ٹی20 پلیئرز کی نئی رینکنگ جاری، بابر اعظم اور رضوان کی تنزلی، محمد حارث کی لمبی چھلانگ
اشاعت کی تاریخ: 4th, June 2025 GMT
انٹرنیشنل کرکٹ کونسل (آئی سی سی) نے ٹی20 کھلاڑیوں کی نئی رینکنگ جاری کردی۔
یہ بھی پڑھیں ٹی20 کرکٹ ٹیم کی کپتانی سے ہٹائے جانے پر شاہین شاہ آفریدی نے کیا کہا؟
آئی سی سی کی جانب سے جاری کی گئی رینکنگ کے مطابق پاکستان کا کوئی بھی کھلاڑی ٹی20 کرکٹ میں ٹاپ ٹین میں جگہ بنانے میں ناکام رہا۔
آئی سی سی کے مطابق ٹی20 کرکٹ میں آسٹریلیا کے ٹریوس ہیڈ پہلے نمبر پر ہیں، جبکہ بھارتی بیٹر ابھیشک شرما کا دوسرا نمبر ہے۔ اسی طرح انگلینڈ کے فل سالٹ تیسرے نمبر پر ہیں۔
قومی کرکٹ ٹیم کے سابق کپتان بابر اعظم کی 3 درجے تنزلی ہوئی ہے اور وہ 12ویں نمبر پر چلے گئے ہیں۔ جبکہ وکٹ کیپر بیٹر محمد رضوان ایک درجہ تنزلی کے بعد 13ویں نمبر پر پہنچ گئے ہیں۔
اسی طرح وکٹ کیپر بیٹر محمد حارث نے 210 درجے لمبی چھلانگ لگائی ہے اور وہ 30ویں نمبر پر آگئے ہیں۔ جبکہ حسن نواز 57 درجے ترقی کرکے 46 نمبر پر پہنچ گئے ہیں۔
قومی کرکٹ ٹیم کے جارح مزاج بیٹر صائم ایوب نے 4 درجے ترقی پاکر 61ویں پوزیشن حاصل کرلی ہے، جبکہ ٹی20 کے کپتان سلمان علی آغا 42 درجے ترقی پاکر 76ویں پوزیشن پر آگئے ہیں۔
یہ بھی پڑھیں ٹی20 کرکٹ میں پاکستان کو سب سے بڑی شکست، نیوزی لینڈ نے چوتھا میچ 115 رنز سے جیت لیا
واضح رہے کہ قومی کرکٹ ٹیم نے حال ہی میں 3 ٹی20 میچوں کی سیریز میں بنگلہ دیش کو وائٹ واش کیا ہے۔ تاہم اس میچ میں بابر اعظم، محمد رضوان اور شاہین شاہ آفریدی شامل نہیں تھے۔ اور ان کی تنزلی کی ایک یہ وجہ بھی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی سی سی انٹرنیشنل کرکٹ کونسل بابر اعظم پاکستان کرکٹ بورڈ ٹی20 پلیئرز رینکنگ سلمان علی آغا شاہین شاہ آفریدی صائم ایوب محمد حارث محمد رضوان نئی رینکنگ جاری وی نیوز.ذریعہ: WE News
کلیدی لفظ: انٹرنیشنل کرکٹ کونسل پاکستان کرکٹ بورڈ ٹی20 پلیئرز رینکنگ سلمان علی ا غا شاہین شاہ ا فریدی صائم ایوب محمد رضوان وی نیوز ٹی20 کرکٹ کرکٹ ٹیم گئے ہیں
پڑھیں:
پاکستانی نژاد محمد عباس پہلی مرتبہ کیوی سینٹرل کنٹریکٹ حاصل کرنے میں کامیاب، کین ولیمسن نظر انداز
نیوزی لینڈ کرکٹ نے 2025-2026 کے لیے مرکزی کنٹریکٹ یافتہ کھلاڑیوں کی فہرست جاری کردی ہے، جس میں پہلی بار پاکستانی نژاد آل راؤنڈر محمد عباس کو شامل کیا گیا ہے۔ وہ نیوزی لینڈ کی کرکٹ تاریخ میں سینٹرل کنٹریکٹ حاصل کرنے والے پہلے پاکستانی نژاد کھلاڑی بن گئے ہیں۔
دوسری جانب سابق کپتان کین ولیمسن نے مسلسل دوسرے سال بھی سینٹرل کنٹریکٹ لینے سے انکار کردیا ہے، اور امکان ہے کہ وہ جولائی کے آخر میں زمبابوے کے خلاف 2 ٹیسٹ میچوں کی سیریز میں شرکت نہیں کریں گے۔
کین ولیمسن نے پچھلے سال بھی کنٹریکٹ نہ لینے کا فیصلہ کیا تھا تاکہ وہ دنیا بھر کی T20 لیگز میں آزادانہ طور پر کھیل سکیں۔ تاہم انہوں نے نان-سینٹرل یا کیژوئل کنٹریکٹ پر دستخط کیے اور پھر بھی 2024 میں نیوزی لینڈ کے 13 میں سے 9 ٹیسٹ میچز میں شرکت کی، جن میں 1000 سے زائد رنز اسکور کیے۔
مزید پڑھیں: مستقبل کے ‘فیب فائیو’ کون ہوں گے؟ کین ولیمسن نے بتا دیا
نیوزی لینڈ کرکٹ نے اس سال کے 20 کنٹریکٹ یافتہ کھلاڑیوں کی فہرست میں ولیمسن کے ساتھ ساتھ ڈیوون کونوے، فن ایلن، ٹم سیفرٹ اور لاکی فرگوسن کو بھی شامل نہیں کیا، جو اس وقت مختلف عالمی T20 لیگز میں مصروف ہیں۔
کین ولیمسن اس وقت انگلینڈ میں مڈل سیکس کی نمائندگی کر رہے ہیں اور ’دی ہنڈرڈ‘ میں لندن اسپرٹ کے لیے کھیلیں گے، جبکہ نیوزی لینڈ ٹیم زمبابوے میں مصروف ہو گی۔
نیوزی لینڈ کرکٹ کے سی ای او اسکاٹ ویننک نے محمد عباس، اسپنر آدی اشوک، وکٹ کیپر مچ ہے اور آل راؤنڈر زیک فاؤلکس کو پہلی بار کنٹریکٹ دینے پر خوشی کا اظہار کیا ہے۔
مزید پڑھیں: ’پاکستان کے خلاف اسکور نہ کریں‘، پاکستانی مداح کی کین ولیمسن سے درخواست، ویڈیو وائرل
اسکاٹ ویننک نے کہا کہ مچ، محمد، آدی اور زیک کے ساتھ معاہدے اس بات کا عکاس ہیں کہ ہمارے سسٹم میں کس قدر باصلاحیت کھلاڑی آ رہے ہیں۔ ان کھلاڑیوں نے اعلیٰ سطح پر اپنی صلاحیت کا مظاہرہ کیا ہے اور ان میں بلیک کیپس کے لیے کھیلنے کا جذبہ ہے جو قابلِ تحسین ہے۔
ان کا کہنا تھا کہ محمد عباس کی شمولیت نہ صرف ان کی انفرادی کارکردگی کا اعتراف ہے بلکہ نیوزی لینڈ کرکٹ میں تنوع اور میرٹ پر مبنی انتخاب کی بھی علامت ہے۔ ان کی آل راؤنڈ صلاحیتوں نے انہیں تیزی سے ابھرتے ہوئے کرکٹرز میں شامل کیا ہے، اور اب وہ بلیک کیپس کے مستقبل کا اہم حصہ بننے جا رہے ہیں۔
کین ولیمسن کے بغیر بلیک کیپس کی ٹیم کیسی کارکردگی دکھاتی ہے، یہ دیکھنا دلچسپ ہو گا، تاہم ٹیم میں نوجوانوں کی شمولیت سے نئی توانائی اور امکانات کی امید کی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی نژاد آل راؤنڈر محمد عباس کین ولیمسن نیوزی لینڈ کرکٹ
خطے میں امن و استحکام کا خواب