اچھائی اور برائی کبھی برابر نہیں، برائی کو اچھی طرح رد کردو، خطبہ حج
اشاعت کی تاریخ: 5th, June 2025 GMT
مکہ مکرمہ ( اُردو پوائنٹ اخبارتازہ ترین۔ 05 جون 2025ء ) امام و خطیب مسجد الحرام شیخ صالح بن حمید نے خطبہ حج میں کہا کہ اللہ تعالی نے دین اسلام کو انسانیت کے لیے پسند کیا، اے بیت اللہ کے حاجیو اللہ سے ڈرو، حضور صلی اللہ علیہ وسلم نے فرمایا اللہ کی عبادت ایسے کرو جیسے تم اسے دیکھ رہے ہو، اے مسلمانوں تقویٰ دنیا اور آخرت دونوں جگہوں کی خیر کا باعث ہے، تقویٰ اختیار کریں گے تو اللہ تعالیٰ جنت عطا فرمائے گا، اللہ صبر کرنے والوں کے ساتھ ہے، اللہ ایمان والے مرد و خواتین کو بہترین انعام دے گا، شیطان تمہارا دشمن ہے اس سے دور رہو۔
انہوں نے کہا کہ حدیث اور قرآن دونوں لازم و ملزوم ہیں جو حدیث کا انکار کرتا ہے وہ قرآن کا انکار کرتا ہے، اللہ تعالیٰ نے ہر چیز کا وقت مقرر کر رکھا ہے، اللہ تعالی نے نیکی پر عمل اور برائی سے دوری کا حکم دیا ہے، ﷲ کی رحمت بھلائی کرنے والوں کے لیے ہے، زمین اور آسمان کا مالک صرف رب ہے، اللّٰہ ہر چیز پر قدرت رکھتا ہے، اےایمان والوں اپنےہمسائیوں کےحقوق کاخیال رکھو، شریعت پر عمل کرو اور دین کو اپنے سامنے رکھو، اچھائی اور برائی کبھی برابر نہیں، برائی کو اچھی طرح رد کردو، ایمان قول، فعل اور عمل کا نام ہے، ریا کار کا اللہ کے پاس کوئی مقام اور مرتبہ نہیں۔(جاری ہے)
خطبہ حج مین کہا گیا کہ نیکیاں برائیوں کو مٹا دیتی ہیں لہذا نیکیوں کی زیادہ سے زیادہ کوشش کرنی چاہیئے، نماز قائم کرو یہ اللہ اور بندے کے درمیان ایک بہترین رابطہ اور سب سے زیادہ درمیان کی نماز کی حفاظت کرو، انسان کو باطنی امراض سے بچنا چاہیئے کیوں کہ باطنی امراض کی وجہ سے انسان اللہ کا تقرب حاصل نہیں کر پاتا، رمضان کے روزے تم پر فرض کیے گئے جیسے تم سے پچھلی امتوں پر فرض کیے گئے، روزے انسان کو باطنی امراض سے پاک کر دیتے ہیں۔ بتایا گیا ہے کہ خطبۂ حج کا ترجمہ 35 مختلف زبانوں میں دنیا بھر میں نشر کیا گیا تاکہ ہر مسلمان اس کے مفہوم کو براہِ راست سمجھ سکے، لاکھوں عازمین نے منیٰ میں قیام کے بعد آج میدانِ عرفات کا رُخ کیا جہاں انہوں نے خطبۂ حج سنا اور پھر ظہر و عصر کی نمازیں یکجا ادا کی، حجاج سورج غروب ہونے تک عرفات میں قیام کریں گے اور پھر نمازِ مغرب پڑھے بغیر مزدلفہ روانہ ہوں گے، مزدلفہ میں حجاج مغرب اور عشاء کی نمازیں ملا کر ادا کریں گے جہاں وہ شیطان کو مارنے کے لیے کنکریاں جمع کریں گے اور کھلے آسمان تلے رات گزاریں گے۔ بتایا جارہا ہے کہ 10 ذوالحجہ کو وقوفِ مزدلفہ کے بعد حجاج جمرہ عقبہ یعنی بڑے شیطان کو 7 کنکریاں ماریں گے، قربانی دیں گے، حلق یا قصر کروائیں گے اور احرام کھول دیں گے، 11 ذوالحجہ کو تینوں شیطانوں یعنی چھوٹے، درمیانے، بڑے پر 7,7 کنکریاں ماری جائیں گی، اس کے بعد حجاج طوافِ زیارت کیلئے خانہ کعبہ جائیں گے اور صفا و مروہ کی سعی کریں گے، 12 ذوالحجہ کو زوال آفتاب کے بعد پھر تینوں جمرات پر رمی کی جائے گی، 13 ذوالحجہ کو حجاج کرام منیٰ میں رمی مکمل کرکے اپنی قیام گاہوں کو روانہ ہوں گے۔.
ذریعہ
ذریعہ: UrduPoint
کلیدی لفظ: تلاش کیجئے اللہ تعالی ذوالحجہ کو کریں گے کے بعد گے اور
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار