پی ٹی آئی کا کارکن تو بانی پی ٹی آئی کے کہنے پر ہی نکلے گا
اشاعت کی تاریخ: 6th, June 2025 GMT
لاہور:
گروپ ایڈیٹر ایکسپریس ایاز خان کا کہنا ہے کہ پی ٹی آئی کا کارکن نکلے گا تو عمران خان کے کہنے پر نکلے گا، غالباً سوچ بھی یہی ہے جو پیٹرن انچیف خود کو قرار دیا ہے، عمران خان نے اور یہ کہا ہے اب میں کال دوں گا اور میں لیڈکروں گا اس احتجاج کو، مجھے لگتا ہے کہ کارکن کیلیے میسج عمران خان صاحب کاچونکہ میں کال دوں گا، میں لیڈ کروں گا لہذا آپ نکلیں۔
ایکسپریس نیوز کے پروگرام ایکسپرٹس میں گفتگو کرتے ہوئے انھوں نے کہا کہ جو آج بہت زیادہ ہائیپ بنی ہوئی تھی کہ پانچ جون کو رہا ہو جائیں گے اب ایک چیز بالکل واضح ہے چونکہ کیس سیاسی ہیں اس لیے ان کا فیصلہ تو عدالتوں سے نہیں ہونا ان کا فیصلہ تو کہیں اور ہونا ہے۔
تجزیہ کار عامر الیاس رانا نے کہا کہ بات کرنے کو تو ٹرپ رہے ہیں، روزانہ کی بنیاد پر کہتے ہیں کہ میں صرف آپ سے بات کروں گا پھر کہتے ہیں کہ آپ جنگل کے بادشاہ ہیں، آپ بادشاہ کہلوا لیں اپنے آپ کو، کیا کیا لقب نہیں دیے انھوں نے پاکستان کی فوج اور اسٹیبلشمنٹ کو اسی دوران انھیں مارنگ بلوچ بھی یاد آئی کہ جا کہ اس تحریک میں مارنگ بلوچ سے بھی مدد لینی ہے جس کو فوج نے کہا کہ فتنہ الہندوستان ہے۔
تجزیہ کار خالد قیوم نے کہا کہ اب سب سے بڑا سوال یہی ہے کہ کیا پی ٹی آئی بانی پی ٹی آئی کی رہائی کے لیے قانونی راستہ اختیار کر ے گی یا پھر جو سیاسی سوچ ہے اس کے تحت معاملات کو طے کیا جائے گا، دیکھیے سب سے بڑا معاملہ یہ ہے کہ بانی پی ٹی آئی کے خلاف جو مقدمات ہیں وہ سیاسی کیسز ہیں، ان کا فیصلہ سیاسی سطح پر ہونا ہے۔
تجزیہ کار شکیل انجم نے کہا جہاں تک ان کی ذات کا مسئلہ ہے ایک شعر کا مصرع ہے کہ صاف چھپتے بھی نہیں سامنے آتے بھی نہیں۔ خان صاحب کی جب بات چیت ہونے لگتی ہے تو ان کو بتایا جاتا ہے کہ اگر آپ اس طریقے سے رہا ہو کر باہر آئیں گے تو آپ کی جو پاپولیرٹی ہے وہ ختم ہو جائے گی ۔
.
ذریعہ
ذریعہ: Express News
کلیدی لفظ: پی ٹی ا ئی نے کہا کہ
پڑھیں:
’ابھی ہو گیا، بس‘، سونو نگم نے نیٹ احتجاج پر تبصرہ کرنے سے انکار کر دیا
معروف بھارتی گلوکار سونو نگم نے نیٹ احتجاج پر تبصرہ کرنے سے انکار کرتے ہوئے میڈیا نمائندوں سے کہا کہ اس معاملے پر ان سے مزید سوال نہ کیے جائیں۔
سونو نگم سے ایک حالیہ میڈیا گفتگو کے دوران مبینہ نیٹ پرچہ لیک اور تعلیمی اصلاحات کے مطالبے پر جاری احتجاج کے حوالے سے سوال کیا گیا، تاہم انہوں نے اس موضوع پر اپنی رائے دینے سے گریز کیا۔
رپورٹرز کی جانب سے مسلسل سوالات کیے جانے پر سونو نگم نے واضح کیا کہ وہ اس معاملے پر بات نہیں کرنا چاہتے۔ بار بار سوالات کیے جانے پر وہ کچھ برہم دکھائی دیے اور مختصراً کہا، ’’ابھی ہو گیا، بس۔‘‘ اس جملے کے ذریعے انہوں نے اشارہ دیا کہ وہ اس موضوع پر مزید گفتگو نہیں کرنا چاہتے۔
رپورٹس کے مطابق، یہ میڈیا گفتگو کہاں اور کس موقع پر ہوئی، اس حوالے سے کوئی تفصیلات سامنے نہیں آئیں۔
View this post on Instagram
نیٹ احتجاج پر متعدد شوبز شخصیات کا ردِعمل
سونو نگم کی خاموشی ایسے وقت میں سامنے آئی ہے جب بھارتی فلم انڈسٹری کی کئی معروف شخصیات نیٹ احتجاج پر اپنے خیالات کا اظہار کر رہی ہیں۔
اداکار سلمان خان، عالیہ بھٹ، دُلکر سلمان، وجے ورما، نصیرالدین شاہ، انوپم کھیر، ہیما مالنی، پریتی زنٹا اور عمران خان سمیت متعدد فنکار اس معاملے پر مختلف رائے کا اظہار کر چکے ہیں۔ بعض نے طلبہ کی حمایت کرتے ہوئے مذاکرات اور تعلیمی اصلاحات کا مطالبہ کیا جبکہ دیگر نے مختلف مؤقف اختیار کیا۔
واضح رہے کہ نیٹ امتحان میں مبینہ پرچہ لیک کے بعد ملک بھر میں طلبہ کی جانب سے احتجاج جاری ہے۔ مظاہرین امتحانی نظام میں شفافیت، ذمہ دار عناصر کے خلاف کارروائی اور احتساب کا مطالبہ کر رہے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی