کوہاٹ، گیس لیکج دھماکے میں زخمی سابق وفاقی وزیر عباس آفریدی انتقال کرگئے
اشاعت کی تاریخ: 6th, June 2025 GMT
عباس آفریدی گزشتہ شام اپنے ساتھیوں کے ساتھ حجرہ عظیم باغ میں گیس لیکج کے باعث ہونے والے دھماکے میں زخمی ہوگئے تھے، عباس آفریدی کو علاج کے لیے کھارہاں ہسپتال منتقل کیا گیا تھا جہاں وہ دوران علاج زخموں کی تاب نہ لاتے ہوئے دم توڑ گئے۔ اسلام ٹائمز۔ کوہاٹ میں دھماکے میں زخمی سابق وفاقی وزیر سینیٹر عباس آفریدی دوران علاج دم توڑ گئے۔ رپورٹ کے مطابق عباس آفریدی گزشتہ شام اپنے ساتھیوں کے ساتھ حجرہ عظیم باغ میں گیس لیکج کے باعث ہونے والے دھماکے میں زخمی ہوگئے تھے۔ عباس آفریدی کو علاج کے لیے کھارہاں ہسپتال منتقل کیا گیا تھا جہاں وہ دوران علاج زخموں کی تاب نہ لاتے ہوئے دم توڑ گئے۔ وزیر اعظم شہباز شریف نے سابق سینیٹر اور وفاقی وزیر عباس آفریدی کے انتقال پر اظہار افسوس کیا اور مرحوم کے لئے دعائے مغفرت اور بلندی درجات کی دعا کی۔ وزیراعظم نے ان کے اہل خانہ سے اظہار افسوس کیا اور صبر و استقامت کی دعا کی۔
.ذریعہ: Islam Times
کلیدی لفظ: دھماکے میں زخمی
پڑھیں:
کوہاٹ: سابق سینیٹر عباس آفریدی حجرے میں دھماکے سے زخمی
—فائل فوٹوکوہاٹ میں اعظم باغ کے قریب سابق سینیٹر عباس آفریدی حجرے میں دھماکے میں زخمی ہوگئے۔
پولیس کے مطابق عباس آفریدی کو زخمی حالت میں سی ایم ایچ کوہاٹ منتقل کر دیا گیا ہے۔
ڈی پی او کوہاٹ کا کہنا ہے کہ ابتدائی اطلاعات کے مطابق دھماکا گیس لیکیج کی وجہ سے ہوا ہے، جس کے نتیجے میں عباس آفریدی اور دیگر 3 افراد زخمی ہوئے ہیں۔
ڈی پی او کوہاٹ نے یہ بھی بتایا ہے کہ بم ڈسپوزل اسکواڈ موقع پر پہنچ رہا ہے۔
پاک فضائیہ نے بھارت کے 5 طیارے گرائے(بی جے پی رہنما کا اعتراف)