قاتل قانون سے نہیں بچ سکتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی جی اسلام آباد علی ناصر رضوی اسلام آباد پولیس ٹک ٹاکر ثنا یوسف جڑانوالہ والہ ڈی آئی جی جواد طارق فیصل آباد.ذریعہ: WE News
کلیدی لفظ: آئی جی اسلام آباد علی ناصر رضوی اسلام ا باد پولیس ٹک ٹاکر ثنا یوسف جڑانوالہ والہ ڈی آئی جی جواد طارق فیصل ا باد اسلام آباد ثنا یوسف جی اسلام ٹک ٹاکر کے لیے
پڑھیں:
اسلام آباد کے 2 میگا پراجیکٹس پر کام کی رفتار تیز
اسلام آباد میں 2 میگا پراجیکٹس ٹی چوک فلائی اوور اور شاہین چوک انڈر پاس منصوبے پر کام کی رفتار تیز کردی گئی ہے۔
تفصیلات کے مطابق منصوبوں کا مجموعی طور پر 60 فیصد کام مکمل کرلیا گیا ہے۔ فلائی اوور دسمبر کے اوائل میں ٹریفک کے لئے کھول دیا جائے گا جبکہ شاہین چوک انڈر پاس بھی ایک ماہ میں مکمل کرنے کا ٹاسک دیا گیا ہے۔
وفاقی وزیرداخلہ محسن نقوی نے ٹی چوک فلائی اوور اور شاہین چوک انڈر پاس منصوبوں کا دورہ کیا اور دونوں منصوبوں پر پیش رفت کا جائزہ اور تعمیراتی سرگرمیوں کا معائنہ کیا۔
وزیرداخلہ محسن نقوی نے تعمیراتی کاموں کے معیار کا مشاہدہ کیا اور پراجیکٹس کی پیش رفت پر اطمینان کا اظہار کیا۔
محسن نقوی کا کہنا تھا کہ تعمیراتی کاموں میں اعلیٰ معیارکو ہر صورت یقینی بنایا جائے۔ معیار اور رفتار پر کوئی سمجھوتہ نہیں کیا جائے گا۔
انہوں نے بتایا کہ فلائی اوور کی تکمیل سے جی ٹی روڈ سے مسافر سگنل فری اسلام آباد آسکیں گے۔
لاہور فضائی آلودگی کی عالمی درجہ بندی میں بدستور پہلے نمبر پر رہا