پاکستان شنگھائی ترقیاتی بنک کے قیام کا حامی، علاقائی اقتصادی انضمام میں اضافہ ہو گا: وزیر خزانہ
اشاعت کی تاریخ: 4th, June 2025 GMT
اسلام آباد (نوائے وقت رپورٹ) فنانس ڈویژن کی جانب سے جاری کردہ ایک بیان کے مطابق وفاقی وزیر خزانہ و محصولات محمد اورنگزیب نے شنگھائی تعاون تنظیم (ایس سی او) کے اقتصادی تعاون ایجنڈے سے پاکستان کے مضبوط عزم کا اعادہ کیا ہے۔ وزیر خزانہ نے بیجنگ میں منعقدہ ایس سی او وزرائے خزانہ اور مرکزی بینکوں کے گورنرز کے اجلاس سے ورچوئل خطاب کرتے ہوئے کہا کہ ایس سی او ’ شنگھائی سپرٹ’ اور ایس سی او چارٹر کے مطابق علاقائی تعاون کو فروغ دینے، اقتصادی تعلقات کو بڑھانے اور مشترکہ خوشحالی کے لیے کام کرنے کے لیے ایک لازمی پلیٹ فارم ہے۔ انہوں نے پاکستان کی جاری کوششوں کو اجاگر کیا اور کہا کہ تجارت، سرمایہ کاری اور مالیاتی انضمام میں تعاون کو فروغ دیا جانا چاہیے۔ انہوں نے مشترکہ منصوبوں، ٹیکنالوجی کی منتقلی، اور صلاحیت سازی کے پروگراموں جیسے اقدامات کی تجویز پیش کی جو تمام رکن ممالک کو باہمی فوائد فراہم کر سکتے ہیں۔ فنانس ڈویژن کے مطابق وزیرخزانہ نے کہا کہ ’ پاکستان اس (ایس سی او ڈیویلپمنٹ بینک) کے قیام کی بھرپور حمایت کرتا ہے، یہ بینک بنیادی ڈھانچے اور ترقیاتی منصوبوں کے لیے مالی امداد کا ایک اہم ذریعہ فراہم کرے گا، جس سے علاقائی روابط اور اقتصادی انضمام میں اضافہ ہوگا۔ انہوں نے بینک کو مستقبل بین ادارہ قرار دیا، جو اپنے کاموں میں ڈیجیٹل فنانس، فن ٹیک جدت، اور گرین فنانسنگ کے آلات کو شامل کرے گا۔ جدت کو فروغ ملے گا، اور جو ڈیجیٹل فنانس، ڈیجیٹل سلوشن اور گرین فنانسنگ میکانزم کو اپنے بنیادی کاموں میں ضم کرے گا۔ انہوں نے ایس سی او نیٹ ورک آف فنانشل تھنک ٹینکس کے فعال ہونے کا بھی خیرمقدم کیا، اسے ایک بروقت اقدام قرار دیا جو رکن ممالک کے درمیان شواہد پر مبنی تحقیق، سٹرٹیجک وژن، اور پالیسی ہم آہنگی کو فروغ دے گا، اور جو ’ہماری مالی تعاون میں علاقائی تجزیہ اور سٹرٹیجک وژن کے لیے ایک بہترین پلیٹ فارم کے طور پر کام کرے گا۔ وزیر خزانہ نے اس بات پر زور دیا کہ عالمی معیشت فی الحال متعدد چیلنجز کا سامنا کر رہی ہے، جن میں سست نمو، بڑھتی ہوئی عدم مساوات، اور موسمیاتی تبدیلی شامل ہیں۔
.ذریعہ: Nawaiwaqt
کلیدی لفظ: ایس سی او انہوں نے کو فروغ کے لیے کرے گا
پڑھیں:
پاکستان نے بھارت کی علاقائی بالادستی کا خواب ملیا میٹ کر دیا، وزیر خارجہ
اسلام آباد (ڈیلی پاکستان آن لائن)نائب وزیر اعظم و وزیر خارجہ اسحاق ڈار کا کہنا ہے کہ بھارتی جارحیت کے جواب میں پاکستانی جواب کے بعد بھارت کی علاقائی بالادستی کا خواب ملیا میٹ ہو چکا ہے۔
نجی ٹی وی جیو نیوز کے مطابق اسحاق ڈار کا کہنا ہے کہ بھارتی حملوں کے جواب میں پاکستانی فورسز کی جانب سے 10 مئی کو کی گئی جوابی کارروائی کے بعد پاکستان کے سفارتی مشنز کامیاب اور بھارت میں سفارتی مشنز کی ناکامی پر صف ماتم بچھی ہے، ناکامی پر ایک دوسرے پر الزم تراشی کی جا رہی ہے۔
اسحاق ڈار نے کہا ہے کہ پاکستان کا 23 اپریل سے 10 مئی تک کا سچ پر مبنی جو مؤقف دنیا نے سنا وہ سچ ثابت ہوا جس کی وجہ سے سفارتی فورمز پر پاکستان کی پذیرائی ہو رہی ہے، دنیا میں پاکستان کی مسلح افواج کے جوابی اقدامات کی بھی تعریف ہو رہی ہے۔
خطےکے امن میں سب سے بڑی رکاوٹ مودی اور نیتن یاہو کی پالیسیاں ہیں: بلاو
ان کا کہنا ہے کہ بھارت کا کسی بھی بہانے پاکستان کے خلاف جارحیت کو نیو نارمل بنانے کا اعلان دفن ہو گیا، بھارت کی علاقائی بالادستی کا خواب ملیا میٹ ہو چکا، سفارتی محاذ پر حاصل ہونے والی کامیابیاں ٹیم ورک کا نتیجہ ہیں۔
وزیر خارجہ نے کہا کہ بیجنگ میں سہ فریقی مذاکرات کے دوران چین نے پاکستان، افغانستان، ازبکستان ریل لنک منصوبے کی سی پیک میں شمولیت پر آمادگی ظاہر کردی ہے، افغانستان کی طرف سے کچھ تاخیر ہے جس کے بعد اس منصوبے پر کام شروع کر دیا جائے گا۔
کرپشن کیس میں فواد چودھری کے وارنٹ گرفتاری جاری
مزید :
پاکستان امن چاہتا ہے، عالمی برادری بھارت کا محاسبہ کرے: وزیرِ اعظم شہباز شریف