فلسطین کے عازمین حج کا مکمل معاونت کرنے پر سعودی عرب سے اظہار تشکر
اشاعت کی تاریخ: 3rd, June 2025 GMT
فلسطین کے عازمین حج نے ’ضیوف خادم حرمین شریفین برائے حج وعمرہ پروگرام‘ کے تحت مملکت پہنچنے پر سعودی عرب سے اظہار تشکر کیا ہے۔
میڈیا رپورٹس کے مطابق فلسطین کے عازمین حج نے کہا ہے کہ سعودی عرب کے بادشاہ شاہ سلمان کے اس اقدام سے ان کے دنیا بھر کے مسلمانوں سے لگاؤ کی عکاسی ہوتی ہے، کیونکہ انہوں نے عازمین کے لیے وقار اور سہولت کے ساتھ حج و عمرہ کرنے کی سہولت کو یقینی بنایا ہے۔
یہ بھی پڑھیں سعودی عرب کی جانب سے فلسطینی شہدا اور اسیران کے اہلخانہ کو حج کی خصوصی دعوت
فلسطین کے حج کرنے کے لیے سعودی عرب پہنچنے والے ایک عازم ایمن صالح نے رواں برس حج کے لیے منتخب ہونے پر خوشی کا اظہار کیا اور کہاکہ ہم غیرمعمولی خدمات اور فلسطینی عازمین کے پرجوش خیرمقدم پر سعودی قیادت کا شکریہ ادا کرتے ہیں۔
انہوں نے کہاکہ مملکت سعودی عرب فلسطینی حجاج کی خدمت اور سہولت کے ساتھ حج کو یقینی بنانے کے لیے کس حد تک پُرعزم ہے، یہ ان کے اقدامات سے ثابت ہورہا ہے۔
انہوں نے سعودی عرب کے اس فراخدلانہ اقدام پر سعودی قیادت کی بھرپور تحسین کی۔
واضح رہے کہاکہ شاہ سلمان کے اس پروگرام کے تحت فلسطینی سیاسی قیدیوں اور شہدا کے سینکڑوں رشتے دار اس سال حج کرنے کے لیے سعودی عرب پہنچے ہیں۔
سعودی عرب کی اسلامی امور کی وزارت نے گزشتہ روز غزہ سے تعلق رکھنے والے 500 عازمین کا استقبال کیا۔ جس کے بعد فلسطین سے تعلق رکھنے والے عازمین حج کی تعداد ایک ہزار تک پہنچ گئی ہے۔
1996 میں اپنے آغاز کے بعد سے ’ضیوف خادم حرمین شریفین برائے حج وعمرہ پروگرام‘ کے تحت ہزاروں افراد حج اور عمرے کے مناسک ادا کرچکے ہیں۔
یہ بھی پڑھیں خادم الحرمین الشریفین نے ایک ہزار فلسطینیوں کو ذاتی خرچے پر حج کرانے کا اعلان کردیا
رواں برس شاہ سلمان کی خصوصی دعوت پر 2443 عازمین حج کی سعادت حاصل کررہے ہیں، جن کی بھرپور میزبانی کی جارہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بھرپور تحسین رشتے دار شاہ سلمان عازمین حج فلسطین فلسطینی سیاسی قیدی مملکت سعودی عرب وی نیوز.
ذریعہ
ذریعہ: WE News
کلیدی لفظ: بھرپور تحسین رشتے دار شاہ سلمان فلسطین فلسطینی سیاسی قیدی مملکت سعودی عرب وی نیوز فلسطین کے شاہ سلمان کے لیے
پڑھیں:
حج سے واپسی کا آغاز، 370 حجاج کرام اسلام آباد پہنچ گئے
حج 2026 کی ادائیگی کے بعد پاکستانی حجاج کرام کی وطن واپسی کا سلسلہ شروع ہو گیا۔ سعودی ائیرلائن کی پرواز ایس وی 5724 کے ذریعے 370 حجاج کرام آج اسلام آباد پہنچ گئے۔
مزید پڑھیں: سعودی وزارت حج و عمرہ کی حجاج کرام کے لیے مثالی انتظامات کرنے پر پاکستانی حج مشن کو خراج تحسین
وفاقی وزیر برائے پارلیمانی امور طارق فضل چوہدری نے اسلام آباد ہوائی اڈے پر حجاج کرام کا استقبال کیا اور انہیں فریضۂ حج کی سعادت حاصل کرنے پر مبارکباد دی۔
اس موقع پر گفتگو کرتے ہوئے انہوں نے کہا کہ امسال قریباً ایک لاکھ 80 ہزار پاکستانیوں نے حج کی سعادت حاصل کی، جن میں ایک لاکھ 20 ہزار عازمین سرکاری حج اسکیم کے تحت سعودی عرب گئے۔
پاکستانی حجاج کرام کی وطن واپسی کا سلسلہ شروع۔ سعودی ائیرلائن کے ذریعے 370 حجاج کرام اسلام آباد پہنچ گئے۔ وفاقی وزیر طارق فضل چوہدری نے اسلام آباد ہوائی اڈے پر حجاج کا استقبال کیا اور انہیں فریضۂ حج کی سعادت حاصل کرنے پر مبارکباد دی۔@iamabidmalik @AmirSaeedAbbasi @KulAalam pic.twitter.com/zBqJGjKIEa
— Media Talk (@mediatalk922) June 1, 2026
وفاقی وزیر کا کہنا تھا کہ حجاج کرام نے حج 2026 کے انتظامات پر اطمینان کا اظہار کیا ہے۔ انہوں نے کہا کہ وزیراعظم کی ہدایت پر وزارتِ مذہبی امور نے عازمین حج کو ہر ممکن سہولت فراہم کی۔
مزید پڑھیں:سعودی عرب، حجاج کرام میں قرآن پاک کے نسخوں کی تقسیم
ڈاکٹر طارق فضل چوہدری نے وفاقی وزیر مذہبی امور اور ان کی ٹیم کو حج کے بہترین انتظامات پر مبارکباد بھی پیش کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد آئیرپورٹ حجاج کرام طارق فضل چوہدری وفاقی وزیر برائے پارلیمانی امور طارق فضل چوہدری
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ