وزیرریلوے کی ازبکستان کے سفیر کے درمیان ملاقات ،ازبکستان-افغانستان۔ پاکستان ریلوے ٹرانزٹ راہ داری کے منصوبے پر تفصیلی تبادلہ خیال
اشاعت کی تاریخ: 3rd, June 2025 GMT
اسلام آباد (اُردو پوائنٹ اخبارتازہ ترین - این این آئی۔ 03 جون2025ء)وزیر اعظم پاکستان کے ویژن کے تحت وزیر ریلوے محمد حنیف عباسی اور پاکستان میں ازبکستان کے سفیر علی شیر تختائف کے درمیان ملاقات ہوئی جس میں ازبکستان-افغانستان۔ پاکستان ریلوے ٹرانزٹ راہ داری کے منصوبے پر تفصیلی تبادلہ خیال کیا گیا۔فریقین نے اس منصوبے کو خطے کی اقتصادی ترقی کے لیے سنگ میل قرار دیا۔
دونوں فریقین نے تقریباً 850 کلومیٹر طویل ریلوے کنیکٹیویٹی کے منصوبے پر تعاون کو حتمی شکل دینے پر اتفاق کیا۔اس راہ داری سے افغانستان میں 647 کلومیٹر نئے ریلوے لائن کی تعمیر کی جائیگی،اس منصوبے کو وسطی ایشیا اور جنوبی ایشیا کے درمیان پہلا براہِ راست ریلوے کورڈور قرار دیا۔محمد حنیف عباسی نے کہاکہ منصوبہ مکمل ہونے کے بعد پاکستان کو وسطی ایشیا تک سب سے مختصر راستہ میسر آ جائے گا،اس کوریڈور کے ذریعے تجارت کے وقت اور لاگت میں نمایاں کمی ممکن ہوگی۔(جاری ہے)
وزیرریلوے نے کہاکہ اس راہ داری کے تحت سالانہ 15 ملین ٹن سامان کی ترسیل کی صلاحیت کو خطے میں تجارتی حجم میں اضافہ ہوگا۔ وزیر ریلوے نے کہاکہ پاکستان کے بندرگاہوں سے وسطی ایشیا کو براہِ راست رسائی فراہم کرنے کے اس منصوبے کو عالمی منڈیوں تک رسائی بڑھانے والا اہم سنگ میل قرار دیا گیا۔محمد حنیف عباسی نے کہاکہ منصوبہ چین کے بیلٹ اینڈ روڈ انیشیٹو کے تحت خطے میں سرمایہ کاری اور انفراسٹرکچر کی ترقی کا اہم سنگ میل ہے۔ دونوں ممالک نے افغانستان میں امن و استحکام کے لیے اس منصوبے کے مثبت اثرات کو سراہا۔ازبکستان کے سفیر نے پاکستان کے ریلوے سیکٹر میں سرمایہ کاری کے مواقع پر روشنی ڈالی۔ تفصیلی ملاقات میں دونوں فریقین نے ریلوے شعبے میں تعاون بڑھانے پر اتفاق کیا۔دونوں فریقین نے تجارتی و اقتصادی تعاون کو فروغ دینے کے لیے مشترکہ اقدامات پر اتفاق کیا۔وزیر ریلوے نے ازبکستان کے تجربات سے فائدہ اٹھاتے ہوئے ریلوے کی جدید کاری اور ترقی کو مزید مستحکم بنانے کا عزم ظاہر کیا۔ملاقات کے آخر میں دونوں نے ریلوے اور دیگر اہم اقتصادی شعبوں میں دوطرفہ تعلقات کو مضبوط بنانے اور مشترکہ منصوبوں پر کام جاری رکھنے پر اتفاق کیا۔.ذریعہ: UrduPoint
کلیدی لفظ: تلاش کیجئے پر اتفاق کیا ازبکستان کے نے کہاکہ راہ داری
پڑھیں:
گورنر پنجاب کی کسانوں سے ملاقات، سیلاب سے متاثرہ فصلوں اور مالی مشکلات پر تبادلہ خیال
سٹی42: گورنر پنجاب سردار سلیم حیدر خان نے پنجاب کسان بورڈ کے دفتر کا دورہ کیا جہاں چیئرمین کسان بورڈ پنجاب میاں محمد اجمل نے ان کا پرتپاک استقبال کیا۔ گورنر پنجاب نے کسانوں کے وفد سے ملاقات کی اور ان کے مسائل پر بھی تفصیلی تبادلہ خیال کیا۔
اس موقع پر گورنر پنجاب نے کہا کہ پیپلز پارٹی کے دورِ حکومت میں کسانوں کو گندم کی پوری قیمت ادا کی گئی تھی۔ موجودہ سیلابی صورتحال نے کسانوں کی فصلوں کو شدید نقصان پہنچایا ہے، جس کے باعث وہ مالی مشکلات کا شکار ہیں، لہٰذا حکومت کو کسانوں کا ساتھ دینا چاہئے۔
لاہور :ڈمپر نے موٹر سائیکل کو کچل دیا، 3 افراد جاں بحق
سردار سلیم حیدر خان کا کہنا تھا کہ کسان اپنا خون پسینہ بہا کر ہمیں گندم مہیا کرتے ہیں، اس لیے اُن کی فلاح اولین ترجیح ہونی چاہئے۔ زراعت میں جدید مشینری کا استعمال وقت کی اہم ضرورت ہے، تاکہ پیداوار میں اضافہ اور نقصانات میں کمی لائی جا سکے۔
انہوں نے مزید کہا کہ حکومت کی اولین ترجیح ملک میں معاشی استحکام لانا ہے اور کسان اس ہدف کے حصول میں بنیادی کردار ادا کرتے ہیں۔
کسان وفد نے ملاقات میں مطالبہ کیا کہ حکومت گندم اور آٹے کی ترسیل پر پابندی ختم کرے تاکہ منڈیوں میں رسائی آسان ہو۔ کسانوں نے بتایا کہ سیلابی ریلوں میں ان کی جمع پونجی، مال مویشی اور گندم بہہ گئی ہے جبکہ دور دراز کے علاقوں کے کسان شہروں تک پہنچنے سے قاصر ہیں۔
موٹرسائیکل فلائی اوور سے نیچے گر گئی،سوارموقع پر جاں بحق
کسانوں نے حکومت سے مطالبہ کیا کہ انہیں گندم کی پوری قیمت ادا کی جائے تاکہ ان کی محنت ضائع نہ ہو۔
محبت، بلیک میلنگ اور قتل، خوفناک واردات کی تفصیل سامنے آگئی