امام خمینی ؒ، ایک منفرد قائد
اشاعت کی تاریخ: 3rd, June 2025 GMT
اسلام ٹائمز: وسائل کے نہ ہونے اور وطن سے دور رہنے کے باوجود بھی انہوں نے اپنی قوم کے ساتھ رابطہ رکھا اور قوم کے حوصلوں میں اضافہ فرماتے رہے، حتیٰ کہ انقلاب رونما ہوگیا۔ انقلاب اسلامی کے قیام کے بعد اب امام خمینی ؒ کے سامنے ایک اور امتحان درپیش تھا، جس میں انقلاب اسلامی کا تحفظ کرنا تھا اور انقلاب کو ترقی کے ساتھ آگے بڑھانا تھا۔ دنیا کے اکثر حکمرانوں بالخصوص عالمی طاقتوں کے سربراہوں کو امید تھی کہ امام خمینی ؒ کا انقلاب سال دو سال کے عرصے میں ناکام ہو کر ختم ہو جائے گا، لیکن امام نے انہیں ایک بار پھر حیرت میں ڈال دیا، جس میں نہ صرف انقلاب نے ترقی اور ترویج حاصل کی بلکہ ملک ایران بھی گذشتہ کی نسبت زیادہ ترقی کے میدان میں گامزن ہوگیا۔ تحریر: علامہ محمد رمضان توقیر
(مرکزی نائب صدر شیعہ علماء کونسل پاکستان)
رہبر انقلاب اسلامی ایران حضرت امام خمینی ؒ رحمۃ اللہ بہت سارے پہلووں میں انفرادیت کے حامل تھے۔ لیکن قیادت و رہبریت کے معاملے میں ان کا مقام مزید منفرد ہے۔ انہوں نے 1960ء کی دہائی میں ایرانی استعماری حکمرانوں کی سازشوں کو جس گہرائی میں بھانپا، وہ اپنی مثال آپ تھا۔ حالانکہ وہ زمانہ آپ کی قیادت اور مرجعیت کا ابتدائی زمانہ تھا۔ اس کے باوجود آپ نے امت مسلمہ بالخصوص ملت ایران کی امراض کی تشخیص ایک ماہر امراض سے بڑھ کر فرمائی۔ نہ صرف امراض کی تشخیص فرمائی بلکہ علاج بھی تجویز فرما دیا۔ حیرت اور لطف کی بات یہ ہے کہ جو علاج انہوں نے انقلاب رونماء ہونے سے تین دہائیاں قبل تجویز فرمایا، وہی علاج ہی تین نسلیں جوان ہونے اور تیس سال گذرنے کے باوجود کارگر ثابت ہوا۔ امام خمینی ؒنے ایرانی قوم بطور قوم منظم کرنے میں منفرد کردار ادا فرمایا۔ امام سے قبل ایرانی قوم محض بادشاہ پرست قسم کی تھی۔ غلامانہ ذہنیت کے ساتھ اپنے بادشاہ کے ہر حکم پر لبیک کہنا عادت بن چکی تھی۔
بادشاہوں نے بے دینی، لادینیت، کرپشن، بدکرداری، تباہ کن معیشت اور فحاشی و عریانی کو رواج دیا ہوا تھا، مگر ایرانی عوام اپنے بادشاہ کے خلاف آواز بلند کرنے سے گریزاں تھے، سوائے ان چند دیندار علماء اور چند باشعور و تعلیم یافتہ طبقے کے افراد کے اور کوئی بولنے کے لیے تیار نہیں تھا۔ امام خمینی ؒ نے ان دو طبقات کو منظم اور ہم آہنگ کیا، جس کے بعد ایسی تبدیلی کی بنیاد رکھی گئی، جس نے دنیا کو حیران کر دیا۔ امام خمینی ؒ نے انقلاب سے پہلے ہی دنیا بھر میں اپنی شخصیت کو نہ صرف متعارف کرا لیا، بلکہ تسلیم بھی کرا لیا۔ تمام عالمی رہنماؤں کی امام خمینی ؒ پر انقلاب سے قبل ہی نظر تھی۔ بالخصوص عالمی طاقتوں نے امام خمینی ؒ کا راستہ روکنے کی بھرپور کوشش کی اور ایران پر مسلط بادشاہوں کو بھرپور مدد فراہم کرکے امام خمینی ؒ کی جدوجہد میں رکاوٹیں کھڑی کرنا شروع کر دیں، لیکن امام خمینی ؒ پوری طاقت سے آگے بڑھتے رہے۔ عراق اور فرانس میں جلاوطنی کے ایام گذارتے رہے، لیکن عزم کم نہ ہوئے۔
وسائل کے نہ ہونے اور وطن سے دور رہنے کے باوجود بھی انہوں نے اپنی قوم کے ساتھ رابطہ رکھا اور قوم کے حوصلوں میں اضافہ فرماتے رہے، حتیٰ کہ انقلاب رونماء ہوگیا۔ انقلاب اسلامی کے قیام کے بعد اب امام خمینی ؒ کے سامنے ایک اور امتحان درپیش تھا، جس میں انقلاب اسلامی کا تحفظ کرنا تھا اور انقلاب کو ترقی کے ساتھ آگے بڑھانا تھا۔ دنیا کے اکثر حکمرانوں بالخصوص عالمی طاقتوں کے سربراہوں کو امید تھی کہ امام خمینی ؒ کا انقلاب سال دو سال کے عرصے میں ناکام ہو کر ختم ہو جائے گا، لیکن امام نے انہیں ایک بار پھر حیرت میں ڈال دیا، جس میں نہ صرف انقلاب نے ترقی اور ترویج حاصل کی بلکہ ملک ایران بھی گذشتہ کی نسبت زیادہ ترقی کے میدان میں گامزن ہوگیا۔ جس کے نتیجے میں ایران ایک بہترین معیشت کا حامل ہوا۔ حالانکہ عراق کے ساتھ طویل جنگ بھی درپیش رہی، جس میں امام خمینی ؒ نے قوم کو سنبھال کر رکھا اور ہزاروں شہداء دینے کے باوجود قوم کے حوصلے پست نہیں ہونے دیئے۔ امام خمینی ؒ نے انقلاب اسلامی کے پہلے دس سال اپنی موجودگی میں انقلاب کو بڑھتے اور پھولتے پھلتے دیکھا۔
اس دوران انہوں نے انقلاب کا تسلسل قائم رکھنے، انقلاب جاری رکھنے اور اسے دنیا بھر میں پھیلانے کے لیے کثیر تعداد میں اپنے معاونین و شاگردان کی ایک منظم ٹیم تشکیل دی۔ یہ ان کی انفرادیت تھی، ورنہ اکثر قیادتیں جب دنیا سے رخصت ہوتی ہیں تو ان کے انقلاب بھی ساتھ ہی چلے جاتے ہیں۔ بعض اوقات تو صاحب ِ انقلاب کی زندگی میں ہی انقلاب شکستہ یا ختم ہو جاتے ہیں۔ مگر امام خمینی ؒ کی انفرادیت ہے کہ انہوں نے اپنا ملک اور انقلاب جن امین ہاتھوں میں دیا، آج ان ہاتھوں نے دیانتداری کے ساتھ انقلاب کو سنبھالا ہوا ہے۔ ان امین مجاہدوں کے سرخیل رہبر معظم آیت اللہ سید علی خامنہ ای ہیں، جبکہ ایران کے گذشتہ صدر آیت اللہ سید ابراہیم رئیسی بھی اسی عظیم ٹیم کے اہم ترین رکن تھے۔ شہید رئیسی نے امام خمینی ؒ سے رفاقت کا حق ادا فرمایا۔ اپنی پوری زندگی اپنے امام اور رہبر کے خط پر گذار دی۔ امام اور رہبر کی پالیسیوں کے اجراء کے لیے پوری توانائیاں صرف کیں۔
دنیا بھر میں امام اور رہبر کا پیغام پہنچانے کی سعی کی، رہبر معظم کے بعد اگر موجودہ زمانے میں امام خمینی ؒ کا حقیقی عکس کسی شخص میں نظر آتا ہے تو وہ شہید ابراہیم رئیسی ہیں۔ آپ نے یقیناً امام سے فیض حاصل کیا ہے۔ دنیا بھر کے عالمی فورمز میں اسلام اور ایران کا پیغام بھی پہنچایا اور دفاع کرنے کے لیے میدان میں بھی رہے۔ شہید رئیسی ہر مسلمان اور ہر مظلوم کی آواز تھے۔ قرآن کریم کے ساتھ ان کی وابستگی بالکل امام کی طرح تھی۔ دشمنان قرآن کو جیسے صدر ابراہیم نے للکارا، ویسے کوئی جرات نہیں کرسکا۔ جس طرح شہید رئیسی نے امام خمینی ؒ کے مشن کو آگے بڑھایا اور امام کی سیرت پر عمل کیا، اسی طرح اگر ہم بھی اسی خلوص اور محنت کے ساتھ امام خمینی ؒ کے انوار سے روشنی لیں اور اپنے آپ کو امام کا مطیع و فرمان بردار بنائیں تو پوری دنیا انقلاب اسلامی کے وجود سے معطر ہوسکتی ہے اور امام خمینی ؒ کی روح شادمان و سرفراز ہوسکتی ہے۔
ذریعہ
ذریعہ: Islam Times
کلیدی لفظ: انقلاب اسلامی کے انقلاب کو نے انقلاب کے باوجود دنیا بھر کے ساتھ ترقی کے قوم کے کے لیے کے بعد
پڑھیں:
جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آگئی
لاہور(ڈیلی پاکستان آن لائن)جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آنے پر تنازعہ کھڑا ہو گیا۔ پہلے تو اس ویڈیو کو فیک اور آرٹیفیشل انٹیلی جنس کی تخلیق بتایا گیا لیکن جب ویڈیو اصل نکل آئی تو ممتاز سینئیر سیاست دان نے دوسری شادی کرنے کا دعویٰ کیا۔ خاتون کے غیر شادی شدہ ہونے کی دستاویز نے سیاستدان کو زیادہ مشکل میں ڈال دیا۔ بنگلہ دیش کی پارلیمنٹ کے رکن، جماعت اسلامی بنگلہ دیش کے سینئیر سیاستدان غازی نذرالاسلام کی ایک نوجوان خاتون کے ساتھ ویڈیو وائرل ہونے کے بعد ایک کی مبینہ دوسری شادی کے معاملے پر تنازع ان کے دوسری شادی کا اعتراف کر لینے کے بعد کم نہیں ہوا۔ اب جماعت اسلامی نے اعلان کیا ہے کہ وہ اس سارے معاملہ کی تحقیقات کروا رہی ہے
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
بنگلہ دیش کے میڈیا کے مطابق غازی نذرالاسلام کی سوشل میڈیا پر ایک نوجوان خاتون کے ساتھ ویڈیو وائرل ہو گئی تھی۔ پہلے تو ان کے حامیوں نے اس ویڈیو کو ڈیپ فیک اور آڑٹیفیشل انٹیلیجنس سے بنائی گئی ویڈیو قرار دیا، لیکن جب تنقید کرنے والے خاموش نہیں ہوئے تو بعض لوگوں نے اس ویڈیو کی سافٹ وئیرز کی مدد سے ویریفیکیشن کی۔ فیکٹ چیک کرنے والے ایک ادارے نے بتا دیا کہ ویکڈو بالکل اصلی ہے۔ نذر الاسلام کی نوجوان خاتون کے ساتھ ویڈیو کے مصنوعی ذہانت سے تیار ہونے یا اس میں کوئی تبدیلی کیے جانے کے شواہد نہیں مل۔ اس کے بعد لوگوں کی ساری توجہ ویڈیو میں شامل افراد اور ان کے باہمی تعلق پر مرکوز ہوگئی۔ جب سوشل میڈیا پر تنقید کافی برھ گئی تو جماعت اسلامی کے سینئیر سیاست دان اور رکن پارلیمنٹ نے ویڈیو کلپ میں اپنے ساتھ دکھائی دینے والی نوجوان خاتون کو اپنی بیوی قرار دے دیا۔ غازی نذرالاسلام نے اپنے بیان میں کہا کہ خاتون ان کی دوسری بیوی ہے اور ان کی شادی 17 جون کو دونوں خاندانوں اور ان کی پہلی بیوی کی رضامندی سے ہوئی تھی۔
چیئرمین یورپی یونین پاک فرینڈشپ فیڈریشن یورپ کی ہیوی انڈسٹریز ٹیکسلا کے چیئرمین سے ملاقات
نذر الاسلام نے یہ مؤقف اختیار کیا کہ اس وائرل ویڈیو کو خفیہ طور پر ریکارڈ کرکے بھتہ خوری اور سیاسی کردار کشی کےلیے منظرِ عام پر لایا گیا۔ جماعت اسلامی کے اس سینئیر رکنِ پارلیمنٹ کی پہلی بیوی نے اس موقع پر شوہر کا ساتھ دیا اور ایک ویڈیو بیان میں اپنے عمر رسیدہ شوہر کے مؤقف کی تصدیق کی کہ ان کے شوہر نے نوجوان لڑکی مریم بیگم سے دوسری شادی کرلی ہے۔ مریم بیگم نے بھی ایک علیحدہ ویڈیو میں خود کو غازی نذرالاسلام کی بیوی قرار دیتے ہوئے کہا کہ شادی 17 جون کو دونوں خاندانوں اور نذر الاسلام کی پہلی بیوی کی موجودگی میں ہوئی تھی۔
پی سی بی نے ڈومیسٹک کرکٹ کے نئے سیزن کا شیڈول جاری کر دیا
بنگلہ دیشی میڈیا میں سامنے آنے والی رپورٹوں کے مطابق غازی نذرالاسلام اور ان کے خاندان کی تصدیق کے باوجود سوشل میڈیا پر خاتون مریم بیگم سے متعلق قانونی دستاویزات منظر عام پر آئی ہیں، جن کی آزادانہ تصدیق نہیں ہوسکی اور نہ ہی رکن پارلیمنٹ یا خاتون اور ان کے اہلخانہ نے دستاویز ات میں موجود تضاد پر کوئی وضاحت دی ہے۔ شادی کے پانچ دن بعد نذر الاسلام نے بیوی کو کنوارا ظاہر کر کے اسکی سرکاری نوکری کی سفارش کی؟ ایک دستاویز میں نذر السلام کے ساتھ نظز آنے والی لڑکی مریم کی ازدواجی حیثیت ’غیر شادی شدہ‘ درج ہے اور اس دستاویز پر غازی نذرالاسلام کی جانب سے 22 جون، یعنی اپنی بتائی ہوئی مبینہ شادی کی تاریخ کے پانچ روز بعد، سرکاری ملازمت کے لیے سفارش بھی موجود دکھائی دیتی ہے۔
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
بنگلہ دیش کے میڈیا کے مطابق یہ خاتون سرکاری ملازمت کی خواہاں تھیں اور غازی نذرالاسلام نے ان کی درخواست کی سفارش کی تھی۔ غازی نذرالاسلام نے ان تمام کہانیوں نظر انداز کرتے ہوئے ایک اور پیچیدہ کہانی سے پردہ اٹھا دیا جو دال میں کافی کچھ کالا ہونے کی نشاندہی کرتی ہے۔ عمر رسیدہ سیاستدان نذر الاسلام نے یہ دعویٰ کیا کہ 13 جولائی کو وہ ڈھاکا کے موگ بازار میں ایک دفتر گئے تھے جہاں ان کی دونوں بیویاں بھی موجود تھیں۔
نذر الاسلام نے الزام لگایا کہ ڈرائیور، دوسری کے ماموں اور چند نامعلوم افراد نے انہیں یرغمال بنا کر ایک لاکھ ٹکا بھتہ وصول کیا، ان لوگوں نے نذر الاسلام کے بقول مزید رقم کا مطالبہ کیا اور ان لوگوں نے ہی ان کی مریم کے ساتھ خفیہ طور پر نجی ویڈیو ریکارڈ کرکے بعد میں سوشل میڈیا پر پھیلا دی۔ نذر الاسلام کے اس دعوے میں کمزوری یہ ہے کہ ویڈیو کلپ مین نذر الاسلام کو اس خاتون کے ساتھ اپنے کمرے میں بیٹھے اور بوس و کنار کرتے دیکھا جا سکتا ہے۔ لوگ یہ سوال کر رہے ہیں کہ بازار کے کسی دفتر میں یرغمال بنا کر بھتہ لینے والوں کی رسائی ان کے گھر کے کمرے تک کیسے تھی۔
پاکستان نے کابل فضائی حملوں پر ایمنسٹی انٹرنیشنل کی رپورٹ مسترد کر دی
اس سکینڈل کے سوشل میڈیا اور میڈیا میں بہت زیادہ ڈسکس ہونے کے بعد آخر کار جماعت اسلامی بنگلہ دیش نے کہا ہے کہ وہ اس سارے معاملے کی معلومات اکٹھی کر رہی ہے اور حقائق سامنے آنے کے بعد تنظیم کے اندر تادیبی کارروائی کا فیصلہ کیا جائے گا۔ جماعت اسلامی کے اسسٹنٹ سیکریٹری جنرل احسان الحق محبوب زبیر کے مطابق پارٹی میڈیا رپورٹس، رکنِ پارلیمنٹ، ان کی دونوں بیویوں اور خاتون کے والد کے بیانات کا جائزہ لے رہی ہے۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار