سمبڑیال ضمنی انتخاب میں دھاندلی کی گئی، نتائج کو مسترد کرتے ہیں، پی ٹی آئی
اشاعت کی تاریخ: 4th, June 2025 GMT
اسلام آباد:
پاکستان تحریک انصاف (پی ٹی آئی) کے سیکریٹری اطلاعات شیخ وقاص اکرم نے پنجاب اسمبلی کے حلقے سمبڑیال کے ضمنی انتخاب میں حکمران جماعت مسلم لیگ(ن) پر دھاندلی کا الزام عائد کرتے ہوئے کہا ہے کہ ہم ان نتائج کو مسترد کرتے ہیں۔
پاکستان تحریک انصاف (پی ٹی آئی) کے ترجمان شیخ وقاص اکرم نے عالیہ حمزہ اور دیگر رہنماؤں کے ہمراہ اسلام آباد میں پریس کانفرنس کرتے ہوئے کہا کہ سمبڑیال الیکشن میں دھاندلی، غنڈی گردی اور بدمعاشی کا بازار سرگرم کیا گیا، آر او دفتر کے سامنے چیف آرگنائزر پنجاب عالیہ حمزہ اور کارکنان نے احتجاج کیا۔
انہوں نے کہا کہ یہ الیکشن نہیں دھاندلا تھا، اس الیکشن میں الیکٹورل پراسیس کو فالو نہیں کیا گیا، پولیس نے نظم و مظاہرہ نہیں کیا، پولیس پی ٹی آئی کے پولنگ ایجنٹس کو باہر نکالتی رہی۔
شیخ وقاص اکرم نے کہا کہ پولیس نے ہمارے ووٹرز کو ڈرایا اور ہراساں کیا، بیلٹ باکسز بھرے ہوئے لائے گئے، بیلٹ باکسز تبدیل کیے گئے، ہمارے کیمپ اکھاڑ دیے گئے۔
انہوں نے کہا کہ گنتی ہمیشہ پولنگ ایجنٹس کی موجودگی میں ہوتی ہے، ہمارے پولنگ ایجنٹس کو باہر نکال دیا گیا، گنتی مکمل ہونے کے بعد مصدقہ فارم پر پولنگ ایجنٹس کے دستخط ضروری ہیں۔
ان کا کہنا تھا کہ اس الیکشن میں سب کچھ پہلے سے طے تھا، پولنگ اسٹیشنز کو ٹارگٹ کرکے مسلم لیگ(ن) نے دھاندلی کی، ہم اس الیکشن کے نتائج کو مسترد کرتے ہیں، ہمارے وفات پانے والے امیدوار جو اس حلقے سے آخری بار الیکشن لڑے تھے انہوں نے تب بھی 58 ہزار ووٹ حاصل کیے تھے۔
رہنما پی ٹی آئی نے کہا کہ ٹرن آؤٹ بہت کم تھا، مسلم لیگ(ن)کے بندے بالکل نہیں نکلے، ان کے کیمپس خالی تھے اور یہ سب فراڈ تھا، ہم اس کو نہیں مانتے۔
سیکریٹری اطلاعات پی ٹی آئی نے کہا کہ عالیہ حمزہ نے اس الیکشن میں بہت محنت کی، یہ پیٹرن ان چیف کو لوگوں کے دلوں سے نکالنے کی کوشش کر رہے ہیں، ان کے تمام حربے ناکام رہے۔
انہوں نے کہا کہ پیٹرن ان چیف کی رہائی اور مینڈیٹ کی واپسی سمیت 26 ویں آئینی ترمیم کی واپسی کی تحریک جاری رہے گی۔
اس موقع پر چیف آرگنائزر پی ٹی آئی پنجاب عالیہ حمزہ نے کہا کہ ہمارے پاس اس الیکشن میں کی گئی دھاندلی کے مکمل شواہد موجود ہیں۔
.ذریعہ: Express News
کلیدی لفظ: اس الیکشن میں پولنگ ایجنٹس عالیہ حمزہ پی ٹی آئی نے کہا کہ انہوں نے
پڑھیں:
خاتون نے دوگنا ووٹوں سے شکست دی؛ وقاص اکرم کو جھوٹ بولنے پر شرم آنا چاہئے لیکن نہیں آئےگی
سمبڑیال میں مسلم لیگ نون کی خاتون نے دوگنا ووٹ لے کر ذلت آمیز شکست دی۔ 39ہزار ووٹوں کی لیڈ سے شکست کھانے کے بعد دھاندلی کا الزام لگاناشرمناک ڈھٹائی ہے۔
یہ بات پاکستان مسلم لیگ نون کی رہنما اور پنجاب کی وزیراطلاعات عظمیٰ بخاری نے پی ٹی آئی کے وقاص اکرم کی الزامات سے بھری پریس کانفرنس پر ردعمل میں کہی۔
عظمیٰ بخاری نے کہا کہ سمبڑیال میں مسلم لیگ نون کی خاتون امیدوار اور ان کے خلاف کھڑے امیدوار کی مقبولیت میں دوگنا سے زیادہ فرق تھا، یہ ایک طرح سے یک طرفہ الیکشن تھا، تمام حلقہ کے لوگ جانتے تھے کہ سمبڑیال میں بانی کے باقی ماندہ حواریوں کو عبرتناک شکست ہو گی۔ اس الیکشن پر دھاندلی کا الزام لگانا ڈھٹائی کی ایک نئی مثال قائل کی ہے۔
صدرِ مملکت سے سردار سلیم حیدر سمیت پارٹی رہنماؤں کی ملاقات، اہم امور پر تبادلہ خیال
عظمیٰ بخاری نے کہا کہ غیر سرکاری ادارہ فیفن کی رپورٹ میں کہا گیا کہ تمام پریزائیڈنگ افسروں نے مخلاف کے پولنگ ایجنٹس کو فارم 45 دیئے۔
فیفن نے مخالف امیدوار کے 121پولنگ ایجنٹوں سے انٹرویو کیے ان میں سے 116پولنگ ایجنٹوں نے ووٹنگ کے عمل پر اطمینان کا اظہار کیا۔
ؑظمیٰ نے بتایا کہ حالیہ ضمنی الیکشن سے یہ حقیقت سامنے آئی کہ مریم نواز کی پنجاب کی وزیراعلیٰ کی ھیثیت سے شاندار پرفارمنس پر سمبڑیال کے عوام خوش ہیں۔ سمبڑیال میں مسلم لیگ(ن) کا ووٹ 41فیصد سے بڑھ کر 59فیصد ہو گیا ہے۔
متحدہ عرب امارات میں عید الاضحیٰ پر 3 ہزار قیدیوں کی رہائی کا حکم
فیفن نے کہا ہے کہ سمڑیال میں پی ٹی آئی کا ووٹ 35فیصد س تھا جو مزید کم ہو کے 29فیصد رہ گیا۔ عظمیٰ بخاری نے کہا کہ 59 فیصد ووٹروں کی پسندیدہ جماعت کا 29 فیصد والوں سے کوئی تقابل ہی نہیں بنتا، جب کسی حلقہ میں ووٹروں کی پسندیدگی کا تناسب یہ ہو تو وہاں الیکشن یک طرفہ ہو جاتا ہے اور کمزور پاررٹی کے بہت سے ووٹر ووٹ تک ڈٓلنے نہین جاتے کیونکہ نتیجہ پہلے نطر آ رہا ہوتا ہے۔
ماسک پہننے اور موٹر سائیکل کی ڈبل سواری پر پابندی
عظمیٰ بخاری نے کہا، سمبڑیال صوبائی اسمبلی کے حلقہ 52 کے الیکشن کے گہرے مشاہدہ کے بعد فیفن کی یہ رپورٹ تحریک انصاف اور اسکے ایجنڈے پر چلنے والے نام نہاد فلسفیوں اور جعلی دانشوروں کے لئے ڈوب مرنے کےلئے کافی ہے:
شکست تسلیم کرنے کی بجائے پولیس اور ضلعی انتظامیہ پر الزامات لگانا پی ٹی آئی کا پرانا وطیرہ ہے۔
پنجاب اب مریم نواز کی خدمت کی سیاست کو ووٹ دیتا اور سپورٹ کرتا ہے۔سمڑیال کے عوام نے بانی کے ریاست مخالف بیانیے کو مسترد کردیا۔
حکومت آئندہ بجٹ تاجروں کی مشاورت سے تیار کرے،انجمن تاجران کا مطالبہ
عظمیٰ بخاری نے یاد دلایا کہ سمبڑیال کی یہ نشست ہمیشہ مسلم لیگ ن کی رہی اور ناقابل شکست رہی ہے۔ وقاص اکرم کو جھوٹ بولتے ہوئے شرم آنا چاہئے لیکن نہیں آئے گی، انہیں شرم آنا ممکن ہوتا تو وہ پی تی آئی میں نہ بیٹھے ہوتے۔
Waseem Azmet
وزیراعظم محمد شہباز شریف 2 روزہ دورہ تاجکستان مکمل کرکے وطن روانہ