وزیراعظم شہباز شریف اعلیٰ سطح کے وفد کے ہمراہ کل سعودی عرب روانہ ہوں گے
اشاعت کی تاریخ: 4th, June 2025 GMT
وزیراعظم شہباز شریف اعلیٰ سطح کے وفد کے ہمراہ سعودی عرب کے اہم سرکاری دورے پر روانہ ہوں گے۔
دفتر خارجہ کے ترجمان کی جانب سے جاری اعلامیے کے مطابق وزیر اعظم شہبازشریف 5 تا 6 جون 2025 کوسعودی عرب کا سرکاری دورہ کریں گے اور عید الاضحیٰ وہیں مناٰٗئیں گے۔
ترجمان کے مطابق وزیر اعظم سعودی ولی عہد شہزادہ محمد بن سلمان سے ملاقات کریں گے، جس میں تجارت اور سرمایہ کاری سمیت اہم شعبوں میں دوطرفہ تعاون کومضبوط بنانے پر توجہ دی جائے گی۔
دفتر خارجہ کے مطابق وزیراعظم پاکستان بھارت حالیہ تنازع کو کم کرنے میں تعمیری کردار پرسعودی قیادت کا شکریہ ادا کریں گے۔
ترجمان دفتر خارجہ کا کہنا ہے کہ یہ دورہ پاکستان اور سعودی عرب کے درمیان گہرے، وقتی آزمائشی تعلقات کی نشاندہی ہے، وزیراعظم کے دورے سے پاکستان سعودی عرب تعلقات کومستحکم کرنے اور کثیر جہتی تعاون کی نئی راہیں کھلنے کی توقع ہے۔
.ذریعہ: Express News
پڑھیں:
سعودی عرب کا دو روزہ دورہ، وزیراعظم کل روانہ ہوں گے
سٹی 42 : وزیراعظم شہباز شریف کل سعودی عرب کے دو روزہ دورے پر روانہ ہوں گے۔
وزیر اعظم شہباز شریف اپنے دورے کے دوران سعودی حکام سے ملاقاتوں میں حالیہ پاک بھارت جنگ کے دوران ساتھ دینے پر سعودی عرب کا شکریہ ادا کریں گے۔
فیلڈ مارشل سید عاصم منیر ،وزیر اعظم کے ہمراہ سعودیہ جائیں گے۔ اس کے علاوہ وزیردفاع خواجہ آصف، نائب وزیراعظم اسحاق ڈار اور وزیر اطلاعات عطاء تارڑ بھی وزیر اعظم کے ہمراہ ہوں گے۔
مودی کو دیکھیں تو یہ لگتا ہے کہ وہ نیتن یاہو کی کاپی ہے
خیال رہے کہ چند روز قبل ہی وزیراعظم شہباز شریف 6 روزہ غیر ملکی دورے کے بعد وطن واپس پہنچ گئے تھے۔ وزیراعظم نے ترکیہ، ایران، تاجکستان اور آذربائیجان کا دورہ کیا اور دوست ممالک کی قیادت کا حالیہ پاک بھارت کشیدگی کے دوران بھرپور حمایت پر شکریہ ادا کیا تھا۔
پیٹرول چوری کرنے والے ہوجائیں ہوشیار ، حکومت کا بڑا فیصلہ