وزیراعظم کی صدارت میں قومی اقتصادی کونسل کا اجلاس، چاروں وزرائے اعلیٰ کی شرکت، اہم فیصلے متوقع
اشاعت کی تاریخ: 4th, June 2025 GMT
قومی اقتصادی کونسل (NEC) کا اہم اجلاس وزیراعظم محمد شہباز شریف کی زیر صدارت وزیراعظم ہاؤس اسلام آباد میں جاری ہے۔ اجلاس سے قبل وزیراعظم نے چاروں صوبوں کے وزرائے اعلیٰ کے ہمراہ گروپ فوٹو بھی بنوایا۔
اجلاس میں وفاقی وزرا، چاروں صوبوں کے وزرائے اعلیٰ، متعلقہ حکام اور اقتصادی ماہرین شریک ہیں۔ قومی اقتصادی کونسل کے اجلاس میں آئندہ مالی سال کے لیے ترقیاتی اہداف، بجٹ تجاویز، وفاقی و صوبائی ترقیاتی منصوبوں، اور معیشت کو مستحکم کرنے کے لیے مختلف تجاویز زیر غور ہیں۔
مزید پڑھیں: وفاقی بجٹ 26-2025؛ گاڑیوں اور موٹر بائیکس کی قیمتوں میں کمی ممکن ہے؟
اجلاس میں ملک بھر میں جاری اور آئندہ شروع ہونے والے میگا منصوبوں، پبلک سیکٹر ڈویلپمنٹ پروگرام (PSDP) کی ترجیحات، اور صوبوں کو مالی وسائل کی فراہمی سے متعلق امور پر بھی تفصیلی گفتگو کی جائے گی۔ اجلاس کے اختتام پر اعلامیہ جاری کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
NEC PSDP آئندہ مالی سال سرفراز بگٹی علی امین گنڈا پور قومی اقتصادی کونسل مراد علی شاہ مریم نواز وزیراعظم محمد شہباز شریف.
ذریعہ
ذریعہ: WE News
کلیدی لفظ: آئندہ مالی سال سرفراز بگٹی علی امین گنڈا پور قومی اقتصادی کونسل مراد علی شاہ مریم نواز وزیراعظم محمد شہباز شریف قومی اقتصادی کونسل
پڑھیں:
مختلف علاقوں میں بارشیں ہی بارشیں؛محکمہ موسمیات نے پیش گوئی کردی
اسلام آباد(نیوز ڈیسک)محکمہ موسمیات نےملک کے بیشتر علاقوں میں مزید بارشوں اور ژالہ باری کی پیشگوئی کردی۔
محکمہ موسمیات کےمطابق پنجاب میں بعض مقامات پرآج بھی موسلادھاربارش اورژالہ باری کا امکان ہے،اسلام آبادمیں آج شام کےوقت بارش ہوگی،راولپنڈی،مری،گلیات،اٹک، چکوال، جہلم، گجرات، گوجرانوالہ،لاہور،شیخوپورہ،سیالکوٹ،نارووال،ساہیوال،جھنگ،ٹوبہ ٹیک سنگھ،ننکانہ صاحب،فیصل آباد، اوکاڑہ، قصور،ملتان، خانیوال،لودھراں، مظفرگڑھ اور راجن پور میں بھی بارش کا امکان ہے۔
خیبرپختونخوا میں بھی بعض مقامات پر موسلادھار بارش اورژالہ باری کا امکان ہے، دیر،چترال، سوات، کوہستان، مالاکنڈ، باجوڑ، شانگلہ، بٹگرام،کوہاٹ،بنوں،ڈیرہ اسماعیل خان،خیبر اور وزیرستان، پشاور، ہری پور،مانسہرہ، ایبٹ آباد،مردان اور ہنگو میں بھی بارش متوقع ہے۔
سندھ کےبیشتراضلاع میں موسم شدیدگرم اورخشک رہےگاجبکہ سکھر،لاڑکانہ،جیکب آباد،دادو،گھوٹکی ،کشموراور شکارپورمیں بارش متوقع ہے،دوسری جانب بلوچستان کےجنوبی اضلاع میں بھی موسم شدید گرم رہنےکی توقع ہے،جبکہ کوئٹہ،ژوب،شیرانی،زیارت،چمن،قلعہ عبداللہ،قلعہ سیف اللہ،بارکھان،ڈیرہ بگٹی،نصیر آباد، کوہلو، موسیٰ خیل،خضدار میں بھی بارش متوقع ہے۔
مزید پڑھیں۔کم از کم ماہانہ اجرت 45 ہزار مقرر کرنے کی سفارش
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ