آئی سی سی کی ٹی20 رینکنگ جاری، بابر اور رضوان کی تنزلی
اشاعت کی تاریخ: 5th, June 2025 GMT
انٹرنیشنل کرکٹ کونسل (آئی سی سی) نے ٹی ٹوئنٹی فارمیٹ میں پلیئرز کی نئی رینکنگ جاری کردی۔ جاری کی گئی نئی رینکنگ میں پاکستان کے سابق کپتان بابراعظم اب ٹاپ ٹین سےباہر ہوگئے۔
آئی سی سی کی جانب سے جاری کی گئی نئی کے مطابق قومی ٹیم کے نوجوان وکٹ کیپر بیٹر محمد حارث نے بنگلا دیش کے خلاف شاندار پرفارمنس کے بعد رینکنگ میں نمایاں ترقی حاصل کرتے ہوئے 30 ویں پوزیشن پر پہنچ گئے۔
دوسری جانب نوجوان بیٹر حسن نواز بھی رینکنگ میں تیزی سے ترقی کے بعد 45 ویں، صائم ایوب 61ویں اور کپتان سلمان آغا 76ویں پوزیشن پر آگئے ہیں۔
قومی ٹیم کے سابق کپتان بابراعظم 3 درجہ اور محمد رضوان 1 درجہ تنزلی کے بعد بالترتیب 12ویں اور 13ویں پوزیشن پر آگئے ہیں۔
آئی سی سی ٹی ٹوئنٹی رینکنگ میں بیٹرز میں آسٹریلیا کے ٹریوس ہیڈ کی پہلی بھارت کے ابھیشیک شرما دوسری اور انگلش بیٹر فل سالٹ تیسری پوزیشن پر براجمان ہیں۔
ٹی ٹوئنٹی بولرز کی رینکنگ کوئی پاکستانی بولر شامل نہیں۔ نیوزی لینڈ کے جیکب ڈفی کی پہلے، ویسٹ انڈیز کے عقیل حسین دوسرے اور بھارت کے ورون چکرورتی تیسرےنمبر پر موجود ہیں ۔
حارث رؤف 2 درجے اور شاہین آفریدی 5 درجہ تنزلی کے بعد بالترتیب 20 ویں 36 ویں نمبر پر چلے گئے۔ عباس آفریدی 18 درجہ بہتری کے بعد 21 ویں نمبر آگئے ہیں۔
Post Views: 3.ذریعہ: Daily Mumtaz
پڑھیں:
صائم ایوب کا ٹی ٹوئنٹی میں منفی ریکارڈ، بابراعظم کے برابر آگئے
پاکستان ٹیم کے اوپنر صائم ایوب نے ٹی 20 انٹرنیشنل میں صفر پر آؤٹ ہونے کا بابراعظم کا ریکارڈ برابر کر دیا۔
ایشیا کپ میں اتوار کے روز کھیلے گئے میچ میں پاکستانی اوپنر صائم ایوب پہلی ہی گیند پر کھاتہ کھولے بغیر آؤٹ ہوگئے۔
صائم ایوب نے ہردیک پانڈیا کی لینتھ ڈلیوری کو سیدھا پوائنٹ پر موجود جسپریت بمراہ کے ہاتھوں میں اچھال دیا، وہ ٹی 20 انٹرنیشنل میں ساتویں مرتبہ صفر کی خفت سے دوچار ہوئے ہیں۔
اس طرح، انہوں نے پاکستان کی جانب سے مختصر فارمیٹ میں سب سے زیادہ صفر کی خفت سے دوچار ہونے والے کھلاڑیوں کی فہرست میں تیسرے نمبر پر موجود سابق کپتان بابراعظم کو جوائن کرلیا، جہاں ان کے ساتھ محمد حفیظ اور کامران اکمل بھی موجود ہیں۔
ٹی 20 انٹرنیشنل میں سب سے زیادہ صفر پر آؤٹ ہونے کا منفی ریکارڈ عمر اکمل کے نام ہے جوکہ 84 میچز میں 10 مرتبہ کھاتہ کھولنے میں ناکام رہے جبکہ شاہد آفریدی اس فہرست میں 8 صفر کے ساتھ دوسرے نمبر پر موجود ہیں۔
صائم ایوب 43 میچز میں 7 بار صفر پر آؤٹ ہوئے، کامران اکمل 58 میچز، حفیظ 119 اور بابراعظم 128 میچز میں 7 بار صفر پر آؤٹ ہوئے۔
واضح رہے کہ گزشتہ روز ایشیا کپ میں بھارت کے خلاف میچ میں پاکستان کو شکست کا سامنا کرنا پڑا تھا۔
اسٹاک ایکسچینج میں بلندی کا نیا ریکارڈ؛ معیشت کی سمت درست اور ترقی کا سفر جاری ہے، وزیراعظم