فوتگی کوٹے پر بھرتی کا معاملہ، سندھ حکومت کی توہین عدالت کی درخواست کیخلاف دائر اپیل خارج
اشاعت کی تاریخ: 4th, June 2025 GMT
— فائل فوٹو
سپریم کورٹ کراچی رجسٹری نے محکمہ پولیس میں فوتگی کوٹے پر بطور مالی بھرتی نہ کرنے کے معاملے پر سندھ حکومت کی توہین عدالت کی درخواست کے خلاف دائر کی گئی اپیل غیر مؤثر ہونے پر خارج کر دی۔
عدالت میں سندھ حکومت کی توہین عدالت کی درخواست کے خلاف دائر اپیل پر سماعت ہوئی۔ عدالت میں 3 رکنی بینچ نے سپریم کورٹ کے فوتگی کوٹے سے متعلق فیصلے پر اعتراض کیا ہے۔
جسٹس محمد علی مظہر نے استفسار کیا کہ وفاقی حکومت اور صوبوں کو نوٹس جاری کر کے سوموٹو طرز پر کیس چلایا گیا؟
ایڈیشنل ایڈووکیٹ جنرل نے عدالت کو بتایا کہ فیصلے کے بعد فوتگی کوٹہ سے متعلق بہت سے کیسز آ چکے ہیں اور مزید بھی آئیں گے۔
درخواست گزار محمد علی نے عدالت کو آگاہ کیا کہ سپریم کورٹ کے فیصلے سے پہلے مجھے تقرر نامہ جاری ہوچکا تھا، آر آر ایف میں گریڈ ایک مالی کی پوسٹ پر تقرری لیٹر جاری ہوا تھا۔
درخواست گزار محمد علی نے یہ بھی بتایا کہ سندھ ہائی کورٹ بھی درخواست نمٹا چکی تھی۔
جسٹس محمد علی مظہر نے اپنے ریمارکس دیتے ہوئے کہا کہ سو موٹو طرز پر کیس چلا کر پورے پاکستان کو لپیٹ لیا گیا ہے، سنگین نوعیت کے معاملے کو آئینی بینچ بھیجا جاتا یا لارجر بینچ بنتا۔
سندھ میں مرحوم ملازمین کی اولاد کے لیے ملازمت کا کوٹہ ختم کر دیا گیا۔
اُنہوں نے کہا کہ فیصلے سے پہلے تقرر نامے کے باوجود جوائننگ نہ ہونے والوں کو بھی دیکھنا ہوگا، عدالتی فیصلے سے دیگر کیسز پر بھی اثر پڑے گا، سپریم کورٹ کے جس بینچ نے فیصلہ دیا تھا میں اس میں شامل نہیں تھا۔
عدالت نے ایڈیشنل ایڈووکیٹ جنرل پر برہمی کا اظہار کرتے ہوئے کہا کہ آپ سے زیادہ بہتر عدالت کی معاونت تو ایک مالی کر رہا ہے، آپ نے عدالت سے حقائق چھپائے، یہ اچھی بات نہیں، آفر لیٹر کے اجراء اور سندھ ہائی کورٹ کے فیصلے کے باوجود بھی اپیل لے کر آ گئے۔
یاد رہے کہ سپریم کورٹ نے اپنے فیصلے میں فوتگی کوٹہ ختم کرنے کا حکم دیا تھا۔
.ذریعہ: Jang News
کلیدی لفظ: سپریم کورٹ عدالت کی کورٹ کے
پڑھیں:
گورنرسندھ اور اسپیکر کے درمیان اختیارات کا تنازع، سپریم کورٹ 3 نومبر کو سماعت کرے گی
سپریم کورٹ میں گورنر ہاؤس سندھ اور اسپیکر سندھ اسمبلی کے درمیان اختیارات کا تنازع ایک بار پھر زیرِ بحث آنے والا ہے۔
یہ بھی پڑھیں: قائم مقام گورنر کے اختیارات کا معاملہ: کامران ٹیسوری نے سندھ ہائیکورٹ کا فیصلہ چیلنج کردیا
قائم مقام گورنر کامران ٹیسوری نے سندھ ہائیکورٹ کے اُس فیصلے کو سپریم کورٹ میں چیلنج کردیا ہے جس میں اسپیکر سندھ اسمبلی کو گورنر ہاؤس تک مکمل رسائی دینے کا حکم دیا گیا تھا۔
سپریم کورٹ میں جسٹس امین الدین کی سربراہی میں 5 رکنی آئینی بینچ ایک 3 نومبر کو اس کیس کی سماعت کرے گا۔
یہ بھی پڑھیں: بھارتی رافیل کے ماڈل کو آگ لگا کر چائے کی چسکی، کامران ٹیسوری کی ویڈیو وائرل
سندھ ہائیکورٹ نے اپنے فیصلے میں قرار دیا تھا کہ قائم مقام گورنر کی غیر موجودگی میں اسپیکر سندھ اسمبلی کو گورنر ہاؤس میں داخلے اور اس کے استعمال کا مکمل اختیار حاصل ہے۔
کامران ٹیسوری نے مؤقف اختیار کیا ہے کہ یہ فیصلہ آئینی اختیارات سے متصادم ہے اور نظرثانی کا متقاضی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اویس قادر سپریم کورٹ سندھ سندھ ہائیکورٹ کامران ٹیسوری گورنر ہاؤس
سونے کی کان کنی پر عائد پابندی میں مزید 30 روز کی توسیع