داغستان اور پاکستان کے درمیان ثقافتی، تعلیمی و اقتصادی تعاون کی راہیں کھلنے لگیں
اشاعت کی تاریخ: 3rd, June 2025 GMT
مخچکالا (اُردو پوائنٹ اخبارتازہ ترین۔ 3 جون 2025ء) روسی جمہوریہ داغستان کے چار روزہ بین الاقوامی میڈیا دورے کے دوران مختلف ممالک کے صحافیوں کے وفد نے داغستان کے سربراہ سرگئی میلیکوف سے اہم ملاقات کی۔ اس وفد میں پاکستان کی نمائندگی اشتیاق ہمدانی نے کی۔ ملاقات کے دوران اشتیاق ہمدانی نے روس اور پاکستان کے مابین ثقافت، تعلیم اور معیشت کے شعبوں میں ممکنہ تعاون سے متعلق سوال کیا، جس کے جواب میں سرگئی میلیکوف نے دوطرفہ تعلقات کو مثبت اور امید افزا قرار دیا۔
انہوں نے بتایا کہ: "گزشتہ سال عید الاضحیٰ کے موقع پر روس میں مقیم مختلف ممالک کے سفارتی نمائندوں کو داغستان مدعو کیا گیا تھا، جہاں پاکستان کے سفیر محمد خالد جمالی کی شرکت ہمارے لیے باعثِ افتخار تھی۔(جاری ہے)
اس موقع پر ہم نے خوشی کے ماحول کے ساتھ ساتھ باہمی منصوبوں پر بھی سنجیدہ تبادلۂ خیال کیا۔" سرگئی میلیکوف نے مزید انکشاف کیا کہ ایک پاکستانی وفاقی وزیر کا خط انہیں موصول ہوا ہے، جس میں جون 2025 میں جمہوریہ داغستان کے دورے کا عندیہ دیا گیا ہے۔
اس متوقع دورے میں ثقافت، سیاحت، اقتصادی ترقی اور گوشت کی پیداوار و پراسیسنگ جیسے اہم شعبوں میں تعاون پر بات چیت ہوگی۔ ان کا کہنا تھا: "آج آپ کی موجودگی اور سوال کے ذریعے پاکستان کے ساتھ نئے دور کے آغاز کا اشارہ ملتا ہے۔ ہم جون کی ملاقات میں اُن تمام شعبوں کی نشان دہی کریں گے، جہاں دونوں ممالک باہمی مفادات کے تحت مل کر کام کر سکتے ہیں۔" انہوں نے واضح کیا کہ پاکستان اور داغستان کے درمیان تعلقات میں وسعت کے بے شمار امکانات موجود ہیں، جن پر پیش رفت پاکستانی حکام کے دورے کے دوران کی جائے گی۔.
ذریعہ
ذریعہ: UrduPoint
کلیدی لفظ: تلاش کیجئے پاکستان کے داغستان کے
پڑھیں:
پاکستانی سفیر کی جانب سے پاکستان اور میانمار کی ممتاز کاروباری شخصیات کے اعزاز میں عشائیہ
میانمار میں پاکستان کے سفیر طارق کریم(Tariq kareem) نے اپنی رہائش گاہ پر پاکستان اور میانمار کی ممتاز کاروباری شخصیات کے اعزاز میں عشائیہ کا اہتمام کیا۔
عشائیے میں یونین آف میانمار فیڈریشن آف چیمبرز آف کامرس اینڈ انڈسٹری (UMFCCI) کے صدر، نائب صدر، میانمار چیمبر آف کامرس فار فارماسیوٹیکل اینڈ میڈیکل ڈیوائسز (MCCPMD) کے چیئرمین، دیگر معروف کاروباری شخصیات اور فارمیٹیک پاکستان (پرائیویٹ) لمیٹڈ کے وفد نے شرکت کی۔
اس موقع پر سفیر طارق کریم اور معزز مہمانوں کے درمیان خوشگوار اور بامقصد تبادلہ خیال ہوا، جس میں پاکستان اور میانمار کے درمیان تجارت و اقتصادی تعاون کو مزید فروغ دینے، بالخصوص ادویہ سازی، ٹیکسٹائل اور دیگر اہم شعبوں میں تعاون بڑھانے، جبکہ دونوں ممالک کے نجی شعبوں کے درمیان براہ راست روابط (B2B Linkages) کو مضبوط بنانے کے امکانات پر گفتگو کی گئی
بھارت سے جنگ اور افغانستان میں کارروائی خارج ازامکان نہیں، وزیردفاع