ڈی آئی خان میں اغوا کی سنگین واردات، 11 میں سے 6 ملازمین بازیاب، سرچ آپریشن جاری
اشاعت کی تاریخ: 5th, June 2025 GMT
خیبر پختونخوا کے جنوبی ضلع ڈیرہ اسماعیل خان میں دوماندہ پل کے قریب اس وقت کشیدگی پھیل گئی جب نامعلوم مسلح افراد نے ایک نجی کمپنی کے 11 ملازمین کو اغوا کر لیا۔ یہ ملازمین 3 گاڑیوں میں اسلام آباد سے کوئٹہ جا رہے تھے۔
یہ بھی پڑھیں:تربت: اسسٹنٹ کمشنر تمپ محمد حنیف نورزئی اغوا، سرچ آپریشن جاری
کاؤنٹر ٹیررازم ڈیپارٹمنٹ (سی ٹی ڈی) کے مطابق بروقت کارروائی کرتے ہوئے 6 مغویوں کو بازیاب کرا لیا گیا ہے، جبکہ دیگر 5 کی بازیابی کے لیے آپریشن جاری ہے۔
واقعہ اس خطے میں پیش آیا جو ماضی میں بھی شدت پسند گروپوں اور جرائم پیشہ عناصر کی سرگرمیوں کا مرکز رہا ہے، خاص طور پر قبائلی علاقوں سے متصل سرحدی پٹی۔
سیکیورٹی ذرائع کا کہنا ہے کہ علاقے کی جغرافیائی ساخت، دشوار گزار پہاڑی سلسلہ اور قبائلی روابط اغوا جیسے واقعات کی پیچیدگی کو بڑھا دیتے ہیں۔ یہی وجہ ہے کہ قانون نافذ کرنے والے ادارے پوری احتیاط اور حکمتِ عملی کے ساتھ کارروائی کر رہے ہیں۔
گھوٹکی میں بھی بڑی کامیابی، 25 روز بعد مغوی بھائی بازیابدوسری جانب سندھ کے ضلع گھوٹکی کے حساس علاقے رونتی میں پولیس نے خفیہ اطلاع پر ٹارگیٹڈ آپریشن کرتے ہوئے 2 مغوی بھائیوں کو بازیاب کرا لیا۔
پولیس کے مطابق ان دونوں افراد کو تقریباً 25 روز قبل صوبہ سندھ اور پنجاب کی سرحد کے قریب واقع ایک مچھلی فارم سے اغوا کیا گیا تھا۔
یہ بھی پڑھیں:ڈی آئی جی سکھر اور ایس ایس پی گھوٹکی کو عہدوں سے کیوں ہٹایا گیا؟
رونتی، گھوٹکی اور اس کے نواحی علاقے حالیہ برسوں میں ڈاکوؤں اور جرائم پیشہ گروہوں کی پناہ گاہ سمجھے جاتے رہے ہیں، جہاں ریاستی عمل داری کو چیلنج کیا جاتا رہا ہے۔
پولیس کا کہنا ہے کہ مغویوں کی بازیابی قانون نافذ کرنے والے اداروں کے مربوط ردعمل کا نتیجہ ہے اور اغوا کاروں کے خلاف مزید کارروائیوں کا دائرہ وسیع کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد ڈیرہ اسماعیل خان ضلع گھوٹکی کوئٹہ.ذریعہ: WE News
کلیدی لفظ: اسلام اباد ڈیرہ اسماعیل خان ضلع گھوٹکی کوئٹہ
پڑھیں:
کراچی، اغوا برائے تاوان میں ملوث 5 پولیس اہلکار گرفتار
فائل فوٹوکراچی پولیس نے ملیر میں کارروائی کرکے اغوا برائے تاوان میں ملوث 5 پولیس اہلکار گرفتار کرلیے ہیں۔
پولیس حکام کے مطابق گرفتار اہلکاروں نے مدد علی کو بلاول جوکھیو گوٹھ سے گزشتہ شب اغوا کیا، جنہیں آج ملیر میں کارروائی کرکے گرفتار کیا گیا ہے۔
پولیس حکام کے مطابق ملزمان نے مغوی شہری کے اہل خانہ سے لاکھوں روپے ادائیگی کا مطالبہ بھی کیا۔
ملیر کینٹ پولیس نے کارروائی کرکے مغوی کو بازیاب کروایا اور 5 اہلکار گرفتار کرلیے، جن کی شناخت عبدالغفار، ریاض، راشد علی، خالد اور نعیم کے نام سے ہوئی ہے۔
پولیس حکام کے مطابق ملزمان نے تاوان طلب کرنے اور غیر قانونی حراست میں رکھنے کا اعتراف کیا ہے، جن کے خلاف قانونی کارروائی اور تفتیشی عمل جاری ہے۔
بہاولنگر :پانی کے تنازع پر 2 گروپوں میں فائرنگ، باپ اور دو بیٹے جاں بحق