تین جوڑی جڑواں بھائی حجاج کی خدمت میں سرگرم، منفرد ریکارڈ قائم
اشاعت کی تاریخ: 5th, June 2025 GMT
حج 2025 کے موقع پر سعودی عربین اسکاؤٹس ایسوسی ایشن کی جانب سے منیٰ میں لگائے گئے عوامی خدمت کیمپوں میں ایک غیرمعمولی اتفاق دیکھنے میں آیا، جہاں 3 جوڑی جڑواں سعودی بھائیوں نے مشترکہ طور پر حجاج کی خدمت کی۔ یہ نوجوان اسکاؤٹس ریاض کے علاقے الربیع میں واقع سول ڈیولپمنٹ ایسوسی ایشن کے اسکاؤٹ گروپ سے تعلق رکھتے ہیں۔
سعودی گزٹ کے مطابق ان جڑواں بھائیوں حسام اور عصام سعید القرنی، عزام اور عمار سلیمان السلیمان، اور ولید اور مہند عبدالحکیم العتیبی کو نہ صرف خون کا رشتہ اور مشابہت جوڑتی ہے بلکہ رضاکارانہ خدمت، اسکاؤٹنگ اور حاجیوں کی خدمت کا مشترکہ جذبہ بھی انہیں یکجا کرتا ہے۔
القرنی برادران نے بتایا کہ اسکاؤٹنگ ان کے لیے محض ایک سرگرمی نہیں بلکہ ایک شعوری طور پر اپنایا گیا طرزِ زندگی ہے۔ ہمیں بچپن سے اپنے وطن سے محبت کرنا سکھایا گیا، اور اسکاؤٹنگ نے ہمیں موقع دیا کہ ہم اس محبت کو عمل میں ڈھال سکیں۔ ہم حاجیوں کی رہنمائی کرتے ہیں، ابتدائی طبی امداد فراہم کرتے ہیں اور ہر ممکن مدد کرتے ہیں۔ ہر لمحہ ہمیں صبر، شفقت اور نظم و ضبط کا ایک نیا سبق دیتا ہے۔
مزید پڑھیں: رائل انسٹی ٹیوٹ آف ٹریڈیشنل آرٹس کی جانب سے حجاج کرام کا خیر مقدم اور تحائف کی تقسیم
السلیمان بھائیوں نے اس تجربے کو اپنی باہمی رفاقت کو مزید مضبوط کرنے والا قرار دیا۔ انہوں نے کہا کہ ہم سمجھتے تھے کہ ہم ایک دوسرے کو اچھی طرح جانتے ہیں، لیکن حج کے ماحول اور ذمہ داریوں کے دباؤ میں ہمیں ایک دوسرے کے اندر تعاون، انحصار اور ہم آہنگی کے نئے پہلو نظر آئے۔ ہم ایک ٹیم کی طرح کام کرتے ہیں، ایک دوسرے کو مکمل کرتے ہیں، اور ہر خدمت حاجی کی راحت کے لیے کرتے ہیں، جنہیں ہم اپنے مہمان سمجھتے ہیں۔
العتیبی جڑواں بھائیوں نے اپنی شرکت کو ایک زندگی بدل دینے والا تجربہ قرار دیا۔ کہا آج ہم نہ صرف خدمت کر رہے ہیں بلکہ سیکھ رہے ہیں کہ ہجوم میں پرسکون رہنا کیسے ہے، بغیر شکریے کے پیش قدمی کیسے کرنی ہے، اور یہ کہ اسکاؤٹنگ درحقیقت ایک جامع تربیتی میدان ہے۔ بھائی ہونے کے ناتے، ہم دونوں ایک ساتھ یہاں موجود ہیں، ہر لمحہ اور ہر تجربہ بانٹ رہے ہیں، اور یہ ہمارے لیے ایک ایسا یادگار سرمایہ ہے جو ہمیشہ ہمارے ساتھ رہے گا۔
یہ منفرد منظر جہاں 3 جڑواں جوڑیاں ایک ہی مقصد کے لیے یکجا ہوئیں، نہ صرف اس بات کی علامت ہے کہ نئی نسل خدمتِ خلق سے کس حد تک وابستہ ہے، بلکہ یہ اسکاؤٹنگ کے اس مثالی جذبے کو بھی اجاگر کرتا ہے جو خلوص، اتحاد اور ایثار پر مبنی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تین جوڑی جڑواں بھائی حج 2025 حجاج کی خدمت سعودی عربین اسکاؤٹس ایسوسی ایشن سعودی گزٹ منیٰ.ذریعہ: WE News
کلیدی لفظ: حجاج کی خدمت سعودی عربین اسکاو ٹس ایسوسی ایشن اسکاو ٹنگ کرتے ہیں کی خدمت کے لیے
پڑھیں:
ایران میں 2 پاکستانیوں کو قتل کردیا گیا
ایران کے سرحدی شہر سرباز میں 2 پاکستانیوں کو قتل کردیا گیا۔
اہلخانہ کے مطابق ایران میں قتل کیے گئے پاکستانیوں کا تعلق احمد پور شرقیہ اور کراچی سے ہے۔ دونوں مقتول پاکستانی ایران میں باربر کی دکان پر کام کرتے تھے۔
مقتول کے بھائی فاروق نے کہا کہ میرا بھائی مجاہد کئی برس سے ایران میں مزدوری کرتا تھا، گزشتہ رات ملزمان نے بھائی کو قتل کرنے کے بعد ویڈیو بھیجی۔
انہوں نے مزید کہا کہ ملزمان نے بھائی کو اغواء کرکے تاوان طلب کیا تھا، حکومت سے مطالبہ ہے بھائی کی لاش لانے کا انتظام کیا جائے۔
فاروق نے یہ بھی کہا کہ جاں بحق ہونے والے دوسرے مزدور کا نام محمد فہیم ہے، جس کا تعلق کراچی سے ہے۔
یاد رہے کہ 2 ماہ قبل بھی ضلع بہاولپور کے 8 مزدوروں کو ایران میں قتل کردیا گیا تھا۔
کم عمری کی شادی سے متعلق بل کو مذہب سے متصادم قرار دینا بچوں کے حقوق کی نفی ہے: انسانی حقوق کمیشن