کیا عید قربان سے قبل کوئٹہ میں ایرانی پیٹرول دستیاب ہوگا؟
اشاعت کی تاریخ: 6th, June 2025 GMT
بلوچستان کے صوبائی دارالحکومت کوئٹہ میں ایک بار پھر ضلعی انتظامیہ کی جانب سے غیر قانونی طور پر اسمگل ہونے والا ایرانی پیٹرول اور ڈیزل کی خرید و فروخت پر مکمل پابندی لگا دی گئی ہے۔ ضلعی انتظامیہ کے مطابق گزشتہ دو ہفتوں کے دوران مختلف کاروائیوں میں 100 سے زائد غیر قانونی نجی پیٹرول پمپس کو سیل جبکہ درجنوں افراد کو گرفتار کیا جا چکا ہے۔
ضلعی انتظامیہ کا موقف ہے کہ غیر قانونی طور پر اسمگل ہونے والا ایرانی پیٹرول جہاں معیشت کو نقصان پہنچاتا ہے وہیں نجی پیٹرول پمپس گنجان آباد علاقوں میں قائم کیے جاتے ہیں جس سے ہر وقت حادثات کا خطرہ بنا رہتا ہے تاہم حکومت بلوچستان کی جانب سے اس کاروبار میں ملوث عناصر کے خلاف گھیرا تنگ کیا گیا ہے اور مستقبل میں مزید تنگ کیا جائے گا۔
دوسری جانب وی نیوز سے بات کرتے ہوئے ایرانی پیٹرول کے کاروبار سے منسلک شخص نے نام نہ ظاہر کرنے کی شرط پر بتایا کہ شہر میں حکومت کی جانب سے سخت پابندی عائد کی گئی ہے اس ضمن میں حکومت جہاں پیٹرول پمپس کو سیل کر رہی ہے وہیں پیٹرول فروخت کرنے والے افراد کو گرفتار بھی کیا جا رہا ہے اس خوف کے تحت شہر کے لگ بھگ تمام غیر قانونی پیٹرول پمپ بند ہو گئے ہیں البتہ اب بھی لوگ غیر قانونی طور پر اسمگل شدہ ایرانی پیٹرول فروخت کر رہے ہیں۔
مزید پڑھیں: کیا پیٹرول پمپوں پر کیش ادائیگی کی صورت میں اضافی رقم دینا ہوگی؟
دراصل ایرانی پیٹرول کے کاروبار سے منسلک لوگ ہیں ایرانی پیٹرول رکھ کر مختلف علاقوں میں بیٹھے ہوئے ہیں نیچے دکانوں میں ان بوتلوں کو چھپا کر لوگوں کو فروخت کیا جا رہا ہے۔ بعض افراد کو ایرانی پیٹرول کیا ٹھکانے معلوم ہے لیکن متعدد افراد ایسے ہیں جن کو ابھی ایک جانب موجود نہیں اس لیے کاروبار محدود سطح پر اب بھی جاری ہیں۔
کوئٹہ کے باسی حمزہ احمد بتاتے ہیں کہ ایرانی پیٹرول پر پابندی سے قبل اس کی قیمت 190 روپے فی لیٹر تھی جبکہ پاکستانی پیٹرول 253 روپے میں فروخت ہو رہا تھا ایسے میں حکومت نے عوام کو عید کا تحفہ دیتے ہوئے پیٹرول میں ایک روپے کا اضافہ کیا ہے جو 190 روپے میں ایرانی پیٹرول ڈلوا رہا تھا وہیں اب مجبوراً 254 میں پاکستانی پیٹرول ڈلوانا پڑ رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایران ایرانی پیٹرول بلوچستان ڈیزل کوئٹہ.ذریعہ: WE News
کلیدی لفظ: ایران ایرانی پیٹرول بلوچستان ڈیزل کوئٹہ ایرانی پیٹرول
پڑھیں:
کوئٹہ: غیرت کے نام پر قتل، کہانی کا نیا موڑ، مقتولہ بانو کی مبینہ والدہ کا ویڈیو بیان منظرِ عام پر آگیا
کوئٹہ کے نواحی علاقے ڈگاری میں غیرت کے نام پر قتل کی جانے والی خاتون بانو کی مبینہ والدہ گل جان کا ویڈیو بیان سامنے آ گیا ہے، جس میں انہوں نے قتل کو ’بلوچی رسم و رواج‘ کے مطابق قرار دیتے ہوئے سرداروں اور معتبرین کی رہائی کا مطالبہ کیا ہے۔
ویڈیو بیان میں گل جان کا کہنا تھا کہ ان کی بیٹی بانو کوئی کم سن لڑکی نہیں تھی بلکہ 5 بچوں کی ماں تھی۔ اس کے بچے نور احمد (18 سال)، واصد (14 سال)، فاطمہ (12 سال)، صدیقہ (9 سال) اور ذاکر (6 سال) ہیں۔
یہ بھی پڑھیے بلوچستان: غیرت کے نام پر قتل، ایف آئی آر میں کیا لکھا گیا؟
انہوں نے کہا کہ بحثیت بلوچ، کسی کا دل نہیں مانتا کہ ایک ماں اپنے بچوں کو چھوڑ کر کسی کے ساتھ بھاگ جائے، لیکن جب ایسا ہوا تو ہمیں غیرت پر فیصلہ کرنا پڑا۔
گل جان نے اپنے بیان میں کہا کہ بانو احسان اللہ نامی شخص کے ساتھ 25 دن تک فرار رہی، جو نہ صرف ان کے گھر کے قریب رہتا تھا بلکہ بارہا ان کے بیٹوں کو دھمکیاں بھی دیتا رہا اور متنازع ویڈیوز بنا کر بھیجواتا تھا۔ خاتون کے مطابق، اس کے بیٹے جلال کو بھی جان سے مارنے کی دھمکیاں دی گئیں۔
گل جان نے یہ تسلیم کیا کہ ان کی بیٹی کو قتل کیا گیا اور دعویٰ کیا ’ہم نے جو کچھ کیا وہ غیرت کے تحت اور بلوچی رسم و رواج کے مطابق کیا، نہ کہ کسی جرگے یا عدالت کے ذریعے۔‘
یہ بھی پڑھیے ڈیگاری واقعہ: بانو اور احسان کا پوسٹ مارٹم کرنے والی پولیس سرجن کیا بتاتی ہیں؟
انہوں نے وزیر اعلیٰ بلوچستان سرفراز بگٹی سے براہِ راست اپیل کی کہ ہمارے سردار اور معتبرین کو رہا کیا جائے۔ ہمارے گھروں پر چھاپے مارے جا رہے ہیں، اور مرد حضرات موجود نہیں ہیں، ہمیں انصاف چاہیے، ہم نے ناحق کچھ نہیں کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بانو قتل کیس بلوچستان دوہرا قتل غیرت کے نام پر قتل
بورے والا: اغواء کاروں کی کار نہر میں گرنے سے 2 مغوی بازیاب