بابر، رضوان، شاہین کا مستقبل کیا؟ سابق کرکٹر نے بتادیا
اشاعت کی تاریخ: 6th, June 2025 GMT
قومی ٹیم کے سابق وکٹ کیپر بیٹر عتیق الزماں نے شاہین شاہ آفریدی، بابراعظم اور محمد رضوان کے مستقبل پر لب کشائی کردی۔
حالیہ انٹرویو میں بات کرتے ہوئے وکٹ کیپر بیٹر عتیق الزماں نے کہا کہ پاکستان سپر لیگ (پی ایس ایل) کے 10ویں ایڈیشن کے فوراً بعد بنگلادیش کیخلاف ٹی20 سیریز میں ٹیم مینجمنٹ کی جانب سے نوجوان کھلاڑیوں کو موقع دینا اس بات کا اشارہ لگتا ہے کہ تینوں کرکٹرز کی مختصر فارمیٹ میں واپسی مشکل ہے۔
عتیق الزماں نے قومی ٹیم میں مسلسل کارکردگی دکھانے کے باوجود محمد رضوان کو باہر کرنے پر مایوسی کا اظہار کیا۔
مزید پڑھیں: بابراعظم سڑک پر نوجوان مداحوں سے الجھ پڑے، ویڈیو وائرل
انہوں نے کہا کہ پاکستانی ٹیم کی روایت ہے کپتان بننے کے بعد کھلاڑی ٹیم سے ڈراپ ہوجاتا ہے، اس لیے کسی کو ٹیم سے نکالنا ہو تو قیادت کا تاج اسکے سر پہنادیا جاتا ہے۔
سابق وکٹ کیپر بیٹر نے کہا کہ مجھے سمجھ نہیں آئی محمد رضوان کو کیوں ٹیم سے ڈراپ کیا گیا ہے، یہ تو سلیکٹرز ہی بتاسکتے ہیں۔
مزید پڑھیں: "رضوان اور بابراعظم کی جوڑی ایک مرتبہ پھر ٹی20 میں دیکھے گی"
واضح رہے کہ رضوان کو 27 اکتوبر 2024 کو پاکستان کرکٹ بورڈ (پی سی بی) کے چیئرمین محسن نقوی نے دورہ آسٹریلیا سے قبل وائٹ بال ٹیم کا کپتان نامزد کیا تھا۔
مزید پڑھیں: "بابراعظم، رضوان کو صرف ٹیسٹ تک محدود رکھیں"
بعدازاں انہوں نے 17 ون ڈے میچز میں پاکستان کی قیادت کی، 8 میں فتوحات سمیٹیں جبکہ 9 میں شکستوں کا منہ دیکھنا پڑا، اسی طرح انکی قیادت میں چیمپئینز ٹرافی کے پہلے ہی راؤنڈ سے قومی ٹیم باہر ہوگئی۔
.
ذریعہ
ذریعہ: Express News
کلیدی لفظ: رضوان کو
پڑھیں:
عالمی مارکیٹ میں تیل کی قیمت 100 ڈالر سے تجاوز، مزید اضافے کا خدشہ
اسلام آباد: مشرق وسطیٰ میں بڑھتی ہوئی کشیدگی کے باعث عالمی مارکیٹ میں تیل کی قیمت میں نمایاں اضافہ ریکارڈ کیا گیا ہے، جہاں برینٹ کروڈ پہلی بار 100 ڈالر فی بیرل کی سطح عبور کر گیا، جبکہ امریکی خام تیل بھی 90 ڈالر فی بیرل سے اوپر پہنچ گیا۔
تازہ عالمی مارکیٹ رپورٹس کے مطابق خطے میں جاری غیر یقینی صورتحال اور سپلائی میں ممکنہ رکاوٹوں کے خدشات نے خام تیل کی قیمتوں کو نئی بلند ترین سطح پر پہنچا دیا ہے۔
ماہرین توانائی کا کہنا ہے کہ اگر مشرق وسطیٰ کی صورتحال مزید کشیدہ ہوئی اور تیل کی ترسیل متاثر ہوئی تو برینٹ کروڈ کی قیمت 120 ڈالر فی بیرل تک پہنچ سکتی ہے۔
تیل کی قیمتیں کیوں بڑھ رہی ہیں؟
تجزیہ کاروں کے مطابق ایران سے تیل کی سپلائی متاثر ہونے کے خدشات، بحیرہ احمر میں حوثیوں کی جانب سے بحری سرگرمیوں میں رکاوٹ اور اہم تجارتی راستوں پر بڑھتے ہوئے خطرات نے عالمی توانائی مارکیٹ کو شدید دباؤ میں ڈال دیا ہے۔
ماہرین کا کہنا ہے کہ ایران کے اہم آئل ٹرمینل جزیرہ خارگ کو کسی بھی ممکنہ نقصان یا تیل کی صنعت میں ہڑتال کی صورت میں عالمی سطح پر سپلائی مزید متاثر ہو سکتی ہے، جس سے قیمتوں میں مزید تیزی آنے کا امکان ہے۔
پاکستان پر کیا اثر پڑ سکتا ہے؟
توانائی ماہرین کے مطابق اگر عالمی مارکیٹ میں تیل کی قیمت اسی رفتار سے بڑھتی رہی تو پاکستان میں بھی پیٹرول، ڈیزل اور دیگر پیٹرولیم مصنوعات مزید مہنگی ہونے کا امکان ہے۔ اس کے علاوہ ٹرانسپورٹ، بجلی کی پیداوار، صنعتی لاگت اور مہنگائی پر بھی اس کے اثرات مرتب ہو سکتے ہیں۔
ماہرین نے خبردار کیا ہے کہ عالمی تیل منڈی میں جاری غیر یقینی صورتحال برقرار رہی تو نہ صرف توانائی کی قیمتیں مزید بڑھ سکتی ہیں بلکہ عالمی معیشت اور سپلائی چین بھی شدید دباؤ کا شکار ہو سکتی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار